Ахрик Цәеиба "MRS & MS RUSSIA EARTH 2021" алахәылацәа рзы аҽазыҟаҵарақәа мҩаԥигеит

15
Аицлабра "Мисс и Миссис Россия Земля 2021" афинал рашәара 13 азы Самсон Ҷанба ихьӡ зху Аԥсуа драматә театр аҿы имҩаԥгахоит.

АҞӘА, рашәара 11 – Sputnik, Бадраҟ Аҩӡба. Еицырдыруа аԥсуа шьапылампыласыҩ Ахрик Цәеиба аицлабра "Мисс и Миссис Россия Земля 2021" алахәылацәа рзы астадион "Динамо" аҿы аҽазыҟаҵарақәа мҩаԥигеит ахәаша рашәара 11 рзы.

Аҳҭнықалақь астадион аҿы аицлабра алахәылацәа еиуеиԥшым абаҩырҵәырақәа ҟарҵон, ахәмарратә еиндаҭларақәа ирылахәын.

  • Ахрик Цәеиба "MRS & MS RUSSIA EARTH 2021" алахәылацәа рзы аҽазыҟаҵарақәа мҩаԥигеит
    © Sputnik / Томас Тхайцук
  • Ахрик Цәеиба "MRS & MS RUSSIA EARTH 2021" алахәылацәа рзы аҽазыҟаҵарақәа мҩаԥигеит
    © Sputnik / Томас Тхайцук
  • Ахрик Цәеиба "MRS & MS RUSSIA EARTH 2021" алахәылацәа рзы аҽазыҟаҵарақәа мҩаԥигеит
    © Sputnik / Томас Тхайцук
  • Ахрик Цәеиба "MRS & MS RUSSIA EARTH 2021" алахәылацәа рзы аҽазыҟаҵарақәа мҩаԥигеит
    © Sputnik / Томас Тхайцук
1 / 4
© Sputnik / Томас Тхайцук
Ахрик Цәеиба "MRS & MS RUSSIA EARTH 2021" алахәылацәа рзы аҽазыҟаҵарақәа мҩаԥигеит

"Аицлабра "Мисс и Миссис Россия Земля 2021" афиналтә хәҭахьы инеит Урыстәыла арегионқәа 30 рҟынтәи 50-ҩык. Аицлабра апрограмма шьақәгылоуп афотосессиа, уаххьа-хада рыла. Аҭыԥҳацәа ӡырыргеит, аномерқәа рырҭеит. Иацы аартратә хәылԥаз ҳаман. Алахәылацәа аҟазаратә номерқәа ҳдырбеит. Иреиӷьу афинал ахь инагахоит", - ҳәа Sputnik иазеиҭалҳәеит аконкурс аиҿкааҩ Надежда Лысенко.

Аицлабра "Мисс и Миссис Россия Земля 2021" афинал рашәара 13 азы Самсон Ҷанба ихьӡ зху Аԥсуа драматә театр аҿы имҩаԥгахоит Аԥсны акультура аминистрра адгыларала.

"Иахьа спорттә мшуп. Аспорт азҟаза Ахрик Цәеиба Аԥсны адагьы еицырдыруа спортсменуп. Иара ҳаӡӷабцәа ирзеиҭеиҳәоит аспорттә ҽазыҟаҵара хымԥада ишаҭаху, рус ргәы азҭеиҵоит", - ҳәа лҳәоит аиҿкааҩ.

Аԥшӡара аицлабра Аԥсны амҩаԥгара аидеиа цәырҵит Аԥсны иҭаҩу Амилаҭтә ассоциациа "Акультура, аспорт, аԥшӡара" анаԥҵаха ашьҭахь ҳәа азгәалҭоит Лысенко.

"Аԥсни Урыстәылеи ркультурақәа еидызҳәало апроектқәа аԥҵан. Ари аицлабра раԥхьатәи проект дууп. Иара ӡырнагоит ҳассоциациа. Ҳара апроект иалаҳархәит аԥсуа ҭыԥҳацәагьы. Раԥхьаӡа акәны аԥхьахә лоуеит "Абхазия Земля – 2021" амиссис ма амисс" лҳәоит лара. Аицлабра ажиури иалахәхоит ашьапылампыласыҩ Ахрик Цәеиба, акультура аминистр Гудиса Агрба.

© Sputnik / Томас Тхайцук
Ахрик Цәеибеи аицлабра алахәцәа руаӡәки

"Иахьа ахысырҭатә клуб аҿы ахысрақәа мҩаԥаагоит. Аҭыԥҳацәа иԥсыҽуп ари аус азы ҳәа изшьо шыҟоугьы, иҳалшо дҳарбоит", - ҳәа лҳәоит Надежда Лысенко.

Аԥсны ахьӡала аицлабра иалахәхоит ҩыџьа аҭыԥҳацәа.

Урҭ руаӡәк, Каролина Кәыҵниаԥҳа илҳәоит:

"Зегь даара ибзиоуп. Зегь ҳаиҩызцәоуп. Сара ари аус салахәра ахықәкы амоуп. Агәаҳәара ду сымоуп Аԥсны ахәыҷтәи гәмырҿыӷьратә центр аргылараз. Аинвестор иԥшаара сашьҭоуп. Ахәыҷқәа рзы ара иҟоу акыр имаҷуп", - ҳәа лҳәоит лара.

Ахрик Цәеиба иҳәеит аҭыԥҳацәа аҽазыҟаҵарақәа лҵшәала ишымҩаԥыргаз.

"Ихазынароуп ҳәа исшьоит Урыстәыла арегионқәа 30 рҟынтәи еиҳа иԥшӡоу аҭыԥҳацәа Аԥсныҟа ианаауа. Аҩныҟа ианыхынҳәлак Аԥсны шыԥшӡоу, ишыԥхарроу, амшын шҟәандоу ҳәа еиҭарҳәалап. Сҩыза Руслан Кудриавцев илшоз ҟаиҵеит аконкурс афинал Аԥсны имҩаԥысырц. Уи Аԥсны ӡырнагоит", - ҳәа иҳәеит иара.

"Аԥснытәи ахәаахәҭра-ааглыхратә еилахәыра" анагӡаратә директор Руслан Кудриавцев еиҭеиҳәеит аиҿкаара аилабра "Мисс и Миссис Россия Земля 2021" иапартниор хаданы ишыҟоу.

Иара иҳәеит аиҿкааҩцәа ихықәкы хаданы ирымаз Аԥсны атуризм ахьӡ-аԥша ашьҭыхра шакәыз.

"Аицлабра аԥарахшәаара зегьы хатә харџьын. Афинал абилеҭқәа рҟынтәи аԥарақәа зегьы агәыҳалалрахь инаҳашьҭуеит" ҳәа азгәеиҭеит иара.

Алахәылацәа рықәра 18 шықәса еиҵамзароуп, 48 шықәса еиҳамзароуп, роура – 165 сантиметра иҟазароуп, рцәамаҭәа аразмер 44 (М - азгә.).

15

Аҟәа абылра ахьыҟалаз уаанӡатәи акондитертә фабрикаҿы амца ырцәоуп

0
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа. Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

0

Аҟәа иҟалаз абылра ахәҭак ырцәоуп

6
(ирҿыцуп 13:29 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

6