Аҿар Рымш Аҟәа концертла иазгәарҭеит

12
Рашәара 27 азы Урыстәыла иазгәарҭоит Аҿар Рымш. Аныҳәа аҭоурых хацыркын 1958 шықәсазы СССР Иреиҳаӡоу Асовет Апрезидиум ақәҵарала – "Асовет ҿар Рымш" ҳәа.

АҞӘА, рашәара 28 – Sputnik, Бадраҟ Аҩӡба. Москватәи акультура-усутә центр "Москва Аҩны" еиҿнакааз аконцерт мҩаԥган Аҟәа амшын аԥшаҳәаҿы, Самсон Ҷанба ихьӡ зху Адраматә театр ашҭаҿы.

Аныҳәатә уснагӡатә аартуа, амҩаԥгаҩ Алхас Манаргиа иазгәеиҭеит иахьатәи Аԥсны аҭоурых Урыстәыла аҭоурых иузаҟәымҭхо ишыҟоу.

"Урыстәыла Аԥсны аҳәынҭқарратә хьыԥшымра аназханаҵа ашьҭахь аԥсуа ҿар рзы алшарақәа акыр ирыцлеит. Ҳҿар ироуит алшара иреиӷьӡоу аҵараиурҭақәа рҿы аҵараҵара, иреиӷьӡоу акомандақәа ирылахәны ақәгылара, Урыстәыла аҳәынҭқарратә еилазаарақәа рҿы рдырра ацҵара. Уаҵәтәи ҳԥеиԥш Урыстәыла аҩызак аҳасаб алоуп ишаабо", - ҳәа иҳәеит иара.

Аҳәынҭқаррақәа рыҩба ргәылеимабзиареи реиҩызареи ирҟазшьаны ашәа "С тобой, Россия" ала аконцерт аалыртит аԥсуа шәаҳәаҩы, артистка Мана. Аԥсуа драмтеатр аҿаԥхьа ирацәан аҭыԥантәи ауааԥсыра реиԥш асасцәагьы.

© Sputnik / Марианна Кубрава
Ашәа "С тобой, Россия" ала аконцерт аалыртит аԥсуа шәаҳәаҩы, артистка Мана.

"Ара сҩызцәеи сареи ԥсшьара ҳаҟоуп. Иааҳакәыршаны иаабо аԥшӡара адагьы агәахәара ҳамоуп абри аҩыза аконцерт аабартә алшара ахьҳауз", - ҳәа лҳәоит Нижни Новгород аҟынтәи атуристка Наталиа.

Аконцерт иалахәын еицырдыруа аԥсуа естрада, акәашаратә коллективқәа рхаҭарнакцәа.

  • Аҿар Рымш Аҟәа концертла иазгәарҭеит
    © Sputnik / Марианна Кубрава
  • Аҿар Рымш Аҟәа концертла иазгәарҭеит
    © Sputnik / Марианна Кубрава
  • Аҿар Рымш Аҟәа концертла иазгәарҭеит
    © Sputnik / Марианна Кубрава
  • Аҿар Рымш Аҟәа концертла иазгәарҭеит
    © Sputnik / Марианна Кубрава
  • Аҿар Рымш Аҟәа концертла иазгәарҭеит
    © Sputnik / Марианна Кубрава
  • Аҿар Рымш Аҟәа концертла иазгәарҭеит
    © Sputnik / Марианна Кубрава
  • Аҿар Рымш Аҟәа концертла иазгәарҭеит
    © Sputnik / Марианна Кубрава
1 / 7
© Sputnik / Марианна Кубрава
Аҿар Рымш Аҟәа концертла иазгәарҭеит

Москватәи акультура-усутә центр "Москва Аҩны" адиректор хада Александр Бигәаа Sputnik аинтервиу аҭо, аколлектив рыхьӡала, хаҭала иара ихьӡала Аԥсны аҿар ирзеиӷьеишьеит аҭынчра, аизҳазыӷьара, ашәҭыкакаҷра.

