Аԥсны агәабзиарахьчара аминистрра: акоронавирус аҽышьҭнахуа иалагеит

18
(ирҿыцуп 15:04 17.06.2021)
Аҵыхәтәантәи адыррақәа рыла Аԥсны акоронавирус зыхьхьо рхыԥхьаӡара 16017-ҩык рҟынӡа инаӡеит, урҭ рҟынтәи 15170-ҩык ргәы бзиахеит, рыԥсҭазаара иалҵит 241-ы.

АҞӘА, рашәара 17 – Sputnik. Аԥсны аепидемиологиатә ҭагылазаашьа аҽарцәгьеит, ачымазара змоу рхыԥхьаӡара иацлеит ҳәа иҳәеит Агәабзиарахьчара аминистр Едуард Быҭәба. Абри атәы аанацҳауеит аусбарҭа апресс-маҵзура.

"Аковидтә центрқәа ирыцҵатәхоит, аҩнтәи аҽыхәышәтәра иашам. Раԥхьатәи ачымазара аҟазшьақәа рҽанцәырырга инаркны амедусзуҩцәа рахь инеитәуп. Ачарақәа, амассатә уснагӡатәқәа рахь анеирақәа рыҽрыцәхьактәуп. Ахыбра аҩнуҵҟа асабрадақәа ныҟәгалатәуп, адистанциа иқәныҟәалатәуп", - ҳәа иҳәеит иара.

Ареспублика асанитартә ҳақьым хада Лиудмила Скорик иазгәалҭеит Аԥсны аепидемиологиатә ҭагылазаашьа аҽарцәгьара зыхҟьо абжьгарақәа уаҩ дахьрықәымныҟәо ауп ҳәа.

"Аныҳәақәа, ачарақәа рымҩаԥгара ишалагаз аиԥш ачымазарагьы алаҵәара иалагеит. Ахәышәтәырҭақәа рахь ауаа рыдҵаалара хынтә еиҳахеит. Уажәы ачымазара 31% рыла еиҳахеит. Аԥхьа алабораториаҿ мышкала 40-ҩык азгәарҭозҭгьы, уажәы ачымазара здырбало шәҩык рҟынӡа рхыԥхьаӡара ыҟоуп", - ҳәа лҳәеит Скорик.

Лара иазгәалҭеит ауаа ихьшәаны ахәышәтәырҭақәа рахь ишыдҵаало.

"Ареспиратортә инфекциа раԥхьатәи аҟазшьақәа зхы иадызбалаз зегьы аамҭа мгакәа аҳақьым идҵаалароуп. Иахьынхо аҭыԥ иадҳәалоу аҳақьым, ма атерапевт адырра ирҭароуп ПЦР-ҭҵаара амҩаԥгаразы ашәҟәы ирҭарц", - ҳәа лҳәоит лара.

ПЦР-анализ анарҭалак адырҩаҽны апациент адырра иҭахоит иҭагылазаашьазы, атест ачымазара шилоу инарбазар, аҽыхәышәтәра далагоит.

"Акоронавирустә инфекциа азԥхьагәаҭаратә уснагӡатәқәа рықәныҟәара ауаа еиҵаны рчымазарахь икылнагоит. 14-мштәи ахыԥхьакраамҭа аӡәгьы иаԥимхыцт. Аҭаацәараҿ аӡә дычмазаҩхазар, егьырҭгьы аҩны иҟазаароуп, рхы ԥхьарклароуп", - лҳәеит Лиудмила Скорик.

Аҟәа ақалақь асанитартә ҳақьым хада Алла Белиаева илҳәеит ииасыз амчыбжь инаркны ареспублика зегьы аиԥш аҳҭнықалақь аҿгьы ачымазара шырацәахаз.

COVID-19 змоу рыбжьара имаҷым ахәыҷқәагьы. Убри инадҳәаланы ақалақьтә балқәа рзин ҟаҵам.

"Аҳәара ҟаҳҵоит класс-классла имҩаԥыжәго ауснагӡатәқәагьы аҳауаҿ имҩаԥыжәгаларц. Излалшо ала иарку ахыбрақәа рыҩнуҵҟа шәҽеизышәымгалан", - ҳәа лҳәоит Алла Белиаева.

