"Аԥсны агәашәқәа": Аслан Бжьаниа Гагра араион даҭааны аҭагылазаашьа гәеиҭеит

20
(ирҿыцуп 10:18 21.06.2021)
Гагра араион ахь иныҟәараан атәыла ахада даҭаан ибеит ишәарҭоу Ԥсоу аӡиас ахәҭа, Урыстәыла иаԥну аҭыԥқәа, иара убас аусуратә еилацәажәарагьы мҩаԥигеит.

АҞӘА, рашәара 21 – Sputnik. Аԥсны ахада Аслан Бжьаниа усутә ныҟәарала Гагра араион даҭааит ҳәа аанацҳауеит ахада ипресс-маҵзура.

Аҳәаа иаԥну аҵакырақәа рыпроблемақәа

Бжьаниа дырҭааит Ԥсоу аӡиас инаваршәны аҳәаа иаԥну ақыҭақәа. Х-ҭыԥк рҿы аӡы аҟәара ҵыӡәӡәааны автомашьынатә мҩахәҭақәа ашәарҭара иҭанаргылоит. Уи адагьы аӡхыҵрақәа аԥырхага рырҭоит ақыҭанхамҩатә дгьылқәа, ауааԥсыра рынхарҭақәа. Ахада араион ахадара ирыдиҵеит апроблема ҭырҵаарц, ашәарҭара аԥыхразы аплан аздырхиарц.

Бжьаниа игәҭакуп хышықәса раԥхьа аҟәара арӷәӷәара мҩаԥызгоз аргыларатә еилахәырақәа рнапхгаҩцәа дырԥыларц. Ахада иҳәеит аус ҭакԥхықәрада азнеираз арҭ аилахәырақәа аамҭа мгакәа рхатә харџь ала аҭагылазаашьа еиҭаркырц шрыхәҭоу.

Анаҩс ахада днеины ибеит Аԥсни Урыстәылеи рҳәааҟны ахылаԥшра-аушьҭырҭатә ҭыԥ, ахәаахәҭратә обиектқәеи егьырҭ аргыларақәеи. Арҭ аобиектқәа рыкәша-мыкәша иҟоу асанитартә ҭагылазаашьа даара игәамԥхеит. Иҳәеит аобиектқәа рнапхгаҩцәа аҭакԥхықәра шрыду ирыҵаркуа адгьылқәа рсанитартә ҭагылазаашьазы.

"Ари Аԥсны уахьҭало агәашә ауп. Аҳәаа иахысыз асасцәа раԥхьа ирбоу ауп атәыла зегьы азы иргәаанагарахо. Аҳәааҿ иарбанзаалак изакәаным ашәахтәшәара ҟамлароуп. Аҳәаахьчаратә маҵзурақәеи Аԥсны ААР амаҵзурақәеи аконтрабанда аарԥшра, анаркотикатә маҭәашьарқәа аҳәаа рахыгара аҽазышәара раԥырҟәҟәааразы рыжәҩа еибырҭароуп. Аусзуҩцәа рхаҭа ракәзар, руси азакәани еиқәшәо еибыҭазароуп", - ҳәа иҳәеит иара, аҳәааҿы аус зуа амаҵзурақәа рнапхгаҩцәа алархәны аилацәажәара анымҩаԥигоз.

Ашәарҭадареи азинеиҿкаареи

Аслан Бжьаниа иусутә ныҟәара аҳәаақәа ирҭагӡаны Гагра амилициа араионтә ҟәшаҿы аусбарҭа аматериал-техникатә еиҿкаара азҵаарақәеи атуробиектқәа рҿы азинеиҿкаара азҵаарақәеи дрылацәажәеит. Азинхьчаҩцәа изеиҭарҳәеит автомашьына ҿыцқәеи егьырҭ ахархәагақәеи рматериал-техникатә еиқәыршәара аҩаӡара шышьҭырхыз.

Иара убасгьы иазгәарҭеит аԥсыҭбарақәа зцу амҩатә машәырқәа шеиҵахаз, иааидкыланы акриминогентә ҭагылазаашьа шеиӷьхаз. Аилацәажәараҿы ахада иазгәеиҭеит азинхьчаҩцәа шракәу амчраҿ иҟазааша, "смотрящие" ҳәа изышьҭоу раамҭа ииасыр шакәу.

Ҷыдала дазааҭгылан иҳәеит атуристтә обиектқәа рҿы азинеиҿкаара шхымԥадатәиу. Иҳәеит аԥсшьаҩцәа здызкыло апансионатқәа, асасааирҭақәа ашәарҭадаразы апрофессионалтә маҵзурақәа аԥырҵар шакәу. Бжьаниа ажәадгала ҟаиҵеит абри аус аҿы аԥышәа змоу, тәанчара ицаз уаанӡатәи азинхьчаратә усбарҭақәа русзуҩцәа шадԥхьалатәу.

20

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи