Аԥсны аоппозициатә мчқәа реидгыла акриминогентә ҭагылазаашьа иалацәажәеит

12
Аоппозициатә мчқәа АРСМИРА абрифинг мҩаԥыргеит рашәара  23 азы. Иара иалахәын апартиа "Аԥсны" ахада Витали Габниа, Аԥсуа жәлар реиҿкаара ахада Адгәыр Арӡынба, аветерантә еиҿкаара "Аруаа" ахада Ҭемыр Гәлиа.

Абрифинг аҟны иазааҭгылан Аԥсны акриминогентә ҭагылазаашьеи иара ӡбашьас иамоуи.

Асмаҭ Ҵәыџьԥҳа, Sputnik

Амчреи акриминали

Апартиа "Аԥсны" ахада Витали Габниа абрифинг аартуа иазгәеиҭеит абрифинг ахьымҩаԥырго имашьына амца ацраҵара иадҳәалазарц шиҭахым. Иара иажәақәа рыла, ихадараны иишьо Аԥсны азакәан зегьы рзы еиҟаразарц шакәу.

"Азакәани аиашареи аныҟам урҭ рҭыԥ акриминал иааннакылоит. Ажәлеи ажәлеи еиҿагылоит, ашьҭреи ашьҭреи еиҿанагалоит", - ҳәа иҳәеит иара.

Аԥсны жәлар реиҿкаара ахада Адгәыр Арӡынба иажәақәа рыла, Аԥсны акриминогентә ҭагылазаашьа даара иуадаҩуп, аполитикатә конкурентцәа амчраҿы аҟазааразы акриминалтә дунеи иалаӡоит.

Арӡынба игәаанагарала, атәыла ахада Аслан Бжьаниа ихымҩаԥгашьеи атәылаҿ аҭагылазаашьеи еинаалом. Ахадеи адепутатцәеи аенергетика апроблемақәа ианрылацәажәо аамҭазы Очамчыра араион аҿы иҟоу апансионат аҭааразы аамҭа аниԥшаауа, ацәгьоуратә дунеи ахаҭарнакцәа ԥырхагада аҭагылазаашьа рнапаҿы иркуп, аҿар ашәарҭара иҭаргыло.

"Амчреи акриминали еимаздо ашахақәа ԥыҵәҵәатәуп, аҳәынҭқарратә зҵаарақәа рыӡбараз алшара рыҭамзарц. Шәаҟәыҵ ари абизнестә интерес, шәаҟәыҵ ари ачашә. Ауаа аҭахара иаҿуп. Уаҵәы уаҩ даанымхозар аҳәынҭқарратә мал аимҵәаҩцәа аҩнқәа здыргылозеи?" - ҳәа дҵаауеит иара.

Азҵаара - аҭак

Абрифинг далахәын Аҩнуҵҟатәи аусқәа рминистр Дмитри Дбар. Иара иакымкәа азҵаарақәа рҭак ҟаиҵеит.

© Sputnik / Марианна Кубрава
Аоппозициатә мчқәа реидгыла иалоу апартиа "Аԥсны" ахада Витали Габниа, Аԥсуа жәлар реиҿкаара ахада Адгәыр Арӡынба, аветерантә еиҿкаара "Аруаа" ахада Ҭемыр Гәлиа.

Адгәыр Арӡынба дазааҭгылеит Қьамал Арӡынба лаҵара 18 азы ишьра. Иара аминистр диазҵааит – аҩнтәы баандаҩра змаз ауаҩы ԥкрада ацәгьоура иҽазкны ақалақь алалашьаз иоузеи ҳәа.

Дбар иҳәеит Баҭал Ԥлиа ииашаҵәҟьаны аҩнтәы баандаҩра шиқәыз, аха асанкциаҿы ишарбоу иалкаау аамҭақәак рзы адәы дықәзар шауа.

