Очамчыра астанциа маҷ ахьблыз азы араион абжеиҳара лашарада иҟоуп

21
(ирҿыцуп 12:24 29.06.2021)
Зымчхара 32 мегаватт иҟоу афымцастанциа маҷ "Очамчыра–А́́хага" аҿы амцакра ҟалеит ҳәа АҶА ахь адырра ҟалеит рашәара 29 асааҭ 07:03 азы.

АҞӘА, рашәара 29 - Sputnik. Амцакра ҟалеит ашьыжь асааҭ быжьба рзы зымчхара 32 мегаватт иҟоу афымцастанциа маҷ "Очамчыра–А́́хага" аҿы, уи иахҟьаны араион ақыҭақәак лашарада иаанхеит ҳәа аанацҳауеит Аԥсны АҶА.

Амцакра иахҟьаны ааха аиуит иарку аихшарҭа. Амцарцәара иалахәын амцарцәаратә гәыԥқәа ҩбеи Очамчыра ақалақь аиқәырхаратә ҟәшеи.

Авариа ахьыҟалаз аҭыԥ ахь днеит Аԥсны ахада Аслан Бжьаниа. Анаҩс иара Очамчыра араион ахадараҿы аилацәажәара мҩаԥигеит. Абри атәы аанацҳауеит ахада ипресс-маҵзура.

"Амшынеиқәафымцамч" аиҳабы Михаил Логәуа иажәақәа рыла, Очамчыратәи астанциа маҷ авариеи "Аҟәа-1" аҟны авариеи еиԥшуп. Аҭыԥ аҿы аус зуа аҟазауаа ирус хаданы иҟоу абылра ашьҭахь астанциа маҷ рыцқьаны еиқәхаз агәаҭара, ақалақьи ақыҭақәеи аамҭала алашара шырзынашьҭтәу аӡбамҭа адкылара.

21

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

3
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

3

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10