ЕВРО-2020: Европа ашьапылампыл турнир хада Рим иаатуеит

8
ЕВРО-2020 мҩаԥгахоит рашәара 11 инаркны ԥхынгәы 11 рҟынӡа Европа ақалақьқәа жәеиза рҿы. Аханатә атурнир 2020 шықәсазы иазыԥхьагәаҭан, аха акоронавирустә пандемиа иахырҟьаны иахыган.

АҞӘА, рашәара 11 - Sputnik. Ашьапылампыл азы Европа 11-тәи ачемпионат хацыркхоит Ҭырқәтәылеи Италиеи рыбжьара, Рим, рашәара 11 азы ҳәа аанацҳауеит РИА Новости.

УЕФА ачемпионат ахәмаррақәа еихнашеит Европа ақалақьқәа 12 рыбжьара, аха COVID-19 иахырҟьаны УЕФА Дублин ахәмаррақәа Санкт-Петербурги Лондони рахь иианагеит, Бильбао атурнир – Севилиаҟа.

Ачемпионат иалахәуп ф-гәыԥкны еихшоу 24 команда.

Афинал 1/8 ахәҭахьы инеиуеит ҩба-ҩба команда агәыԥқәа рҟынтәи, иара убасгьы агәыԥқәа рҿы ахԥатәи аҭыԥқәа згаз даҽа ԥшь-командак.

Аиҳарак ахәмаррақәа (8) мҩаԥгахоит Лондон. Иара уа имҩаԥгахоит афинали афиналбжеи. Быжь-хәмаррак мҩаԥгахоит Санкт-Петербург. ЕВРО-2020 агәыԥтә хәмаррақәа мҩаԥысуеит рашәара 11-23 рзы, плеи-офф хацыркхоит рашәара 26 азы.

Агәыԥ А - Италиа, Ҭырқәтәыла, Уельс, Швеицариа. Ахәмаррақәа реихшанҵа: Ҭырқәтәыла– Италиа (рашәара 11, Рим), Уельс – Швеицариа (12, Бақәа), Ҭырқәтәыла – Уельс (16, Бақәа), Италиа – Швеицариа (16, Рим), Италиа – Уельс (20, Рим), Швеицариа – Ҭырқәтәыла (20, Бақәа).

Арҭ ахәмаррақәа мҩаԥгахоит Рими Бақәеи.

Агәыԥ B - Урыстәыла, Бельгиа, Даниа, Финландиа. Ахәмаррақәа реихшанҵа: Даниа – Финландиа (рашәара 12, Копенгаген), Бельгиа – Урыстәыла (12, Санкт-Петербург), Финландиа – Урыстәыла (16, Санкт-Петербург), Даниа – Бельгиа (17, Копенгаген), Финлиандиа – Бельгиа (21, Санкт-Петербург), Даниа – Урыстәыла (21, Копенгаген).

Агәыԥ C - Австриа, Нидерландқәа, Аҩада Македониа, Украина. Ахәмаррақәа реихшанҵа: Австриа – Аҩада Македониа (рашәара 13, Бухарест), Нидерландқәа – Украина (13, Амстердам), Украина – Аҩада Македониа (17, Бухарест), Нидерландқәа – Австриа (17, Амстердам), Украина – Австриа (21, Бухарест), Аҩада Македониа – Нидерландқәа (21, Амстердам).

Агәыԥ D - Англиа, Хорватиа, Чехиа, Шотландиа. Ахәмаррақәа реихшанҵа: Англиа – Хорватиа (рашәара 13, Лондон), Шотландиа – Чехиа (14, Глазго), Хорватиа – Чехиа (18, Глазго), Англиа – Шотландиа (18, Лондон), Чехиа – Англиа (22, Лондон), Хорватиа – Шотландиа (22, Глазго).

Агәыԥ E - Испаниа, Швециа, Польша, Словакиа. Ахәмаррақәа реихшанҵа: Польша – Словакиа (рашәара 14, Санкт-Петербург), Испаниа – Швециа (14, Севильа), Швециа – Словакиа (18, Санкт-Петербург), Испаниа – Польша (19, Севильа), Швециа – Польша (23, Санкт-Петербург), Словакиа – Испаниа (23, Севильа).

Агәыԥ F - Франциа, Португалиа, Германиа, Венгриа. Ахәмаррақәа реихшанҵа: Венгриа – Португалиа (рашәара 15, Будапешт), Франциа – Германиа (15, Миунхен), Венгриа – Франциа (19, Будапешт), Португалиа – Германиа (19, Миунхен), Германиа – Венгриа (23, Мюнхен), Португалиа – Франциа (23, Будапешт).

8

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

4
(ирҿыцуп 20:21 21.06.2021)
Галтәи агуманитартә коллеџь аиҳабы Гәында Кәарҷиаԥҳа арадио Sputnik аефир аҟны еиҭалҳәеит аколлеџь ахыбраҟны аус зуаз аскаи–клуб аҟны аҿарацәа иддырҵоз, урҭ рдыррақәа ԥхьаҟа рхы иадырхәар ахьрылшо атәы.
Раионк аԥсҭазаараҟынтә: Кәарҷиаԥҳа Галтәи аколлеџь аҟны аскаи-клуб иазкны

"Иформалтәым аҵараҟны иҿыцуи ааӡара иаҵанакуа азнеишьақәеи" апроект алҵшәақәа еихыршьалеит мышқәак раԥхьа Гал. Уи рхы аладырхәит Гали Тҟәарчали араионқәа рхадацәа.

"Аколлеџь ахыбраҟны ҩышықәса инарзынаԥшуа аскаи-клуб ыҟан. Уи аҿарацәа еиднакылон, ҳастудентцәагьы иргәаԥхан иалалаз ыҟоуп. Еицәажәон, ихәмаруан, имҩаԥыргон еиуеиԥшым аныҳәақәа, уи адагьы аҵара ахьырҵаша, аусурҭа шырԥшааша, абизнес-планқәа рыҩра уҳәа рзы ицхыраагӡан. Уи аамҭазы ҳара ҳколлеџь аҟны ахәыҟаҵаҩ изанааҭ ала акурсқәа еиҿаҳкаауан, аклуб аҟынтәи быжьҩык аҿарацәа ааргеит… Мчыбжьык ауп инхаз, шықәсык аҵара зҵоз ауҳажьырц азы. Аусурҭа атәы ҳҳәозар, заанаҵы ҳрацәажәан, иҟоуп Гагра, Риҵа ицо, иҟоуп Гал ақаҳуажәырҭаҟны, ачаӡырҭаҟны аус зуа", - лҳәеит Кәарҷиаԥҳа.

Шәазыӡырҩы аудио.

Иара убас шәаԥхьар ҟалоит:

4