Гагра араион аҿы акриминалтә авторитетцәа ааныркылеит

52
(ирҿыцуп 14:30 28.06.2021)
Аԥсны акурортқәа - Гагреи Пицундеи рҟны азинеиҿкаара амҩаԥысшьа атәыла ахада ҷыдала хылаԥшра азиуеит.

АҞӘА, рашәара 28 - Sputnik. Аԥсны ААР Ашьаусԥшааратә ҟәша аусзуҩцәеи Гагратәи амилициа аусзуҩцәеи апрофилактикатә уснагӡатәқәа анымҩаԥыргоз иаанкыланы Аамҭалатәи аанкыларҭахь инаргеит ҩыџьа акриминалтә авторитетцәа ҳәа аанацҳауеит Аԥсны ААР асаит.

Иӡбахә ҳәоуп 1957 шықәса рзы ииз Гагра ақалақь аҿы инхо Ҵышәба Станислав Леонид-иԥа, иара дахьынхо ақалақь аҿы криминалтә авторитетс дыԥхьаӡоуп.

Ҵышәба Станислав Леонид-иԥа

 

Иара убас даанкылоуп 1975 шықәсазы ииз Гагра араион Лӡаа ақыҭан инхо Хышба Ренад Иури-иԥа. Иара Пицунда ақалақь аҿы криминалтә авторитетс дыҟоуп.

Хышба Ренад Иури-иԥа

 

Гагра араион амилициа аҟәшаҿы аусуратә еилацәажәараан рашәара 20 азы Аԥсны ахада иазгәеиҭеит азинеиҿкаара аҭышәныртәаларазы амч зоураны  иҟалаша азинхьчаратә усбарҭақәа мацара шракәу. Акриминалтә авторитетцәа ҳәа изышьҭоу раамҭа ыиасыроуп ҳәа азгәеиҭеит усҟан Бжьаниа.

Иара убас шәаԥхьар ҟалоит:

52

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

3
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

3

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10