Строитель за работой

Аԥсны абиуџьет аҟынтә шә-миллион рзоужьхоит ахыбра ҵакырақәа реиҭашьақәыргыларазы

16
(ирҿыцуп 18:57 30.06.2021)
Аԥсны аминистрцәа реилазаара ақәҵара анагӡара ахылаԥшра рнапы ианҵоуп Афинансқәа рминистрреи, Акапиталтә ргылара аусбарҭеи.

АҞӘА, рашәара 30 – Sputnik, Асмаҭ Ҵәыџьԥҳа. 2021 шықәсазы ареспубликатә биуџьет аҟынтәи шә-миллион мааҭ рзоужьхоит 28 ахыбра ҵакырақәа рремонти реиҭашьақәыргылареи рзы.

Аҟәа, абыргцәа рыҩны "НАДЕЖДА" 7 000 000 м
Аҟәа араион, Гәымсҭа ақыҭа  (Госхоз "Субтропик") анхарҭа ҩны №24 арӷәӷәареи акапиталтә ремонти 5 000 000 м
Гагра, Ҷанба  имҩ.( кемпинг) акапиталтә ремонт 4 000 000 м
Ахылаԥшратә палата ахыбра афундамент арӷәӷәара 4 000 000 м
Аҟәа араион, аишьцәа Езыгәба рымҩа, атрансформатортә станциа маҷ 400кВА ақәыргылара 1 400 000 м
Аҟәа, Воронов имҩаҿы ақәаршыҩцарҭақәа акапиталтә ремонт 4 200 000 м
Гагра араион, Пицунда ашколқәраҟынӡатәи аусҳәарҭа ахыб аремонт 2 800 000 м
Очамчыра араион Ӷәада ақыҭа ацҳа акапиталтә ремонт 1 500 000 м
Гәылрыԥшь араион, Ԥшьаԥ ақыҭа амҩа акапиталтә ремонт 3 500 000 м
Гәдоуҭа араион Приморское ақыҭан аӡыҭгагатә станциа акапиталтә ремонт 2 000 000 м
Очамчыра араион Аҭара ауааԥсыра ӡыла реиқәыршәаразы аӡыҵхырҭа 790 000 м
Очамчыра араион Гәыԥ ақыҭан астадион маҷ аргылара 4 415 000 м
Очамчыра араион Маркула ақыҭан астадион маҷ аргылара 4 415 000 м
Очамчыра араион Маркула ақыҭан аӡеизакырҭа 700 000 м
Тҟәарчалтәи араионтә хәышәтәырҭа 16 000 000 м
Аҟәа араион, Иашҭхәа ақыҭан аӡымҩангагатә цәаҳәа акапиталтә ремонт 3 500 000 м
Гәдоуҭа араион Аацы ақыҭан аӡымҩангагатә цәаҳәақәа рышьҭаҵара 400 000 м
Очамчыра араион Гәыԥ ақыҭан ЛЕП-0,4 кВ аиҭашьақәыргылара 1 447 000 м  
Гәдоуҭа, Ахатәгәаԥхаҩцәа рымҩа,149 адгьылҳәазара аанкыларазы аҵыргәаҭӡы ашьақәыргылара 4 500 000 м
Очамчыра араион, Кәтол ақыҭа Ҭоумышь аҳаблан ауааԥсыра ӡыла реиқәыршәаразы аӡыҵхырҭа 780 000 м
Аҟәа, Аминистрцәа реилазаара акорпус №2 (3-тәи аихагыла)  адашьма акапиталтә ремонт 1 200 000 м
Аҟәа, Ажәанба имҩа №9 Аминистрцәа реилазаара акорпус №3 акапиталтә ремонт 15 906 000 м
Гагра, Абазгаа рымҩ. д. № 47-4, 47-3,47-1, 45-1 ахҟьара аремонт 3 049 000 м
Очамчыра араион, Ҷлоу ақыҭа аӡымҩангага аремонт 1 500 000 м
Гагра, абжьаратә школ №1 аҵыргәаҭӡы акапиталтә ремонт 1 400 000 м
Аҟәа, Ақырҭаа имҩ. №60 ашҭа ахҟьа аремонт 1 404 000 м
Гагра араион, Пицунда, Агрба,30 –анхарҭа ҩны ахыб акапиталтә ремонт 2 000 000 м
Гагра, Абазгаа рымҩа  № 41-2,39-4 акапиталтә хҟьара 1 194 000 м

2021 шықәсазы ареспубликатә биуџьет аҟынтәи арҭ ахыбрақәа шә-миллион мааҭ рзоужьхоит.

16

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи