Амилаҭ цәа зхоу: адыга мҳаџьырқәа рхылҵшьҭра Гьоқан Ҭарҳаҟәо инапҟазара иазкны

245
(ирҿыцуп 18:11 20.06.2021)
Ҭырқәтәыла, Измиҭ ақалақь аҿы адыга рԥыс Гьоқан Ҭарҳаҟәо ахьи, араӡни, аџьази ирылху, Кавказ ацәа зхоу еиуеиԥшым аҩычагақәа ҟаиҵоижьҭеи фышықәса ҵуеит. Ари ахықәкы шизцәырҵыз атәы Саида Жьиԥҳа ланҵамҭаҿы.

Гьоқан Ҭарҳаҟәо (Демирчан) ашкол даналга ашьҭахь ахьиратә (ювелирный) ҵара далганы, ахьиратә ҟазарҭаҟны аусура далагеит.

Саида Жьиԥҳа, Sputnik

Гьоқан Ҭарҳаҟәо (Демирчан) иҟазарҭахь имҩахыҵуаз реиҳараҩык аҭырқәцәа ракәын. Дара рмилаҭтә символика ахьаарԥшыз аҩычагақәа ирыдҵаалон. Иаҳҳәап, аҭырқәа бираҟ ахьарбаз амацәазқәа, ахәдахаҵақәа. Гьоқан абарҭқәа аниба иаргьы имилаҭ цәа зхоу арԥшӡагақәа рыҟаҵара далагеит. Ианиқәманшәалаха, насгьы Кавказ ажәларқәа рхаҭарнакцәа идҵаало ианалага, ихатәы ҟазарҭа ааиртит.

© Sputnik / Саида Жиба
Гьоқан Ҭарҳаҟәо (Демирчан)

Сынтәа фышықәсоуп Гьоқан хықәкыла ари аус инапы алакуижьҭеи. 

"Кавказ асимволқәа арԥшӡагақәа, иаҳҳәозар амацәазқәа, алымҳареиқәа, ахәдахаҵақәа, анапхаҵақәа, амаҟақәа уҳәа рҿы иасырбо саналага, ирыдҵаалоз ауаа рацәаҩхеит. Анаҩс исыӡбеит схатәы ҟазарҭа аартны ҷыдала убри ахырхарҭа снапы аласкырц. Иахьазы аахәаҩцәа ирыдаагало атауарқәа рацәаӡаны иҳамоуп. Амилаҭ символика аҳәызба, асааҭқәа, аԥараҭра, аҭеисԥыҳә, амцаркыга, ацраҳәа, амаҭәақәа рҟны уҳәа ргәы иахьаҭаху ҷабганы, мамзаргьы ахьы, араӡны, аџьаз ирылхны иаҳҭоит, убас ауаҩы иҭаххарала зыжәла бзиоу ахаҳәқәагьы ҭаҳԥсоит", - иҳәоит Гьоқан.

  • Гьоқан Ҭарҳаҟәо инапкымҭа
    © Sputnik / Саида Жиба
  • Гьоқан Ҭарҳаҟәо инапкымҭа
    © Sputnik / Саида Жиба
  • Гьоқан Ҭарҳаҟәо инапкымҭа
    © Sputnik / Саида Жиба
  • Гьоқан Ҭарҳаҟәо инапкымҭа
    © Sputnik / Саида Жиба
  • Гьоқан Ҭарҳаҟәо инапкымҭа
    © Sputnik / Саида Жиба
1 / 5
© Sputnik / Саида Жиба
Гьоқан Ҭарҳаҟәо инапкымҭа

Гьоқан Ҭарҳаҟәо инапкымҭақәа иҟазарҭаҿы адагьы ажәлар ирыдигалоит еиуеиԥшым аныҳәатә еизарақәа рҟны. Аҳәса ргәы иахәаны иргоит кавказтәи арԥыси аԥҳәызбеи ахьарбоу аҩычагақәа, ахацәа еиҳарак адыга ма аԥсуа бираҟ ахьану амацәазқәа ирыдҵаалоит. Имаҷҩым зыжәла адамыӷ зну арԥшӡагақәа ҿазҵо.

© Sputnik / Саида Жиба
Гьоқан Ҭарҳаҟәо

Гьоқан иажәақәа рыла, Кавказ асимволқәа зну аҩычагақәа егьырҭ амилаҭқәагьы адҵаалоит. Ус ҭырқәа ԥҳәызбак лҭаца ҵкы азы аҩычагақәа Гьоқан иҟазарҭаҿы иҿалҵеит.

"Уи аԥҳәызба адыгааи аԥсуааи рыгәҭа илызҳаит азы, ибзианы илдыруан Кавказ акультура зныԥшуаз аҩычагақәа. Лара лгәаҳәарала илзыҟасҵеит амаҟа, амацәаз, алымҳарыҩ, ахәдахаҵа, анапхаҵа", - инаҵишьит иара.

© Видео Саида Жиба
Гьоқан Ҭарҳаҟәо ижьирҭаҿы

Иахьазы, Измиҭ ақалақь, Кавказ асимволқәа ахьаарԥшу арԥшӡагақәа Гьоқан иҟазарҭа заҵәык аҟноуп иахьыҟарҵо. Гьоқан излаиҳәаз ала, Ҭырқәтәыла иара дналаҵаны хҩык роуп ари ахырхарҭала аус зуа, аха еизакны аҭиразы иара заҵәык иоуп знапы алаку.

© Sputnik / Саида Жиба
Гьоқан Ҭарҳаҟәо

"Кавказ адиаспорақәа ахьынхо атәылақәа рҟынтә ҳауаажәлар рхаҭарнакцәа Ҭырқәтәылаҟа ианаауа, аӡәырҩы сара сҟны имааикәа ицаӡом. Стауарқәа аинтернет асаитқәа рҟны иӡыргоуп азы, сҭыӡҭыԥ рдыруеит, зны-зынла ҭелла ргәы иаҭаху аҩычагақәа ҿарҵоит", - иҳәоит анапҟаза.

© Sputnik / Саида Жиба
Гьоқан Ҭарҳаҟәо

Гьоқан Ҭарҳаҟәо арԥшӡагақәа рҿы иаирбо асимволқәа аҭоурыхтә шәҟәқәеи аинтернети рҟынтә игоит, иҟалалоит аҩычагақәа ҿазҵо ргәы иаҭаху рхала ианидыргало.

© Sputnik / Саида Жиба
Гьоқан Ҭарҳаҟәо

Адыга напҟаза ахьиратә ҟазарҭақәа рахь ахәыҷқәа разыҟаҵаразы ааԥхьарақәа ирҭоит, уахь иныҟәо амилаҭ еилаԥса роуп, аха даара аинтерес рзаҵоуп Кавказ аҩычагақәа рыҟаҵара.

Иара убас шәаԥхьар ҟалоит:

245

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

5
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

5

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10