Аԥсны атуризм аминистрра аҟны еиҭарҳәеит аԥсшьаратә аамҭа шымҩаԥысуа

29
Аԥсны акоронавирус аламырҵәаразы иалагалаз аԥкрақәа рышьҭахь аԥсшьаратә аамҭа мҽхакы ҭбаала имҩаԥысуеит. Аԥсны аԥсшьаразы иманшәалоу ахырхарҭақәа атәылақәа ирыҵаркуеит.

АҞӘА, рашәара 19 – Sputnik. Аԥснытәи асасааирҭақәеи аԥсшьарҭатә ҩнқәеи 80 наӡына рҟынӡа иҭәуп ҳәа арадио Sputnik иазеиҭеиҳәеит Аԥсны атуризм аминистр ихаҭыԥуаҩ Асҭамур Барцыц.

Барцыц иажәақәа рыла, рашәара 11 аҽнынӡа иҟоу адыррақәа рыла Риҵатәи амилаҭтә ҳәырԥссара иаҭаахьеит 154 560 аԥсшьаҩцәа, Афон ҿыцтәи аҳаԥы 103 826-ҩык. 

"Арҭ арбагақәа зеиԥш ҟамлацуп Аԥсны атуризм аҭоурых аҿы. Дара 2016 шықәсазтәи арбагақәа ирыхьӡоит, уи ашықәсан аԥсшьаратә аамҭа ишьахәны имҩаԥысит. Сыынтәагьыы аԥсшьаратә аамҭа бзианы имҩаԥысоит ҳәа сгәы иаанагоит", - иҳәеит иара.

Барцыц иҳәеит Аԥсны атуризм аминистрра аусзуҩцәеи асанитар-епидемиологиатә маҵзура аусзуҩцәеи, аковид-уснагӡатәқәа ишрықәныҟәо аилкааразы аԥсшьарҭатә ҭыԥқәа еицгәарҭоит ҳәа.

Аԥсны атуризм аминистр ихаҭыԥуаҩ Асҭамур Барцыц иазгәеиҭеит, Аԥсны иаҭаауа аԥсшьаҩцәа реиҳараҩык Краснодартәи атәылаҿацә, Москва, Петербург рҟынтә шакәу ишаауа.

Аминистр ихаҭыԥуаҩ иҳәеит Урыстәылеи Ҭырқәтәылеи рҳаиртә еимадара ахацыркра Аԥсны ишаԥырхагам, заатәи аҿаҵарақәа мҩаԥызгаз, зыԥсшьара ахә зшәахьоу рыгәҭакқәа ԥсаххом ҳәа.

Иара убас шәаԥхьар ҟалоит:

29

Иҳаҩсыз уахыки-ҽнаки рыла 112-ҩык COVID-19 рыхьит, аӡәы лыԥсҭазаара далҵит Аԥсны

10
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27265-ҩык рҟынӡа инаӡеит, ргәы бзиахеит 22318-ҩык ауааԥсыра, рыԥсҭазаара иалҵит 411-ҩык.

АҞӘА, цәыббра 24 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 536-ҩык Аԥсны ауааԥсыра, урҭ рахьтә 112-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз 1960 шықәсазы ииз аԥҳәыс лыԥсҭазаара далҵит. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 45-ҩык, рҭагылазаашьа бааԥсуп фҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 66-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Царгәыш аӡиа Риҵа амашьынаргыларҭа аҟны русушьа атәы

9
(ирҿыцуп 20:36 24.09.2021)
Аӡиа Риҵа аҵакыраҿы амашьынаргыларҭа аҟны аус зуа Сасрыҟәа Царгәыш арадио Sputnik аефир аҟны еиҭаиҳәеит аҭыԥан аусура шеиҿкаауи, ирызцәырҵуа ауадаҩрақәеи ртәы.

Раионк аԥсҭазаараҟынтә: Царгәыш аӡиа Риҵа амашьынаргыларҭаҟны русушьа атәы
"…амашьынақәа ҳархылаԥшуеит, амбжьахрақәа ыҟам, уи аганхьала ҳҭынчуп. Азинхьчаратә маҵзура аусзуҩцәа ҳадгылоуп, ҳаицхыраауеит. Амашьына аргыларҭақәа х-ҭыԥкны иҟоуп, 150-200 машьына рҟынӡа хыхьтәи аҿы иакуеит.

Аус ишахәҭоу иууозароуп, иамуазар аҩны утәароуп. Иҟоуп еиҵахарақәак аныҟало амашьынақәа анырацәоу, аха аԥҟара еиҳарк иназмыгӡо аҭыԥан инхо ҳауп. Сааҭк амашьына аргылара 20 мааҭ иаԥсоуп, иҟоуп амш зегьы иргыланы ицо, урҭ 100 мааҭк ршәоит, - иҳәеит Царгәыш.

Аицәажәара шәазыӡырҩыр шәылшоит аудиофаил аҟны.

9