Занавес

Афестивальқәеи, аспектакльқәеи, оркестр ақәгылареи: акультуратә афиша

18
(ирҿыцуп 18:10 20.06.2021)
Аинформациатә маҵзуреи арадиои Sputnik Аԥсны иазнархиеит рашәара 21-27 рзтәи акультуратә хҭысқәа рафиша.

Аԥсуа ҳәынҭқарратә драматә театр

  • Рашәара 22-23 рзы Башкириатәи аопереи абалети ртеатр аспектакль-миузикл "Летучий корабль" рыманы Аԥсны иқәгылоит. Ақәыргыламҭа абзиабара, анасыԥ ирызкуп, адуцәа реиԥш ахәыҷқәагьы иргәаԥхоит.
  • Рашәара 24-25 рзы аспектакль ҿыц "Акыр иаԥсоу Памела" ддырбоит, режиссиорс дамоуп Урыстәыла Зҽаԥсазтәыз артист, Аԥсны Зҽаԥсазтәыз акультура аусзуҩ, Адрамтеатр арежиссиор Адгәыр Ақаҩба. Аспектакль аҿы ихәмаруеит Аԥсуа театр актиорцәа рабиԥарақәа хԥа: Виолетта Маан, Маиа Џьыкырба, Лаврик Ахба, Адгәыр Малиа, Гарри Аџьынџьал, Лана Џьапуаԥҳа, Гәдиса Ҭодуа.
  • Асааҭ 17:00 рзы, есхәаша атеатр аҟны имҩаԥыслоит Аԥсны аҳәынҭқарратә камертә оркестр аконцертқәа.

Аҿар ртеатр

  • Рашәара 23, асааҭ 19:00 рзы Аԥсуа драматә театр аҟны аспектакль "Абзиабара аҭоурых", Ромеои Џьулеттеи рлахьынҵа, рыбзиабара, аамҭа рацәа шцахьоугьы, азҿлымҳара амоуп есымшагьы.

РУСДРАМ

  • Рашәара 21 рзы РУСДРАМ иқәыргылахоит  арежиссиортә лабораториа "Сандро". Арежиссиорцәа иалырхит "Сандро Чегьемтәи" ахқәа ԥшьба: "Харлампои Деспинеи", "Ҳабыгә игәыжь ажәабжь", "Ахәмарыҩцәа", "Ахаҵа – афырхы ма Чегьемтәи пушкиндырыҩ".
  • Рашәара 23 асааҭ 19:00 рзы "Примадонны".
  • Рашәара 25 асааҭ 12:00 рзы "Абга шыԥсыӡкыҩхаз азы алакә".
  • Рашәара 26 асааҭ 19:00 рзы аспектакль "Ҳаџьы-Мураҭ" (арежиссиор Адгәыр Ақаҩба).

  • Рашәара 27 асааҭ 19:00 рзы Карл Гальдони иҩымҭала ақәыргыламҭа "Кьоџьаа рҭыӡшәа".

Ацәыргақәҵатә зал

  • Аԥсны асахьаҭыхыҩцәа Реидгыла алахәыла Аԥшьа Ҳагԥҳа лцәыргақәҵа "Аизҳара" ("Движение"-аред.) аатуеит рашәара 21 азы Ацәыргақәҵатә зал хадаҿы.

Пицундатәи аконцертә зал

  • Рашәара 23 рзы Пицундатәи ауахәамаҿы Башкириатәи аопереи абалети ртеатр артистцәа инарыгӡоит еицырдыруа аромансқәеи ариақәеи. Аконцерт далахәуп аԥсуа уарӷанарҳәаҩ Лука Гаделиа.
18

Урыстәылатәи аспелеологцәа Веревкин иҳаԥаҿы ахаҵа иԥсыбаҩ рбеит

2
(ирҿыцуп 09:32 05.08.2021)
Урыстәылатәи аспелеологцәа ргәаанагарала Веревкин иҳаԥаҿыарыцҳара ҟалазар ҟалоит 2020 шықәса аԥхын ма ҭагалан.

