Аслан Бжьаниа Алингвистикатә форум аҟны дықәгылеит

14
ААУ Алингвистикеи аинформациатә технологиақәеи Рцентр аԥшьгарала рашәара 10 рзы имҩаԥган "Аԥсуа бызшәа аиқәырхаразы, арҿиаразы, ахархәаразы, Аԥсны Аҳәынҭқарра аусбарҭақәа рҟны аларҵәаразы Иакыу аконцепциа алхра" апроблема иазку Алингвистикатә форум.

АҞӘА, рашәара 10 – Sputnik. Аслан Бжьаниа Алингвистикатә форум аҟны дықәгылеит. Абри атәы аанацҳауеит атәыла ахада ипресс-маҵзура.

"Ҳәара аҭахума, аԥсуа бызшәа Аԥсны Аконституциа инақәыршәаны аҳәынҭқарратә бызшәа анакәха, уи рхы иадырхәалароуп аҳәынҭқарратә институтқәа. Иҟаҵоу маҷӡам, аха аамҭа иаҳнарбоит уи шазымхо, иҵегь агәцаракра шаҭаху", - иҳәеит Аслан Бжьаниа.

Атәыла ахада иазгәеиҭеит, хаҭала хылаԥшра шаиҭо Аҳәынҭқарра Ахада Иусбарҭаҟны аҧсуа бызшәа ахархәара ахьынӡамоу. Аԥсны Ахада иусура иазкны ицо ажәабжьқәа еиқәдыршәоит аԥсышәалеи урысшәалеи, Ахада исаит аҟны лымкаала хылаҧшра амоуп аԥсуа даҟьа.

"Аҳәаанырцәтәи асасцәа ансыдыскыло, жәларрыбжьаратәи аиҧыларақәа анымҩаҧызго схы иасырхәоит аҳәынҭқарратә бызшәа.
Иҟалап уи маҷуп ҳәа зыҧхьаӡо дыҟазаргьы, аха амаҷи-амаҷи еицыланы ауп ишыҟало аус ду. Адҵа рысҭоит егьырҭ аҳәынҭқарратә усбарҭақәагьы абри ихадоу азҵаара хылаҧшра ҷыда арҭаларц. Абри аус аҟны зегь раҧхьа иргыланы иаҳҭахуп шәара, аҵарауаа шәыцхыраара. Ҳаицазхәыцып абызшәа аҵара аҿар радҧхьаларазы иҟаҵатәу, мҩақәас иалхтәу, аҵаратә система ахьырмариатәу, иахьырӷәӷәатәу", - иҳәеит Ахада.

Аслан Бжьаниа Алингвистикеи аинформациатә технологиақәеи Рцентр аусзуҩцәа қәҿиарала аусуреи аманшәалареи рзеиӷьеишьеит.

14
В Сухуме загорелось здание бывшей кондитерской фабрики

Аҟәа иҟалаз абылра ахәҭак ырцәоуп

3
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

3
В Сухуме загорелось здание бывшей кондитерской фабрики

Аҟәа амцакра ду ҟалеит

21
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

21