Хибла Герзмава исполняет песню Абхазия моя

Хьыбла Гьерзмааԥҳа Урыстәыла Аҳәынҭқарратә аԥхьахә ланашьахеит

14
(ирҿыцуп 17:47 09.06.2021)
Урыстәыла ахада Владимир Путин 2020 шықәсазы алитературеи аҟазареи русхк аҟны Аҳәынҭқарратә аԥхьахә анашьаразы Аусдҵа инапы аҵеиҩит.

АҞӘА, рашәара 9– Sputnik. Урыстәылеи Аԥсни Жәлар рартистка Хьыбла Гьерзмааԥҳа Урыстәыла Аҳәынҭқарратә аԥхьахә ланашьахеит алитературеи аҟазареи русхк аҟны лылшамҭа ду азы. Абри атәы аанацҳауеит РИА Новости.

"Акультуреи арккаратәи усура рырҿиараҿ ллагаламҭазы 2020 шықәсазтәи Аҳәынҭқарратә аԥхьахә ланашьоуп ашәаҳәаҩ Хьыбла Леуарса-иԥҳа Гьерзмааԥҳа", - иҳәеит акультураз Урыстәыла ахада иабжьгаҩ Владимир Толстои МИА "Россия сегодня" апресс-центр аҿы имҩаԥысуаз апресс-конференциаҿ.

Урыстәыла Аҳәынҭқарратә аԥхьахә 2020 шықәсазы алитературеи аҟазареи русхк аҟны ианашьоуп Григори Валери-иԥа Алфеев, амитрополит Иларион ҳәа еицырдыруа. Ахԥатәи алауреат – аскульптор Александр Иулиан-иԥа Рукавишников.

Атәыла ахада Владимир Путин аԥхьахәқәа риҭоит Кремль, рашәара 12 азы, Урыстәыла Амш аҽны.

Аҳәынҭқарратә аԥхьахә ауаажәларреи аҳәынҭқарреи рҿаԥхьа аҭҵаарадырреи акультуреи русзуҩцәа рылшарақәа ирыхәшьароуп.

2020 шықәса рзы иара 10 миллион мааҭ рҟынӡа инаӡоит.

Аоператә шәаҳәаҩы Хьыбла Гьерзмааԥҳа – адунеитә оператә дунеи аҟны инарылукааша шәаҳәаҩуп. Ла Скала, Ковент-Гарден, Метрополитен-опера, Бавартәии Римтәии атеатрқәа, Венатәи аопера рысценақәа рҟны изныкымкәа дықәгылахьеит. Аконцерттә программақәа лыманы адунеи атәылақәа жәпакы дырҭаахьеит.

Хьыбла Гьерзмааԥҳа – Урыстәылеи Аԥсни Жәлар рартистка, аԥхьахәқәа "Триумф", "Casta Diva", амилаҭтә театртә ԥхьахә "Ахьтәы сабрада", атеатртә ԥхьахә "Ахьы Орфеи" ланашьоуп.

14

Аҟәа абылра ахьыҟалаз уаанӡатәи акондитертә фабрикаҿы амца ырцәоуп

1
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа. Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

1

Аҟәа иҟалаз абылра ахәҭак ырцәоуп

6
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

6