Аԥсны Апарламент аҟны ишьақәдырӷәӷәеит араионтә ӡбарҭақәа аӡбаҩцәа

25
Аӡбаҩцәа Аԥсны Апарламент аҿы бжьеиҳала иалырхуеит атәыла ахада инашьҭымҭала.

АҞӘА, рашәара 10 – Sputnik. Аԥсны Апарламент аҟны ишьақәдырӷәӷәеит Тҟәарчал, Гал, Гагра, Аҟәа, Гәдоуҭа араионқәа рыӡбаҩцәа.

Адепутатцәа рыӡбрала Тҟәарчал араион аӡбаҩыс иалхуп Викториа Ажьиԥҳаи Анатоли Ҳашбеи, Гал араион – Беслан Бжьаниа, Гагра араион –Роберт Димирчиан, Асида Аргәынԥҳа, Стелла Шванԥҳа, Аҟәа араион – Александр Степанов, Кристина Иазычԥҳа, Гәдоуҭа араион –Лиудмила Ҷанԥҳа.

Аԥсны Иреиҳаӡоу аӡбарҭа ахантәаҩы Манана Делԥҳа иазгәалҭеит атәыла ахадеи апарламенти рахь изныкымкәа аҳәара шыҟалҵахьаз аӡбаҩцәа ралхразы, избанзар азакәан инақәыршәаны дара ԥхынҷкәынмза нҵәаанӡа иалхтәуп. Уи иахҟьаны араионқәа хԥа рыҟны аӡбарҭақәа аус руамызт.

"Сгәыӷуеит ԥхьаҟа ари аҩыза аҭагылазаашьа аҭыԥ аиурым ҳәа. Асеиԥш Аԥсны аӡбарҭатә ҭоурых аҿы иҟмалацызт. Аконституциатә закәан аҿы иануп аҿҳәарақәа -90 мшы",- лҳәеит лара.

Адепутат Натали Смырԥҳа иазгәалҭеит азакәанқәа рықәымныҟәара Апрокуратура хада ахылаԥшра шахәҭоу.

Араионтә ӡбарҭақәа рахь аӡбаҩцәа 10-шықәса ҳәа ҿҳәарас ирыманы иалырхуеит Апарламент аҿы.

Аӡбаҩ аҽа маҵурак ахь ииагара ҟалом, изинмчрақәагьы раанкылара ма раԥыхра алшоит "Аԥсны Аҳәынҭқарраҿ аӡбаҩ истатус" азакәан инақәыршәаны.

25

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4