Аԥсни Урыстәылеи рҳәааҿы аԥареи абџьари рконтрабанда аԥырҟәҟәаауп

13
(ирҿыцуп 19:07 23.06.2021)
Азинеилагаҩ иганахь ала ашьаус хацыркуп азакәан ахәҭаҷ "Аԥареи (ма) аԥаратә маҭәахәқәеи рконтрабандаз" ала.

АҞӘА, рашәара 23 - Sputnik. Урыстәыла атәылауаҩ закәаншьаҭада иҽазишәон Аԥснынтәи Урыстәылаҟа аԥара, абџьар, аџьаԥҳаны аиагара, абри атәы аанацҳауеит Краснодартәи атәылаҿацә Шәача ақалақь аҳазалхратә маҵзура.

Ахаҵа даанкылан аушьҭырҭатә ҭыԥ "Адлер" автомашьынатә ҳазалхратә цәаҳәаҟны автомашьына Volkswagen Amarok ала даниасуаз.

"Аҳазалхратә гәаҭара ахысраан ҿырҳәалатә ҭҵаараан ашәҟәы иҭагалатәу атауар амазаареи амамзаареи рзы азҵаара аҭакс иҳәеит усеиԥш акгьы шимам", - аанацҳауеит апресс-маҵзура.

Автомашьына агәаҭара мҩаԥган амобилтә инспекциа-гәаҭаратә комплекс ахархәарала.

Агәаҭараан аԥхьатәи апассаџьыртә тәарҭаҿ аҳазалхыҩцәа ирыԥшааит 4,05 миллион мааҭ, ашьҭахьтәи атәарҭаҿы – ашәақь "Саига", аҳәызба, иара убасгьы ирбеит 28 ҭоԥ зҭаз ахқәа. Абџьари аџьаԥҳани рымҩангара азин Аҩныҵҟатәи аусбарҭақәа рҟынтәи имамызт.

  • Аԥсни Урыстәылеи рҳәааҿы аԥареи абџьари рконтрабанда аԥырҟәҟәаауп
    © Foto / пресс - служба Краснодарской таможни
  • Аԥсни Урыстәылеи рҳәааҿы аԥареи абџьари рконтрабанда аԥырҟәҟәаауп
    © Foto / пресс - служба Краснодарской таможни
1 / 2
© Foto / пресс - служба Краснодарской таможни
Аԥсни Урыстәылеи рҳәааҿы аԥареи абџьари рконтрабанда аԥырҟәҟәаауп

Азакәан инақәыршәаны аԥареи (ма) амҩатә акассабӷьыц ЕАА 10 нызқь доллар (авалиута акурс иақәшәо) иреиҳау, аамҭакала атәыла алагалара/алгара аан аԥареи амҩатә акассабӷьыц ҩыратә формала аҳазалхратә декларациа иахыжьтәуп.

Азин еилазгаз ахаҿы аԥара имхын. Уажәы ирыӡбоит УА АЗ ахәҭаҷ 200.1 ахәҭа 1 инақәыршәаны (анапынҵатә ԥареи (ма) аԥаратә хархәагақәеи рконтрабанда) ашьаус ахацыркра азҵаара.

Ари азакәан ахәҭаҷ ала асанкциа иазыԥхьагәанаҭоит иахырго аԥара хынтә инаркны жәантә рҟынӡа еиҳаны ахараԥса ашәара мамзаргьы ҩышықәсанӡа ахақәиҭра алхәыдатәра, ма ҩышықәсатәи аҿҳәарала аусурақәа хәыдаԥсада рымҩаԥгара.

13

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

3
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

3

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10