Ауснагӡатә еиҿнакааит Москватәи акультура-усутә центр "Москва Аҩны" Москва аиҳабыра рфинанстә цхыраарала, иара убасгьы Аԥсны акультура аминистрреи Аҟәа ақалақь ахадареи рыдгыларала.

12

Аԥсны агәабзиарахьчара аминистрра алабораториақәа Очамчыреи Гагреи аусура ианалаго рҳәеит

2
(ирҿыцуп 10:58 05.08.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 5 – Sputnik, Бадраҟ Аҩӡба. COVID-19 амазаара аҭҵааразы ПЦР-лабораториа Гагра аусура иазырхиоуп ҳәа иҳәеит Аԥсны Агәабзиарахьчара аминистр Едуард Быҭәба.

"Гагратәи алабораториа аусура ишаалагалак Аҟәатәи абактериологиатә лабораториа еиҳа ахы иақәиҭхоит. Алабораториаз ауада аремонт азуын Гагра араион ахадара амчала. Ахархәагақәа аахәан ареспубликатә биуџьет аԥарақәа рыла", - иҳәеит иара.

Аминистр иазгәеиҭеит алабораториа 200 рҟынӡа биоматериал уахыки-ҽнаки рыла адкылара шалшо. Ԥхынгәы 22 аахыс алабораториа атест режим ала аусура мҩаԥнагон.

Уи адагьы Едуард Быҭәба иҳәеит ареспубликатә биуџьет COVID-19 аламырҵәара иазнархаз аԥарақәа рыхәҭак ала Очамчыра алабараториа шаартхо.

"Иахьазы Очамчыратәи алабараториа аперсонал Ареспубликатә санитар-бактериологиатә лабораториаҿы аԥышәа иахысуеит" - иҳәеит иара.

Алабораториа аусура иалагоит атехникатәии адокументациатәии ҟазшьа змоу азҵаарақәа рҭыԥ ишықәҵахалак, аперсонал шазыҟаҵахалак.

2

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

1
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

1

Путин ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аусԥҟа дақәшаҳаҭхеит

0
Урыстәыла адәныҟатәи аусқәа рминистрра анапы ианҵоуп Урыстәылатәи Афедерациа ахьӡала аиқәшаҳаҭра анапаҵаҩра.

АҞӘА, нанҳәа 5 - Sputnik. Урыстәыла ахада Владимир Путин ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аиқәшаҳаҭра дақәшаҳаҭхеит, абри азы аусԥҟа кьыԥхьуп азинтә информациа аофициалтә интернет-портал аҿы.

"Урыстәыла адәныҟатәи аусқәа рминистрра афедералтә анагӡаратә мчрақәа рақәшаҳаҭрала ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аиқәшаҳаҭра анапаҵаҩраз иҟанаҵаз ажәадгала адкылазааит. Аахыҵ Уаԥстәыла уаанӡа аус зыднауылахьаз аиқәшаҳаҭра апроект адгылара ҟаҵо, Урыстәыла адәныҟатәи аусқәа рминистрра аԥсахрақәа ралагаларазы азин аҭазааит", - аҳәоит адырраҭараҿы.

Аиқәшаҳаҭра актәи ахәҭаҷ ала "Аганқәа руак атәылауаа ирымоу атәылауаҩра мап ацәымккәа егьи Аган атәылауаҩра аархәар рылшоит".

Аиқәшаҳаҭра ахәбатәи ахәҭаҷ ала ҩ-тәылауаҩрак змоу ахаҿқәа аррамаҵзура иахысуеит иахьынхо аҭыԥ аҿы. Уи адагьы ганк аҿы аррамаҵзура иахысыз, егьи аган аҿы арранаԥхьара даҵанакуам.

Аԥсни Урыстәылеи ҩ-тәылауаҩрак аиуразы аиқәшаҳаҭра рнапы аҵарҩит 2002 шықәсазы. 2008 шықәсазы, Урыстәыла Аԥсны аназханаҵа ашьҭахь ари аус аанкылан.

0