Аԥсны агәабзиарахьчара аминистр Гәдоуҭатәи аковид-центр ацәаҳәа ҟаԥшь даҭааит

11
(ирҿыцуп 17:43 25.06.2021)
Аԥсны агәабзиарахьчара аминистр Едуард Быҭәба Гәдоуҭатәи аковид-центр анапхгара дырԥылеит, ацәаҳәа ҟаԥшь аҿы ачымазцәа рахь днеиит.

ГӘДОУҬА, рашәара 25 – Sputnik, Бадри Есиава. Аԥсны агәабзиарахьчара аминистр Едуард Быҭәба Гәдоуҭатәи аковидтә госпиталь ахь днеины дыҟан рашәара 25 азы ҳәа ааицҳауеит Sputnik акорреспондент.

Быҭәба ахәышәтәырҭа анапхгара дырԥылеит, дазҵааит апациентцәа заҟаҩ шьҭо акоронавирус рыманы, урҭ хәшәыла реиқәыршәашьа шымҩаԥысуа.

Гәдоуҭатәи ахәышәтәырҭа аҳақым хада Ҳаџьараҭ Шамба иажәақәа рыла, COVID-19 змоу апациентцәа рхыԥхьаӡара иацлеит. Аҵыхәтәантәи аҩымш иалагӡаны 23-ҩык нанагеит. Урҭ риеҳарак ачымазара хьанҭаны изхызго роуп.

"Иахьазы ахәышәтәра иахысуеит 74 пациент. Ареанимациа ҭәуп – 14-ҩык шьҭоуп. Ачымазара аҽеиҭанакит. Еиҳа ихьанҭахеит, ахәышәтәрагь уадаҩхеит. Арыԥҳақәа рааха аклиникатә цәырҵрақәа рыдубалом", - иҳәеит Шамба иагьациҵеит апациентцәа рыбжьара зрыԥҳақәа цқьо, аха ашәаӡыӡара зызцәырҵуа.

Шамба иҳәеит зрыԥҳақәа ааха ӷәӷәа амоу реиҳараҩык акоронавирустә инфекциа аҟазшьақәа шрыдбаламыз. Амбулатортә хәышәтәыра иаҭаху зегь шыҟанаҵогьы апациентцәа рацәаҩны рҭагылазаашьа еицәаханы агоспиталь ахь инанагоит иҳәоит Шамба.

Ахәышәтәырҭа аҳақьым хада ихаҭыԥуаҩ Ангелина Оҭырԥҳа ишылҳәо ала ахәышәтәырҭа акорпус хадаҿы 31 пациент шьҭоуп, урҭ рҟынтәи ҩыџьа рцәа ртәым.

  • Аԥсны агәабзиарахьчара аминистр Гәдоуҭатәи аковид-центр "азона ҟаԥшь" даҭааит
    © Sputnik / Бадри Есиава
  • Аԥсны агәабзиарахьчара аминистр Гәдоуҭатәи аковид-центр "азона ҟаԥшь" даҭааит
    © Foto / Бадри Есиава
1 / 2
© Sputnik / Бадри Есиава
Аԥсны агәабзиарахьчара аминистр Гәдоуҭатәи аковид-центр "азона ҟаԥшь" даҭааит

Агәабзиарахьчара аминистр Едуард Быҭәба Гәдоуҭатәи аковид-центр ацәаҳәа ҟаԥшь аҿы ачымазцәа рахь днеины ргәабзиареи рҭагылазаашьеи дазҵааит.

Быҭәба иазгәеиҭеит иара арахь иаара зыдҳәало аобиект алшаратә хәшьара аилкаараз шакәу.

"Зегьы ирдыруеит акорпус хадаҿы аҟәша цҵа шааҳартыз. Ачымазцәа ахԥатәии аԥшьбатәии аихагылақәа рҿы ишьҭоуп. Арахь иаанаго ихьанҭоу ачымазцәа роуп", - иҳәеит аминистр, ауааԥсыра рахь аҳәара ҟаиҵеит асоциалтә дистанциа азгәеиҭаларц, амедицинатә сабрадақәа анапхаҵақәа ныҟәыргаларц.

Ангелина Оҭырԥҳа иазгәалҭеит аперсонал аиҭарадыԥхьалара, аҟәша ҿыц аартра – зыдҳәалоу ачымазцәа рырацәахара шакәу.

Ачымазара ахәышәтәра еиҳа иахьыуадаҩхаз адагьы апроцедура ахәԥсақәа ирыцлеит.

Аҳақьым-анестезиолог, ареаниматолог Мадина Дасаниаԥҳа аҽазныкгьы ауааԥсыра дрыҳәеит абжьгарақәа ирықәныҟәаларц.

"Ҩ-ԥсык аӡәгьы ихаӡам. Шәхы шәыхьчала. Ҳаргьы ҳуаауп, ҳааԥсоит. Маҷк шәҳазхәыц. Ачарақәа, аныҳәақәа гәеиҵыхроуп аха апандемаз акәым. Иаҳҳәо шәшәырҳарц ҳшәыҳәоит", - лҳәеит Дасаниаԥҳа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16693-ҩык ыҟоуп, ргәы бзиахеит 15327-ҩык, рыԥсҭазаара иалҵит 244-ҩык.

11

Аԥсны ААР "ампыҵахалара ахыхраз" Қырҭтәыла арезолиуциа апроект ахҳәаа анаҭеит

2
Ампыҵахалара ахыхрази аурыс-ақырҭуа еимак ҭынчмҩала аҭышәныртәаларази арезолиуциа уаанӡа, нанҳәа 2 рзы иалацәажәеит Қырҭтәыла Апарламент азинтә зҵаарақәа реилак аҿы.

