Пицунда ахысраан ахы зықәшәаз атурист иҟалаз шыҟалаз еиҭеиҳәеит

19
Пицунда ахысраан ааха зауз атуристцәа руаӡәк Шәачатәи ахәышәтәырҭа ареанимациаҿы дышьҭоуп.

АҞӘА, рашәара 16 - Sputnik. Пицунда апансионат "Самшитовая роща" аҿы ахәрақәа зауз урыстәылатәи атуристцәа аҭыԥантәи атәылауаҩ ихҭеикыз аҭыԥҳацәа рыхьчара иалагеит. Абри атәы еиҭеиҳәеит ахәра зауз Тимур Салимгариев, РБК аинтервиу аҭо.

"Сҩызеи сареи ақьафурҭаҿы ҳтәан, иҳалахысыз ахаҵа ҳара иҳадтәалаз аҭыԥҳацәа дырҟәынҷабло, аҵәы рылихуа даналагаз. Ажәа еимаҳкит. Иара атапанча ҭыганы ҳеихсра далагеит. Ахҭрақәа ҩба ҭаирцәит", - ҳәа иҳәоит Салимгариев.

Атурист иажәақәа рыла, иара ахәрақәа фба иоуит, аоперациа ихигеит.

Иара иҳәеит ахысра аныҟала ақьафурҭаҿы дара рыда итәаз шеимыбӷьыжәааз. Раԥхьатәи ацхыраара рызҭаз ирыдтәалаз аҭыԥҳацәа шракәу.

Пицунда, апансионат "Самшитовая роща" аҵакыраҿы ақьафурҭа "Аԥсны" аҟны рашәара 15 асааҭ 00:20 рзы ахысра аҭыԥ шамаз азы Пицундатәи амилициа аҷаԥшьаратә ҟәшахьы аҭел иасит. Аҭыԥ ахь инеиз аопергәыԥ ишьақәдыргылеит ахысра ҟазҵаз Аԥсны атәылауаҩ Ԥлиа Дмитри Виктор-иԥа, 1978 шықәса рзы ииз, Гәдоуҭа араион Лыхны ақыҭан инхо шиакәу.

Аԥсны ААР адыррақәа рыла, Урыстәыла атәылауаа Филоиан А. А., Салимгариев Т. Н., Ԥлиа Д. В. дареи ажәақәа анеимарк ашьҭахь Ԥлиа актәи ишьаҳәырӡыӡи ишьамхи дыриеихсит, аҩбатәи – фынтә иармашьапи игәчамахи дыриеихсит.

Ахәрақәа зауз аԥхьанатә Гагратәи ахәышәтәырҭахь инаргеит, анаҩс Урыстәылаҟа ииаргеит.

Ахысра ҟазҵаз ахы бырны ихаҭа иқәшәеит. Ԥлиа изныкымкәа еиуеиԥшым азинеилагарақәа рзы аҭакԥхықәрақәа идырҵахьан. Уажәы иара Ареспубликатә хәышәтәырҭа дҭоуп. Иганахьала ашьаус хацыркуп.

Иара убас шәаԥхьар ҟалоит:

19
Атемақәа:
Апансионат "Самшитовая роща" аҿы иҟалаз ахысра (14)

Раионк аԥсҭазаараҟынтә: Царгәыш аӡиа Риҵа амашьынаргыларҭа аҟны русушьа атәы

1
(ирҿыцуп 20:36 24.09.2021)
Аӡиа Риҵа аҵакыраҿы амашьынаргыларҭа аҟны аус зуа Сасрыҟәа Царгәыш арадио Sputnik аефир аҟны еиҭаиҳәеит аҭыԥан аусура шеиҿкаауи, ирызцәырҵуа ауадаҩрақәеи ртәы.

Раионк аԥсҭазаараҟынтә: Царгәыш аӡиа Риҵа амашьынаргыларҭаҟны русушьа атәы
"…амашьынақәа ҳархылаԥшуеит, амбжьахрақәа ыҟам, уи аганхьала ҳҭынчуп. Азинхьчаратә маҵзура аусзуҩцәа ҳадгылоуп, ҳаицхыраауеит. Амашьына аргыларҭақәа х-ҭыԥкны иҟоуп, 150-200 машьына рҟынӡа хыхьтәи аҿы иакуеит.

