Аԥсны ААР аиҳабырахь инанашьҭит закәаншьаҭада абџьар аикәыршараз ахәҭаҷ зырӷәӷәо апроект

17
(ирҿыцуп 10:13 17.06.2021)
Иахьазы аус зуа азакәанԥҵара инақәыршәаны закәаншьаҭада абџьар аикәыршаразы иазыԥхьагәаҭоуп хышықәсанӡа ахақәиҭра алхәыдатәра.

АҞӘА, рашәара 17 - Sputnik. Аԥсны ААР Аминистрцәа реилазаарахь инанашьҭит закәаншьаҭада абџьар аикәыршараз ахәҭаҷ арӷәӷәаразы апроект "Аԥсны Аҳәынҭқарра Ашьауӷатә закәанеидкыла аԥсахрақәа ралагаларазы".

Абри атәы аҳәоит аминистрра асаит.

Апроект аус адулан Аҩнуҵҟатәи аусқәа рминистр Дмитри Дбар инапынҵала, апансионат "Самшитовая роща" аҿы рашәара 15 азы иҟаз ахҭыс ашьҭахь.

Иазгәаҭан шықәсык аҩнуҵҟа Аԥсны амилициа 110 цыра абџьар ауааԥсыра ишрылыргахьаз.

Иахьазы аус зуа азакәанԥҵара инақәыршәаны закәаншьаҭада абџьар аикәыршаразы иазԥхьагәаҭоуп хышықәсанӡа ахақәиҭра алхәыдатәра, аха ауаа ирыдыргало асанкциақәа инарықәыршәаны атәыла алымҵразы анапаҵаҩра ауп ахархәара зырҭо.

"Ауаа ари аҩыза аумҭазы цәгьарак ишақәымшәо дырны закәаншьаҭада абџьар аархәоит, иныҟәыргоит", - ҳәа аҳәоит Аԥсны ААР аҳәамҭаҿы.

Аԥсны ААР Аминистрцәа реилазаарахь инанашьҭыз закәаншьаҭада абџьар аикәыршараз ахәҭаҷ арӷәӷәараз апроект "Аԥсны Аҳәынҭқарра Ашьаустә закәанеидкыла аԥсахрақәа алагаларазы" иазԥхьагәанаҭоит Аԥсны Ашьаустә Закәанеидкыла ахәҭаҷ 217 (закәаншьаҭада абџьар, аџьаԥҳаны, итҟәацуа амаҭәашьарқәа раахәара, рыҵәахра, рыҭира, рныҟәгара) арӷәӷәара.
  • актәи ахәҭа "ҩышықәса инаркны хәышықәсанӡа ахақәиҭра алхәыдаареи 25 000 мааҭ ахараԥса ашәара ма амшәара" аҟынтәи "хышықәса инаркны фышықәсанӡа ахақәиҭра алхәыдаареи 50 000 мааҭ ахараԥса ашәара ма амшәара" ахь асанкциақәа ирыцҵазарц;
  • аҩбатәи ахәҭа "ҩышықәса инаркны фышықәсанӡа ахақәиҭра алхәыдаара" инаркны "хәышықәса инаркны аашықәсанӡа ахақәиҭра алхәыдаара" ахь асанкциақәа рыӷәӷәазарц;
  • ахԥатәи ахәҭа "хәышықәса инаркны аа-ықәсанӡа ахақәиҭра алхәыдаара" аҟынтәи "аашықәса инаркны жәаҩа-шықәсанӡа ахақәиҭра алхәыдаара" ахь асанкциақәа рыӷәӷәазарц.

Аԥсны АЗ ахәҭаҷ 217 ахәҭа абжьаратә хьанҭарахьы иаҵанакуеит, асанкциа ԥсыҽуп ҳәа рҳәеит Аԥсны ААР аҿы. Ари иалнаршоит заанаҵтәи аҭҵааратә усбарҭақәеи аӡбаратә мчра аусбарҭақәеи аҭакԥхықәра иаҵаргылоу ахаҿы ихақәиҭра иалхәыдатәра рыдрымкыларц. Ахәҭаҷ арӷәӷәара ари аҩыза аҭагылазаашьа аԥнахуеит, ацәгьоуцәагьы анырра рнаҭоит ҳәа рҳәоит аусбарҭаҿы.

Азакәан апроект афинанс харџьқәа аҭаххом ареспубликатә биуџьет аҟынтәи, егьырҭ азакәанԥҵаратә актқәа рыԥсахрагьы аҭаххом.

Иара убас шәаԥхьар ҟалоит:

17

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

5
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

5

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10