АҞӘА, нанҳәа 3 - Sputnik. Аԥсны Адәныҟатәи аусқәа рминистрра "ампыҵахалара ахыхрази" аурыс-ақырҭуа еимак ҭынчмҩала аҭышәныртәаларази арезолиуциа "аԥсҭазаара иаҟәыгоу, аԥсуа-ақырҭуа еиҿагылара амзыз еиҭазкуа" акоуп ҳәа азгәанаҭеит. Абри атәы кьыԥхьуп аусбарҭа асаит аҿы.

Аԥсны ААР адырра ала, Қырҭтәыла иаднакылаз адокумент аҿы Урыстәылатәи Афедерациахь ааԥхьара ҟанаҵоит Аԥсни Аахыҵ Уаԥстәылеи "ампыҵахалара рхыхраз", иазхаҵоу рхьыԥшымра мап ацәнакырц, иара убасгьы аетникатә ҟазшьала ауаа еилырымхларц, Женеватәи аиҿцәажәарақәа рҟны аконструктивтә ҟазшьала ахы мҩаԥнагаларц азы ҳәа.

Аусбарҭаҿ иазгәарҭеит 1992 шықәсазы Аԥсны аибашьра алагаразы аҭакԥхықәра зду Қырҭтәыла шакәу, иара убас, Аахыҵ Уаԥстәыла 2008 шықәсазы аҭыԥ змаз ахҭысқәа рызгьы ахара дара ишрыду.

"Иазгәаҭатәуп Қырҭтәыла амчрақәа ишырҭаху аԥсуа-ақырҭуа еимак аурыс-ақырҭуа еимак акәушәа ауаа дырбара, аха уи изаҟаразаалак ҵаҵӷәык амам. Иззыҟарҵогьы аҭакԥхықәра рҽацәхьакны ахара ирыду мап ацәыркырц ауп", - ҳәа аҳәоит ареспублика адәныҟаполитикатә усбарҭа ахҳәааҿы.

Аԥсны адәныҟатәи аусқәа рминистрра Женеватәи аиҿцәажәарақәа ирлахәылоу жәларбжьаратәи абжьаҟазацәа рахь ааԥхьара ҟанаҵоит 1992–1993 шықәсқәеи 2008 шықәсеи рзы Қырҭтәыла ахымҩаԥгашьа цәгьоуроуп ҳәа иршьарц, Аԥсни Қырҭтәылеи рыбжьара амч ахамырхәаразы аиқәшаҳаҭра анапаҵаҩра иацхраарц.

Аусбарҭа иара убасгьы ааԥхьара ҟанаҵоит Аҟәеи Қарҭи рыбжьара еиҟароу аҳәынҭқаррабжьаратә еиҿцәажәарақәа рышьақәыргылара иацхраарц Аахыҵ Кавказ акраамҭатәи аҭынчреи аҭышәынтәалареи реиҿкаара хықәкыс иҟаҵаны.

Аԥсуа дипломатцәа иазгәарҭоит ақырҭуа ган Женеватәи аиҿцәажәарақәа рҳәаақәа ирҭагӡаны аполитикатә ҭахра аарԥшны рконструктивтә позициа иқәныҟәар шрыхәҭоу. Избанзар аиҿцәажәарақәа рлахәылацәа зегьы ззыԥшу Қырҭтәыла аконструктивтә хымҩаԥгашьа ауп.

2

Аԥснытәи ақалақь "акадифаамҭаз" аԥсшьара ахьалырхуа аҭыԥқәа ирхыԥхьаӡалоуп

5
Аԥсшьаразы анхарҭа ахьҿарҵо амаҵзура TVIL.RU иалнакааит "акадифаамҭаз" ҩыџьаны аԥсшьараз еиҳа иалырхуа аҭыԥқәа.

АҞӘА, нанҳәа 3 - Sputnik. Афон ҿыц "акадифаамҭаз" ҩыџьа рыԥсшьараз еиҳа иахьалыркаауа аҭыԥқәа иреиуоуп ҳәа аанацҳауеит TVIL.RU.

Амаҵзура астатистикала атуристцәа ари аамҭазы аиҳарак 1 - 10 уахы рзы аҭыԥқәа ҿарҵоит, ари аамҭала уахыки-ҽнаки рыҩнуҵҟа 1,5 - 6 нызқь мааҭ рныхра иазыхиоуп.

Аԥсшьараз зегь раасҭа ахәқәа мариоуп Афон ҿыц, иҳаракуп — Лахденпохьиа. Аромантикатә ԥсшьараз иалырхуеит Иалтеи Шәачеи.

Ахырхарҭақәа жәаба рсиа:

  • Иалта - 3 559 мааҭ 8 уахык
  • Шәача - 2 195 мааҭ 9 уахык
  • Санкт-Петербург - 2 944 мааҭ 5 уахык
  • Афон ҿыц - 1 456 мааҭ 10 уахык
  • Лахденпохьиа - 6 019 мааҭ 7 уахык
  • Ростов-на-Дону - 2 165 мааҭ 1 уахык
  • Калининград - 1 955 мааҭ 6,5 уахы
  • Казань - 2 062 мааҭ 4 уахык
  • Кисловодск - 1 691 мааҭ 10 уахык
  • Воронеж - 1 912 мааҭ 6 уахык.

Асиа шьақәыргылоуп 2021 шықәса нанҳәа-цәыббра рзтәи аҿаҵарақәа рыла.

Иара убас шәаԥхьар ҟалоит:

 

5