Черкессктәи акинофорум аҿы арежиссиорцәа Аԥсны алшарақәа ӡырыргеит

8
(ирҿыцуп 08:30 21.06.2021)
Нхыҵкавказтәи аҿар ркинофорум мҩаԥысуеит Черкесск рашәара 18 инаркны 21 аҟынӡа Урыстәылазегьтәи аҿар ркинофорум аҳәаақәа иҭагӡаны.

АҞӘА, рашәара 21 - Sputnik. Аҩада-Кавказтәи аҿар ркинофорум аҿы Аԥснытәи арежиссиорцәа рхы аладырхәит. Абри атәы еиҭеиҳәеит арежиссиор Дауҭ Логәуа, арадио Sputnik аинтервиу аҭо.

Иара иажәақәа рыла, Нхыҵ Кавкази Урыстәыла ақалақьқәеи рҟынтәи арежиссиорцәа қәыԥшцәа иахьынхо аҭыԥ акино ҭухыртә иамоу алшамҭақәа ӡырыргоит.

Иара убасгьы арежиссиорцәа рыпроектқәа ӡырыргоит Урыстәыла Акинематографистцәа реидгылаҟынтәи аԥхьахәқәа роуразы – 500 000 мааҭ проектк азы.

Актәи амш азы Аԥснынтәи алахәылацәа ареспублика алшарақәа ӡырыргеит, аролик ала Аԥсны акиноҭоурых ддырбеит.

"Еиҭаҳҳәеит аҭыԥантәи ауааԥсыра активла аҭыхрақәа ишрыдгыло, алшарагьы шыҟоу Акультура аминистрраҿы аҭыхратә гәыԥқәа рыдкылара зырмарио акомиссиа аԥҵара, избанзар акинофорум аҿы цқьа ирыздырам Аԥсны закәу, ара аҭыхрақәа шалшо", - ҳәа иҳәеит иара.

Логәуа иажәақәа рыла, афорум алахәра аинтерес аҵоуп арежиссиорцәа реиԥш асценаристцәа рызгьы.

"Ари лшара дууп алашара аусзуҩцәа инадыркны ацхырааҩцәа рҟынӡа. Апроектқәа заҟа ирацәоу аҟара хра рымоуп", - иҳәеит иара.

Нхыҵкавказтәи аҿар ркинофорум мҩаԥысуеит Черкесск рашәара 18 инаркны 21 аҟынӡа Урыстәылазегьтәи аҿар ркинофорум аҳәаақәа ирҭагӡаны. Имҩаԥгахоит аҟазара-классқәа, атренингқәа, аӡыргарақәа.

8

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

5
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

5

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10