Аус ишахәҭоу иууозароуп, иамуазар аҩны утәароуп. Иҟоуп еиҵахарақәак аныҟало амашьынақәа анырацәоу, аха аԥҟара еиҳарк иназмыгӡо аҭыԥан инхо ҳауп. Сааҭк амашьына аргылара 20 мааҭ иаԥсоуп, иҟоуп амш зегьы иргыланы ицо, урҭ 100 мааҭк ршәоит, - иҳәеит Царгәыш.

Аицәажәара шәазыӡырҩыр шәылшоит аудиофаил аҟны.

1

Аԥсны асанитартә ҳақьым хада: Қырҭтәылантә аковид Аԥсныҟа иҭаргалоит ҳәа аҳәара ҵаҵӷәыдоуп

8
(ирҿыцуп 19:37 24.09.2021)
Аҵыхәтәантәи адыррақәа рыла Аԥсны акоронавирус зцәа иаланы иаадырԥшыз ауаа рхыԥхьаӡара 27 нызқь иахысуеит. Ргәы бзиахахьеит 22107-ҩык ауааԥсыра, амедицинатә усбарҭақәа рыҟны рыԥсҭазаара иалҵхьеит 410-ҩык.

АҞӘА, цәыббра 24 – Sputnik. Қырҭтәылантә аҿкчымазара Аԥсныҟа иҭаргалоит ҳәа аҳәара ҵаҵӷәыдоуп, лҳәеит арадио Sputnik аинтервиу азҭаз Аԥсны асанитартә ҳақьым хада Лиудмила Скорик.

"Аԥсны мрагыларатәи аҳәааҟны асанитар-карантинтә ҟәша еиҿкааны иҳамоуп. Иара иахәҭоу амедицинатә гәаҭаратә мыругақәа зегь рыла еиқәыршәоуп. Аус ауеит аԥхынра зегьы, аусуҩцәа еиқәыршәоуп антиген азы аекспресс-тестқәа рыла. Хымш инреиҳаны Апсны анҭыҵ иҟаз, аковид шрымам ала ашәҟәы зцым зегьы атестқәа ҟарҵоит", - лҳәеит Скорик.

Иара убасгьы иазгәалҭеит, Қырҭтәылеи Аԥсни рҳәааҟны ауаа рацәа шахысуа, аха уи ишаанамго аҭагылазаашьа цәгьоуп ҳәа.

Аҵыхәтәантәи амзақәа рзы Гал араион аҿкчымазара зыхьуа рхыԥхьаӡара шыҟац иаанхоит иацымлаӡацт, ҳәа азгәалҭоит аҳақьым хада.

"Гал араион иаланхо егьырҭ араионқәа руааԥсыра реиԥш, ауаа рацәа злахәу аԥсрақәа, аиныхрақәа, аҭацаагара зҳәаз реиԥш аусмҩаԥгатәқәа мҩаԥыргоит. Ари иаҳа Аԥсны аепидемиологиатә ҭагылазаашьа ашәарҭара иҭанаргылоит, Гал араион ауааԥсыра Жәыргьыҭ араион раҭаара аасҭа",- лҳәеит Скорик.

Убри аан иазгәалҭеит, Аԥсны ауааԥсыра иҷыдоу амедицинатә цхыраараз Қырҭтәылаҟа ицо рхыԥхьаӡара ишазҳаз.

"COVID-19 аҟынтә зҽацәыхьчатәу Қырҭтәыла аҽыхәшәтәра аҟынтәи ихынхәыз роуп, урҭ ачымазара ахьыҟоу иҟан аҟынтәи иаҳа ашәарҭара рыцзар ауеит", -  лҳәеит лара.

Уаанӡа, Гал араион асанитартә ҳақьым хада инапынҵақәа назыгӡо Георги Қобалиа Sputnik иеиҭаз аинтервиу аҟны иҳәахьан Аԥсни Қырҭтәылеи рҳәааҿ аԥкрақәа рырӷәӷәара шхымԥадатәиу.

8