Акциа "Агәымшәара аурок" мҩаԥысит Урыстәыла Ацҳаражәҳәарҭаҿы

12
Ахәылбыҽха ареспублика ақалақьқәа зегьы рҿы имҩаԥгахоит акциа "Агәалашәара ацәашьы" – Аџьынџьтәылатә еибашьра Ду алагара амш агәаларшәараз.

АҞӘА, рашәара 21– Sputnik, Бадраҟ Аҩӡба. Ашколхәыҷқәа рзы акциа "Агәымшәара аурок" мҩаԥысит Урыстәыла Ацҳаражәҳәарҭаҿы Аџьынџьтәылатә еибашьра Ду алагара амш 80 шықәса ахыҵра аҳаҭыраз рашәара 21 азы.

© Sputnik / Томас Тхайцук
Акциа "Агәымшәара аурок" мҩаԥысит Урыстәыла Ацҳаражәҳәарҭаҿы

Ауснагӡатә еиҿнакааит Аԥсны иҟоу Россотрудничество ахаҭарнакра, адгылара арҭеит Аԥсны иҟоу Урыстәыла Ацҳаражәҳәарҭеи Владислав Арӡынба ихьӡ зху Аҳәынҭқарратә музеии.

Ауснагӡатә аҭааҩцәа рзы еиҿкаан афотоцәыргақәҵа. Россотрудничество ахаҭарнак Евгени Павлов ахәыҷқәа ирзеиҭеиҳәеит аибашьра алагара аҭоурых.

"Сгәы иаанагоит ацәыргақәҵа жәбеит ҳәа. Аԥхьаҟа ишәзыԥшуп аибашьра иазку акинофильми, аинтерес змоу аиҿцәажәареи. Ахәылбыҽха зегь шәнасыԥхьоит акциа "Агәалашәара ацәашьы" ахь. Иара мҩаԥысран иҟоуп "Идырым асолдаҭ" ибаҟа аҿаԥхьа. Акциа мҩаԥгахоит атәыла ақалақьқәа зегьы рҿы", - иҳәоит Павлов.

Аԥсны иҟоу Урыстәыла Ацҳаражәҳәарҭа абжьгаҩ Максим Литвинов иазгәеиҭеит 1941 шықәса рашәара 22 аԥсҭазаара шеиҟәнашаз.

"Анцәа иџьшьаны ҳабацәеи ҳабдуцәеи аҭынч ԥсҭазаара ҳзааргеит. Сақәгәыӷуеит урҭ рфырхаҵара кашәара ақәым ҳәа", – иҳәоит иара.

Аԥсны иҟоу акультуреи аҭҵаарадырреи Урыстәылатәи рцентр анапхгаҩы Вадим Чеха инаҵшьны иазгәеиҭеит Аԥсны аиҿкаарақәа жәпакы аҭоурыхтә гәалашәара амырӡра аус шадыруло.

© Sputnik / Томас Тхайцук
Акциа "Агәымшәара аурок" мҩаԥысит Урыстәыла Ацҳаражәҳәарҭаҿы

"Имҩаԥааго агәымшәара аурокқәа аҭоурыхтә гәалашәара амырӡроуп иззырхоу. Ирацәаҩуп Аибашьра Ду иалахәыз забацәеи забдуцәеи рыԥсҭазаара ҭызҵаауа", - иҳәеит Чеха.

Ахьӡ–аԥша амузеи адиректор лхаҭыԥуаҩ Николаи Медвенски иҳәеит Асовет Еидгыла ацәыӡ ду шаиуз аибашьраан. Аԥсны акәзар, аԥхьатәи ашықәсқәа рзы аибашьра шымцозгьы, ауааԥсыра реиҳараҩык абџьар шьҭыхны аӷа ишиҿагылаз.

Ацәыргақәҵа аҭааҩцәа идырбан аибашьра иазкыз афильм.

Афашисттә Германиа Асовет Еидгыла иақәлеит рашәара 22 1941 шықәсазы. Аџьынџьтәылатә еибашьра Ду адунеи ауааԥсыра рзы реиҳа ишьаарҵәыраз хҭысхеит.

12

Аԥсны агәабзиарахьчара аминистрра алабораториақәа Очамчыреи Гагреи аусура ианалаго рҳәеит

1
(ирҿыцуп 10:58 05.08.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 5 – Sputnik, Бадраҟ Аҩӡба. COVID-19 амазаара аҭҵааразы ПЦР-лабораториа Гагра аусура иазырхиоуп ҳәа иҳәеит Аԥсны Агәабзиарахьчара аминистр Едуард Быҭәба.

"Гагратәи алабораториа аусура ишаалагалак Аҟәатәи абактериологиатә лабораториа еиҳа ахы иақәиҭхоит. Алабораториаз ауада аремонт азуын Гагра араион ахадара амчала. Ахархәагақәа аахәан ареспубликатә биуџьет аԥарақәа рыла", - иҳәеит иара.

Аминистр иазгәеиҭеит алабораториа 200 рҟынӡа биоматериал уахыки-ҽнаки рыла адкылара шалшо. Ԥхынгәы 22 аахыс алабораториа атест режим ала аусура мҩаԥнагон.

Уи адагьы Едуард Быҭәба иҳәеит ареспубликатә биуџьет COVID-19 аламырҵәара иазнархаз аԥарақәа рыхәҭак ала Очамчыра алабараториа шаартхо.

"Иахьазы Очамчыратәи алабараториа аперсонал Ареспубликатә санитар-бактериологиатә лабораториаҿы аԥышәа иахысуеит" - иҳәеит иара.

Алабораториа аусура иалагоит атехникатәии адокументациатәии ҟазшьа змоу азҵаарақәа рҭыԥ ишықәҵахалак, аперсонал шазыҟаҵахалак.

1

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

1
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

1