Аҟәа аԥшаҳәаҿы иқәыргылоуп Архип Лабахәуа иусумҭа ҿыц

4
(ирҿыцуп 11:50 11.06.2021)
Аурыс поет, апрозаик Осип Мандельштам 1930-тәи ашықәсқәа раан Аԥсныҟа даахьан. Иара иҩымҭоуп аочерк "Аҟәа", ашәҟәы "Ермантәылаҟа аныҟәара" иагәылылаз.

АҞӘА, рашәара 11 – Sputnik, Асмаҭ Ҵәыџьԥҳа. Осип Мандельштам изку Архип Лабахәуа искульптура "Ахаҳә" Амҳаџьырқәа рыԥшаҳәаҿы иқәдыргылеит рашәара 10 азы.

Ахаҳә иануп апоет раԥхьатәи иеизгаҟынтәи ацәаҳәақәа: "Который час, его спросили здесь, а он ответил любопытным: вечность!". Ара иҟоуп егьырҭ Архип иусумҭақәагьы – Чики Никеи.

© Sputnik / Томас Тхайцук
Ахаҳә иану Осип Мандельштам раԥхьатәи иеизгаҟынтәи ацәаҳәақәа

Лабахәуа иажәақәа рыла, шықәсқәак раԥхьа иара ари аҩыза аскульптура ықәиргылахьан, аха мышкы ада иаанымхеит.

"Аамҭа анца ари ас иныжьтәым ҳәа сгәы иаанагеит. Иуадаҩу иахьатәи ҳаԥсҭазаара акала еиласыӡҩар сҭаххеит. Ақалақь ахада сизнеит. Иаразнакы адгылара сиҭеит", - ҳәа еиҭеиҳәоит иара.

© Sputnik / Томас Тхайцук
Аскульптор Архип Лабахәуа

Ахаҳә акәтаӷьԥшра амоуп. Уигьы ахатә еилыркаара амоуп.

"Иумԥыхьашәалак ахаҳә узадгаломызт. Акәтаӷь аформа – аҿыцра, амаӡара, аидеиа иархетипуп. Аҽа хаҳәк аасҭа аенергиа амоуп. Ахьанҭара акәым иаанарԥшуа, аласроуп. Сгәыӷуеит уажәазы аскульптура аанхап ҳәа", - иҳәоит автор.

© Sputnik / Томас Тхайцук
Акәтаӷь аформа змоу Архип Лабахәуа Аҟәа аԥшаҳәаҿы иқәиргылаз ахаҳә

Архип Лабахәуа искульптурақәа иара убасгьы иара ақәыргылара амш изазымԥшуаз иҩыза Енвер изикит. Ахаҳә аҿы нбан-ссала ихьӡгьы ануп.

4
В Сухуме загорелось здание бывшей кондитерской фабрики

Аҟәа иҟалаз абылра ахәҭак ырцәоуп

3
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

3
В Сухуме загорелось здание бывшей кондитерской фабрики

Аҟәа амцакра ду ҟалеит

22
Аҟәа ақалақь Ешба имҩаҿы амцакра ду ҟалеит амҽыша рашәара 13 рзы аҽнышьыбжьон. Аҭыԥ аҟны аус руеит Аԥсны АҶА аусзуҩцәа.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит. Раԥхьа амца ркит хыхьтәи аихагылақәа, ахыбгьы амҽханакит.

Аҭыԥ аҟны амцарцәара иаҿуп Аԥсны АҶА амцарцәаратә гәыԥқәа.

Алҩақ жәпа ажәҩанахь акыр ихалеит, ахыбра зегьы амҽханакит. Хара имгакәа амца ҵаҟатәи аихагылақәа рахьгьы ииасит, адәахьы икылсуа иалагеит.

Аԥша ахьасуаз иахҟьаны ааигәа игыла аԥсаҵлагьы амца акит, аха амцарцәаҩцәа уи ирласны арцәара рылшеит.

Ахыбра амцакра зыхҟьаз макьана еилкаам, ауааԥсыра рахьтә ааха зауз ҳәа аӡәгьы иӡбахә ҳәам.

22