АҞӘА, нанҳәа 5 – Sputnik, Бадри Есиава. Урыстәылатәи аспелеологцәа Аԥсны иҟоу Веревкин иҳаԥаҿы ахаҵа иԥсыбаҩ рбеит 1100 метра алаҟәыраҿы, абри атәы Sputnik иазеиҭеиҳәеит Урыстәыла аспелеологцәа Реидгыла анапхгара алахәыла Евгени Снедков.

"Нанҳәа 3, асааҭ 4:00 азы Москва, Перовсктәи аклуб аспелеологцәа ргәыԥ, 30 шықәса инарзынаԥшуа Веревкин иҳаԥаҿы аусурақәа мҩаԥызго, атурист иԥсыбаҩ рбеит. Аԥхьа аҭаларҭатә ҵеиџь ахықәаҿ ашаха рбеит, маҭәақәакгьы. Анаҩс 1100 метра алаҟәыраҿ ауаҩы иԥсыбаҩ кнаҳан", - иҳәеит иара.

Снедков иажәақәа рыла иҭахаз дыштуристыз еилкаахеит, избанзар аҳаԥы амаршрут ауадаҩра иақәшәомызт ихархәагақәа. Иҟалоит иара аԥышәеи амчи изымхазар. Уи адагьы асеиԥш иҟоу аҳаԥқәа аӡәы ихала аҭалара ашәарҭадара атехника еиланагоит. Иара ихаҭара шьықәзыргылаша ҳәа аспелеологцәа акгьы рзымԥшааит.

Урыстәылатәи аспелеологцәа ргәаанагарала Веревкин иҳаԥаҿы арыцҳара ҟалазар ҟалоит 2020 шықәса аԥхын ма ҭагалан.

Аспелеологцәа реидгыла Аԥсны АҶА ахь адырра ҟарҵеит.

"Идокументқәеи игәакьацәеи ԥшаатәуп. Иҟаҵатәу дара ирҳәароуп. Асеиԥш аан аԥсыбаҩ аҭгара рҽазыршәоит аха ариаҟара аҵаҟынтә уи уадаҩуп. 50 – 100-ҩык рҟынӡа аспелеологцәа аҭахуп. Аҳаԥаҿы ишәарҭоу аҭыԥқәа ыҟоуп",- иҳәоит Снедков.

Иара иҳәеит Аԥсныҟа амҩа ишықәло аспелеологцәа Реидгылаҟынтә уи азы аҳәара ҟаҵахар.

2020 шықәса нанҳәамзазы Арбаика аҳаԥаҿы дҭахеит аспелеолог Павел Демидов. Иԥсыбаҩ 300 метра рҟынтә ихагалан.
Веревкин иҳаԥы адунеи аҿы реиҳа иҵаулоу ҳәа иԥхьаӡоуп. 2018 шықәсазы урыстәылатәи аспелеологцәа 2212 метра илбааит.

2

Аԥсны акоронавирус зланы зыԥсҭазаара иалҵыз 320-ҩык рҟынӡа инаӡеит

14
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 4 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 392-ҩык атестқәа рзыҟаҵан, урҭ рахьтә 98-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы рыԥсҭазаара иалҵит ԥшьҩык: 76 шықәсеи 80 шықәсеи зхыҵуаз ҩыџьа аҳәсеи,  42 шықәсеи 83 шықәсеи зхыҵуаз ҩыџьа ахацәеи.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 178-ҩык, рҭагылазаашьа бааԥсуп 41-ы, ибжьаратәуп - 51-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 44-ҩык апациентцәа, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 24-ҩык. Гагратәи ахәшәтәырҭаҿы - 47-ҩык, урҭ рахьтә 12-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 13-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

14
Атемақәа:
Аҿкычымазара – акоронавирус Аԥсни адунеи аҿи: иалкаау