Лара илҳәеит ауаа рацәа ахьыҟоу адәқьанқәа, аџьармыкьақәа, ауаажәларратә транспорт аҿы асабрадақәа ныҟәыргаларц.

18
Атемақәа:
Аҿкычымазара – акоронавирус Аԥсни адунеи аҿи: иалкаау (1384)

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

9
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

9

Аԥсны ААР "ампыҵахалара ахыхраз" Қырҭтәыла арезолиуциа апроект ахҳәаа анаҭеит

6
Ампыҵахалара ахыхрази аурыс-ақырҭуа еимак ҭынчмҩала аҭышәныртәаларази арезолиуциа уаанӡа, нанҳәа 2 рзы иалацәажәеит Қырҭтәыла Апарламент азинтә зҵаарақәа реилак аҿы.

АҞӘА, нанҳәа 3 - Sputnik. Аԥсны Адәныҟатәи аусқәа рминистрра "ампыҵахалара ахыхрази" аурыс-ақырҭуа еимак ҭынчмҩала аҭышәныртәаларази арезолиуциа "аԥсҭазаара иаҟәыгоу, аԥсуа-ақырҭуа еиҿагылара амзыз еиҭазкуа" акоуп ҳәа азгәанаҭеит. Абри атәы кьыԥхьуп аусбарҭа асаит аҿы.

Аԥсны ААР адырра ала, Қырҭтәыла иаднакылаз адокумент аҿы Урыстәылатәи Афедерациахь ааԥхьара ҟанаҵоит Аԥсни Аахыҵ Уаԥстәылеи "ампыҵахалара рхыхраз", иазхаҵоу рхьыԥшымра мап ацәнакырц, иара убасгьы аетникатә ҟазшьала ауаа еилырымхларц, Женеватәи аиҿцәажәарақәа рҟны аконструктивтә ҟазшьала ахы мҩаԥнагаларц азы ҳәа.

Аусбарҭаҿ иазгәарҭеит 1992 шықәсазы Аԥсны аибашьра алагаразы аҭакԥхықәра зду Қырҭтәыла шакәу, иара убас, Аахыҵ Уаԥстәыла 2008 шықәсазы аҭыԥ змаз ахҭысқәа рызгьы ахара дара ишрыду.

"Иазгәаҭатәуп Қырҭтәыла амчрақәа ишырҭаху аԥсуа-ақырҭуа еимак аурыс-ақырҭуа еимак акәушәа ауаа дырбара, аха уи изаҟаразаалак ҵаҵӷәык амам. Иззыҟарҵогьы аҭакԥхықәра рҽацәхьакны ахара ирыду мап ацәыркырц ауп", - ҳәа аҳәоит ареспублика адәныҟаполитикатә усбарҭа ахҳәааҿы.

Аԥсны адәныҟатәи аусқәа рминистрра Женеватәи аиҿцәажәарақәа ирлахәылоу жәларбжьаратәи абжьаҟазацәа рахь ааԥхьара ҟанаҵоит 1992–1993 шықәсқәеи 2008 шықәсеи рзы Қырҭтәыла ахымҩаԥгашьа цәгьоуроуп ҳәа иршьарц, Аԥсни Қырҭтәылеи рыбжьара амч ахамырхәаразы аиқәшаҳаҭра анапаҵаҩра иацхраарц.

Аусбарҭа иара убасгьы ааԥхьара ҟанаҵоит Аҟәеи Қарҭи рыбжьара еиҟароу аҳәынҭқаррабжьаратә еиҿцәажәарақәа рышьақәыргылара иацхраарц Аахыҵ Кавказ акраамҭатәи аҭынчреи аҭышәынтәалареи реиҿкаара хықәкыс иҟаҵаны.

Аԥсуа дипломатцәа иазгәарҭоит ақырҭуа ган Женеватәи аиҿцәажәарақәа рҳәаақәа ирҭагӡаны аполитикатә ҭахра аарԥшны рконструктивтә позициа иқәныҟәар шрыхәҭоу. Избанзар аиҿцәажәарақәа рлахәылацәа зегьы ззыԥшу Қырҭтәыла аконструктивтә хымҩаԥгашьа ауп.

6