Аԥсныҟа абылтәы аагара Аминистрцәа реилазаараҿы иалацәажәеит

11
(ирҿыцуп 11:21 10.06.2021)
Аилацәажәара аҟны атема хаданы иҟан абылтәы знапы алаку аилахәырақәа русура аахәаратә хәыԥсақәа рызҳара ашьаҭахь.

АҞӘА, рашәара 10– Sputnik. Аԥсны аԥыза-министр Александр Анқәаб Аминистрцәа реилазаара ахаҭарнакцәеи, атәылахь абылтәы аазго аилахәырақәа рхаҭарнакцәеи алархәны аилацәажәара мҩаԥигеит. Абри атәы аанацҳауеит Аминистрцәа реилазаара асаит.

Аилахәырақәа рхаҭарнакцәа ишырҳәо ала ашықәс иалагазар аахәаԥсақәа рызҳара иалагеит, абылтәы арахь аагареи аидарақәа рҳазалхратә еиҿкаареи азыԥхьагәоуҭозар, ишьақәгылоу акакалатәии аизактәии хәыԥсақәа атауар ахатәхәыԥса еиҵахоит.

Аԥхынразы абылтәы ахархәара 25-30 % ишазҳауа азгәаҭани ари аҭагылазаашьа азгәаҭани аилахәырақәа рфинанстә лшара ладырҟәуеит, ианаамҭо абылтәы аахәареи аагареи рзы.

Абри инадҳәаланы ари аусхкы ахаҭарнакцәа аҳәара ҟарҵеит "Анефҭаалыҵқәа рыхәԥса ашьақәыргыларазы" Ақәҵара аԥсахрақәа алагалазарц, ахәԥсақәа ирыцҵазарц.

Аԥыза-министр ихаҭыԥуаҩ, аекономика аминистр Кристина Озган аҭагылазаашьа ахҳәаа алҭеит.

"Аиҳарак абылтәы ахьааго Урыстәылантә ауп. Аԥснытәи аимпорт уатәи ахәԥсақәа ирхьыԥшуп. 2020 шықәса ԥхынҷкәынмза аахыс  иаалырҟьаны анефҭаалыҵқәа рыхәԥса шьҭыҵит. Бжьаратәла 10%. Аҭыԥантәи ахәԥсақәа шьақәзыргылаша ахатә џьармыкьа ҳара иҳамам", - лҳәеит лара.

Озган илҳәеит ахәԥсақәа реизҳара анырра шарҭо: асезонтә ҭахра, ашәахтә еидара аизҳара адинамика, аҭыжьратә зауадқәа рремонтқәа, анефҭтә еилахәырақәа имҩаԥырго анефҭаалыҵқәа рҭыжьра адинамика.

Аԥсны анефҭаалыҵқәа рџьармыкьа аҳәынҭқарроуп иҳәаақәызҵо, убри аан иара аимпортиортә тәылақәа ишьақәдыргыло ахәԥсақәа ирхьыԥшуп.

"Ахәԥса аҽеиҭакра адинамика ҳахәаԥшуазар ашықәс иалагазар, АИ-92 28% ахә иацлеит,  АИ-95 – 26%,а дизельтә былтәы – 30%. Уажәы Урыстәыла ахәқәа абас ишьақәгылоуп: АИ-92 -46,06 мааҭ, уи Аԥсны ишырҭиуа аасҭа 5,06 мааҭ рыла еиҳауп, АИ-95-50,1 мааҭ, уи 7,1 мааҭк рыла еиҳауп, адизельтә былтәы - 48,02 мааҭ, уи 7,02 мааҭ рыла еиҳауп", - лҳәоит Озган.

Александр Анқәаб аминистрцәа анапынҵа риҭеит аҭагылазаашьа иныҭкааны анализ азыруырц.

"Абылтәы ахәԥса егьырҭ амаҵзурақәеи атауарқәеи рыхәԥса аиҿкаара анырра шарҭо азгәаҭаны иҵаҵӷәырку аӡбра ҳадаҳкылароуп, убри аан абылтәы адифицит аҟалара алмыршакәа. Абри инадҳәаланы аҳәара ҟасҵоит ҭакԥхықәрала ахәқәа рыԥсахра шәазнеирц", - иҳәеит Анқәаб.

11

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4