Аҟәа амшын аԥшаҳәаҿы аҭыԥ змаз хынтәтәи ауаҩшьразы аус ахәаԥшра иацырҵоит

8
(ирҿыцуп 09:16 23.06.2021)
Иреиҳаӡоу аӡбарҭа иацнаҵоит Амҳаџьыраа рыԥшаҳәаҿы абҵара 22 рзы, ақьафурҭа "Сан-Ремо" аҿаԥхьа иҟалаз ахысраантәи ахҭыс аусҭҵаара. Аҭыԥ аҟны иԥсҭазаара далҵит Асҭамыр Шамба, ахәышәтәырҭаҿы - Алхас Аҩӡба, Доминика Ақырҭааԥҳа - ԥхынҷкәын 3 рзы.

Иреиҳаӡоу аӡбарҭа уаанӡатәи аилатәараҿы ахьчаратә ган ахантәаҩы Мимоза Цәышԥҳа аус далгазарц азыҳәа ҟанаҵеит, лашьа гәакьа иԥҳа Лаура Цәышԥҳа усҭҵааҩык иаҳасаб ала аусҭҵаара дахьалахәыз азы. Ари аҭагылазаашьа Ашьаустә Закәанеидкыла иаҿагылоит. Аилатәара ахыганы аӡбарҭа ахантәаҩыс далхын Маиа Кәыҵниаԥҳа.

Аӡбаҩ мап лыцәкра

Ахара здырҵо Демур Ахалаиа идукат Константин Чагәаа аҳәамҭа ҟаиҵеит аӡбарҭа ахантәаҩ ҿыц Маиа Кәыҵниаԥҳа мап лыцәкызарц, лӡаахымҭа Инал Кәыҵниа Апрокуратура хада аусҭҵааҩыс дахьыҟоу азы. Иара дрылахәын 70 рҟынӡа аусҭҵааратә усмҩаԥгара.

Ахарадҵаратә ган ари азҵаара аӡбарҭа ишаҳәо ҳәа иаагылеит. Кәыҵниаԥҳа иазгәалҭеит аусҭҵааҩ лхаҵа дышиҭынхо, лара дшылӡаахымҭо, реиуара атәы лколлегацәа ишҳәаақәырҵаша.

Аӡбаҩцәа аилацәажәаратә уадахь инеит, иагьрыдыркылеит азыӡба Кәыҵниаԥҳа дышхантәаҩу дааныжьзарц, адоуҳатә еиуара аус иаԥырхагам ҳәа ишьаны.

Апрокурор игәрамгара

Ахара здырҵо Даҭо Ахалаиа аҳәамҭа ҟаиҵеит Апрокурор хада ихаҭыԥуаҩ Руслан Ҭырқьба, аҳәынҭқарратә харадҵаҩны иқәгыло, игәра шимго азы. Ахалаиа иажәақәа рыла, Ҭырқьба аус иинтерес алоуп, иҭахаз руаӡәк иара диҩызан, ашаҳаҭцәа рыбжьарагь иҩызцәа маҷҩым.

Ахара здырҵо Аслан Блабба иҳәеит 14 мзы рыҩныҵҟа Ҭырқьба иара зныкгьы иҿахәы шиҿимхыз, иара уи дшаҳәозгьы.

Абри ашьҭахь азал аҿы иҭахаз рыуацәа ауаҟьанчаҟьан шьҭырхит, аха ирласны аганқәа еиқәыртәаны, аӡбра иалагеит.

Ахалаиа идукат Марина Ҭаниаԥҳа илҳәеит азыҳәа дшадгыло, иазгәалҭеит уаанӡатәи аилатәараҿы Ҭырқьба иажәақәа рзы Апрокурор хада, Апарламент аиҳабы, атәыла ахада азыҳәа шырзынашьҭу. Аха убри аан Ҭырқьба инҭкааны ииҳәаз ҳәа акгьы азгәалымҭеит.

Аҳәынҭхарадҵаратә ган Ҭырқьба мап зицәукша ҳәа акгьы азгәанамҭеит.

Иара Ҭырқьба иакәзар, иҳәеит иинтересны имоу аус ииашарыла амҩаԥгара шакәу. Аӡбарҭа азыҳәа ҵаҵӷәыдоуп ҳәа иашьеит.

Ари аӡбамҭа аҭакс Даҭо Ахалаиа иҳәеит иареи егьырҭ зус рыӡбои урҭ рдукатцәеи аӡбарҭатә еилыргарақәа ишрылахәымхо, уа Ҭырқьба далахәнаҵы. Аӡбарҭа ахьчаратә ган 10-минуҭк арҭеит рыгәҭакы иалацәажәарц.

Абри ашьҭахь иӡбан ахьчаратә ган агәаанагара шрыланаҳәо ԥхынгәы 13 азы имҩаԥгахо изаамҭанытәиу аилатәараҿы.

8

Аԥсны ААР "ампыҵахалара ахыхраз" Қырҭтәыла арезолиуциа апроект ахҳәаа анаҭеит

2
Ампыҵахалара ахыхрази аурыс-ақырҭуа еимак ҭынчмҩала аҭышәныртәаларази арезолиуциа уаанӡа, нанҳәа 2 рзы иалацәажәеит Қырҭтәыла Апарламент азинтә зҵаарақәа реилак аҿы.