"Ҳара аҩнтәы баандаҩра зқәу ауаа рышьклаԥшразы атехникатә мчы ҳамам. Ааигәа ахадеи сареи ари азҵаара ҳалацәажәон. Апарламент ахь аԥшьгамҭа наҳашьҭит ари ахәҭаҷ аусура аанкыларазы", - ҳәа иҳәеит иара.

Аминистр ахҳәаа аиҭеит апансионат "Самшитовая роща" аҟны иҟалаз ахҭысгьы. Иазгәеиҭеит уи ауха апансионат аҵакырахь апатрультә машьына шнеиз, аха аӡәгьы шшрак шыҟаимҵаз.

"Асааҭ  00:00 рҟынӡа уи ауха Гагреи Пицундеи ареидтә уснагӡатәқәа мҩаԥысуан. Адырра ҳамазҭгьы, уи ақәҿаҳҭуан. Иацы Гагра амилициа аиҳабы апансионатқәа рыхьчара анапхгаҩцәа еизганы еилацәажәеит. Ирыӡбеит аицыҷаԥшьарақәа мҩаԥыргаларц", - ҳәа иҳәеит иара.

Акриминогентә ҭагылазаашьа далацәажәо, Арӡынба иазгәеиҭеит акриминалтә авторитетцәа амитингқәа ишрылахәу, амчрақәа ахҳәараан ишгылоу, ԥкрада ишынеиҭаҵааиҭаҵуа.

Аҩнуҵҟатәи аусқәа рминистр уи аҭакс иҳәеит:

"Усеиԥш аӡәгьы ахада Иусбарҭа аҿаԥхьа аизара мҩаԥыргаӡом, амшынԥшаҳәаҿ инеиааиуа, ақьафурҭақәа рҿы итәо иҟаӡам", - ҳәа.

Дмитри Дбар имҩаԥгам ареформақәагьы дрылацәажәеит. Иҳәеит Аԥсны ААР иныҭкааны аиҭакраз ажәалагалақәа шазырхиоу, ахадеи Аминистрцәа реилазаарахьи ишынашьҭу.

Иажәа хыркәшо, аминистр астатистикатә рбагақәа ааигеит. Иара ишиҳәо ала: 2014 - 2020 шықәсқәа рзы ашәҟәы иҭагалан 128 уаҩшьреи ауаҩшьразы ақәыларақәеи, урҭ рҟынтәи иаарԥшуп 85 ус, атәылауаа рӷьычрақәа 31 рҟынтә иаарԥшуп – 12, ақәыларақәа 248 рҟынтә иаарԥшуп 127. Зынӡа 627 цәгьоура рҟынтәи иаарԥшуп 285.

2021 шықәса хәымз рыҩнуҵҟа 7 уаҩшьра аҭыԥ рымоуп, иаарԥшуп 3, ҩыџьа ӷьычуп, аҩускгьы аарԥшуп, ҩ-рҳәрак рҟынтә руак аарԥшуп, амашьынамҵарсрақәа хԥа рҟынтәи ҩ-уск аарԥшуп.

2020 шықәса лаҵарамза инаркны 2021 шықәса лаҵарамзанӡа ашәҟәы иҭагалоуп 195 авариа, зыҟны 47 ҭахаз, 279 аахақәа роуз. 2019 шықәса лаҵарамза инаркны 2020 шықәса лаҵарамзанӡа – 219 мҩатә машәыр ҟалеит 67 ԥсыҭбара рыцны, 359 ахәрақәа рыманы.

Алҵшьас иҟоузеи аҭагылазаашьа?

Абрифинг аихшьалақәа азыҟаҵо, Адгәыр Арӡынба иазгәеиҭеит аҭагылазаашьа аԥсахразы апрограмматә знеишьеи аҳәынҭнапхгараҭара ареформеи аҭахуп, избанзар иахьатәи аҳәынҭқарра "ԥхьаҟа изымцо, изымқәацо, изымҿио машьыноуп".

12

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи