Аԥсны Апарламент Амилаҭтә банк 2020 шықәсазтәи аусуразы аҳасабырба аднакылеит

9
(ирҿыцуп 13:52 10.06.2021)
Амилаҭтә банк 2020 шықәсазтәи аусуразы аҳасабырба рашәара 10 азы Апарламент аилатәарахь инаган.

АҞӘА, рашәара 10- Sputnik, Асмаҭ Ҵәыџьԥҳа. Аԥсны Апарламент Амилаҭтә банк 2020 шықәсазтәи аусуразы аҳасабырба аднакылеит.

Аҳасабырба адепутатцәа ирыдылгалеит абанк ахантәаҩ ихаҭыԥуаҩ Диана Занҭариаԥҳа. Лара иазгәалҭеит 2020 шықәса имариамыз шықәсны ишыҟаз, уи аекономикатә рбагақәа ирнымԥшыр шамуаз.

"2020 шықәсазтәи афинанстә усура аидкыла баланс арбагақәеи 2019 шықәсазтәи арбагақәеи реиҿырԥшраан иубоит уи 59% ишеиҵахаз. Аекономика ианыԥшит аҳәаа аркра, абанктә системаҿ ауадаҩрақәа. Ус шакәызгьы ашықәс анҵәамҭазы арбагақәа акыр еиӷьын", - лҳәоит лара.

Занҭариаԥҳа лажәақәа рыла, 2020 шықәсазы ирҭбаан жәларбжьаратәи аԥарашәаратә система аструктура, ашәҟәы иҭагалан абанктә хсаалагақәа аус рыдуылареи рымаҵ ауреи зырмарио 440 POS-терминал ҿыц.

"2020 шықәсазы, аҳәаа анаадырт ашьҭахь жәларбжьаратәи аԥарашәаратә системақәа рыла ашәарақәа рымҩаԥгара иазҳаит. Аԥсны абанк ари аструктура арҭбаара аполитика мҩаԥнагоит. Ахсаалагақәа Apra Аԥсны анҭыҵ рхархәара аус адуылан. Ииасыз ашықәс азы х-миллион мааҭк рҟынӡа операциа мҩаԥган", - лҳәоит лара.

Занҭариаԥҳа иазгәалҭеит Амилаҭтә банк жәларбжьаратәи аԥарашәаратә системақәа рыла ашәарақәа рымҩаԥгара аполитика шарҿиало.

9

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4