Максим Гвинджия.

Максим Ӷәынџьиа ахада ицхырааҩык иаҳасаб ала ԥхьаҟатәи игәҭакқәа дрылацәажәеит

17
(ирҿыцуп 17:47 02.07.2021)
Аԥсны Аҳәынҭқарра Ахада Аслан Бжьаниа Идҵала Максим Ӷәынџьиа жәларбжьаратәи аусқәа рзы ахада ицхырааҩыс дҟаҵоуп.

АҞӘА, ԥхынгәы 2 – Sputnik. Аԥсны Аҳәынҭқарра Ахада Аслан Бжьаниа ицхырааҩ ҿыц Максим Ӷәынџьиа арадио Sputnik аҟны еиҭеиҳәеит имаҵура ҿыц аҿы гәҭакқәас имоу. Иара иҳәеит Аԥсни егьырҭ атәылақәеи иахьазы ирымоу аимадарақәа реиқәырхареи реизырҳареи қәҿиарала Адәныҟатәи аусқәа рминистрраҿы ишымҩаԥырго.

"Саргьы ари аус схы аласырхәып, схатәы еимадарақәа цәырзгап. Урҭгьы атәылақәа реизыҟазаашьаҿы аҵакы рымоуп. Аизыҟазаашьақәа аофициоз мацарала имҩаԥымслароуп. Ирацәаҩуп иахьагьы ҩызцәак раҳасаб ала сыззыҟоу, исзыҟоу ауаа. Урҭ егьырҭ атәылақәеи ҳареи ҳаимадарақәа рышьақәыргылараҿгьы ацхыраара ҟарҵар рылшоит", - ҳәа иҳәеит иара.

Аԥсны Аҳәынҭқарра Ахада жәларбжьаратәи аусқәа рзы ицхырааҩыс аҟазаара ари аҭакԥхықәра змоу, аинтерес зцу усуп ҳәа азгәеиҭеит Ӷәынџьиа.

"Аиаша сҳәоит, сара скандидатура рыдызгалеит, сбиографиа дсырдырит, агәахәара дугьы снаҭоит сахьрыдыркылаз. Даара исҭахын иҿыцу уск аҟны сзышьцылахьоу схы иархәаны џьара акы снапы аласкыр", - ҳәа азгәеиҭеит иара.

Аусуразы игәҭакқәа, уаанӡа, Адәныҟатәи аусқәа рминистрраҿы аус анызуазтәи ирышьашәалоуп ҳәа иҳәоит ахада ицхырааҩ.

"Егьырҭ атәылақәеи ҳареи аимадарақәа ҳабжьаҵара аус адулатәуп. Аполитикатә шьаҭала ҳазхазымҵо рганахьала аекономикатә еимадарақәа рыбжьаҵара алшоит. Уи аԥышәа Ахәаахәҭра-ааглыхратә палатаҿы исоуит. Иҟауҵаша рацәоуп", - ҳәа иҳәеит Максим Ӷәынџьиа.

Максим Ӷәынџьиа 2002-2004 шықәсқәа рзы Аԥсны адәныҟатәи аусқәа рминистр ихаҭыԥуаҩс дыҟан.

2004 шықәса хәажәкырамза инаркны 2010 шықәса жәабранмза рҟынӡа Максим Ӷәынџьиа Аԥсны Адәныҟатәи аусқәа рминистрс дыҟан.

Анаҩс Ахәаахәҭра-ааглыхратә палата аиҳабы ихаҭыԥуаҩыс аус иуан, иара убасгьы жәларбжьаратәи афонд "Аԥсны" аиҳабы дихаҭыԥуаҩын.

Аԥсны Аҳәынҭқарра Ахада жәларбжьаратәи аусқәа рзы ицхырааҩыс уаанӡа дыҟан Ахрик Аҩӡба.

17

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

3
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

3

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10