АҞӘА, нанҳәа 3 - Sputnik. Аԥсны Адәныҟатәи аусқәа рминистрра "ампыҵахалара ахыхрази" аурыс-ақырҭуа еимак ҭынчмҩала аҭышәныртәаларази арезолиуциа "аԥсҭазаара иаҟәыгоу, аԥсуа-ақырҭуа еиҿагылара амзыз еиҭазкуа" акоуп ҳәа азгәанаҭеит. Абри атәы кьыԥхьуп аусбарҭа асаит аҿы.

Аԥсны ААР адырра ала, Қырҭтәыла иаднакылаз адокумент аҿы Урыстәылатәи Афедерациахь ааԥхьара ҟанаҵоит Аԥсни Аахыҵ Уаԥстәылеи "ампыҵахалара рхыхраз", иазхаҵоу рхьыԥшымра мап ацәнакырц, иара убасгьы аетникатә ҟазшьала ауаа еилырымхларц, Женеватәи аиҿцәажәарақәа рҟны аконструктивтә ҟазшьала ахы мҩаԥнагаларц азы ҳәа.

Аусбарҭаҿ иазгәарҭеит 1992 шықәсазы Аԥсны аибашьра алагаразы аҭакԥхықәра зду Қырҭтәыла шакәу, иара убас, Аахыҵ Уаԥстәыла 2008 шықәсазы аҭыԥ змаз ахҭысқәа рызгьы ахара дара ишрыду.

"Иазгәаҭатәуп Қырҭтәыла амчрақәа ишырҭаху аԥсуа-ақырҭуа еимак аурыс-ақырҭуа еимак акәушәа ауаа дырбара, аха уи изаҟаразаалак ҵаҵӷәык амам. Иззыҟарҵогьы аҭакԥхықәра рҽацәхьакны ахара ирыду мап ацәыркырц ауп", - ҳәа аҳәоит ареспублика адәныҟаполитикатә усбарҭа ахҳәааҿы.

Аԥсны адәныҟатәи аусқәа рминистрра Женеватәи аиҿцәажәарақәа ирлахәылоу жәларбжьаратәи абжьаҟазацәа рахь ааԥхьара ҟанаҵоит 1992–1993 шықәсқәеи 2008 шықәсеи рзы Қырҭтәыла ахымҩаԥгашьа цәгьоуроуп ҳәа иршьарц, Аԥсни Қырҭтәылеи рыбжьара амч ахамырхәаразы аиқәшаҳаҭра анапаҵаҩра иацхраарц.

Аусбарҭа иара убасгьы ааԥхьара ҟанаҵоит Аҟәеи Қарҭи рыбжьара еиҟароу аҳәынҭқаррабжьаратә еиҿцәажәарақәа рышьақәыргылара иацхраарц Аахыҵ Кавказ акраамҭатәи аҭынчреи аҭышәынтәалареи реиҿкаара хықәкыс иҟаҵаны.

Аԥсуа дипломатцәа иазгәарҭоит ақырҭуа ган Женеватәи аиҿцәажәарақәа рҳәаақәа ирҭагӡаны аполитикатә ҭахра аарԥшны рконструктивтә позициа иқәныҟәар шрыхәҭоу. Избанзар аиҿцәажәарақәа рлахәылацәа зегьы ззыԥшу Қырҭтәыла аконструктивтә хымҩаԥгашьа ауп.

2

Аԥснытәи ақалақь "акадифаамҭаз" аԥсшьара ахьалырхуа аҭыԥқәа ирхыԥхьаӡалоуп

5
Аԥсшьаразы анхарҭа ахьҿарҵо амаҵзура TVIL.RU иалнакааит "акадифаамҭаз" ҩыџьаны аԥсшьараз еиҳа иалырхуа аҭыԥқәа.

АҞӘА, нанҳәа 3 - Sputnik. Афон ҿыц "акадифаамҭаз" ҩыџьа рыԥсшьараз еиҳа иахьалыркаауа аҭыԥқәа иреиуоуп ҳәа аанацҳауеит TVIL.RU.

Амаҵзура астатистикала атуристцәа ари аамҭазы аиҳарак 1 - 10 уахы рзы аҭыԥқәа ҿарҵоит, ари аамҭала уахыки-ҽнаки рыҩнуҵҟа 1,5 - 6 нызқь мааҭ рныхра иазыхиоуп.

Аԥсшьараз зегь раасҭа ахәқәа мариоуп Афон ҿыц, иҳаракуп — Лахденпохьиа. Аромантикатә ԥсшьараз иалырхуеит Иалтеи Шәачеи.

Ахырхарҭақәа жәаба рсиа:

  • Иалта - 3 559 мааҭ 8 уахык
  • Шәача - 2 195 мааҭ 9 уахык
  • Санкт-Петербург - 2 944 мааҭ 5 уахык
  • Афон ҿыц - 1 456 мааҭ 10 уахык
  • Лахденпохьиа - 6 019 мааҭ 7 уахык
  • Ростов-на-Дону - 2 165 мааҭ 1 уахык
  • Калининград - 1 955 мааҭ 6,5 уахы
  • Казань - 2 062 мааҭ 4 уахык
  • Кисловодск - 1 691 мааҭ 10 уахык
  • Воронеж - 1 912 мааҭ 6 уахык.

Асиа шьақәыргылоуп 2021 шықәса нанҳәа-цәыббра рзтәи аҿаҵарақәа рыла.

Иара убас шәаԥхьар ҟалоит:

 

5