Аслан Бжьаниа аҳҭнықалақь ауааԥсыра Аҟәа амш рыдиныҳәалеит

16
(ирҿыцуп 23:01 03.07.2021)
VI ашәышықәса ҳашықәсԥхьаӡара ҟалаанӡа зышьаҭа кыз ақалақь Диоскуриада - иахьатәи Аҟәа - сынтәа иазгәанаҭоит 2505 шықәса ахыҵра.

АҞӘА, ԥхынгәы 3 - Sputnik. Аԥсны ахада Аслан Бжьаниа аҳҭнықалақь иқәынхо ауааԥсыра ирыдиныҳәалеит Аҟәа ақалақь амш, абри атәы аанацҳауеит ахада иофициалтә саит.

Бжьаниа иазгәеиҭеит Аԥсны аҭоурых ҵаула Аҟәа иузаҟәымҭхо ишадҳәалоу. 

"Ҳара, Аԥсны атәылауаа, Аҟәеи иааидкыланы Аԥсни рҭоурых шеиларсу бзианы еилаҳкаауеит, бзиа иаабоит, пату ақәаҳҵоит, ҳазгәыдууп ҳаҳҭнықалақь. Аҟәаа рџьабаа, рдыррақәа, рбаҩхатәра, рус ацәхьамҵра ирыбзоураны изныкымкәа агәра ҳдыргахьеит иарбан уадаҩразаалак аиааира шрылшо", - ҳәа аҳәоит адныҳәалара атекст аҿы.

Атәыла ахада аҳҭнықалақь иқәынхо ауааи уи асасцәеи ирзеиӷьеишьеит анасыԥ, аизҳазыӷьара, аҭынчра.

Ақалақь-баагәара Диоскуриада дыргылеит абырзенцәа VI ашәышықәса ҳашықәсԥхьаӡара ҟалаанӡа. Адиоскурцәа рыԥшаҳәаҿы иахьагьы еиқәханы иҟоуп еиуеиԥшым аимпериақәа збаз Аҟәатәи абаа аԥҽыхақәа.

Сынтәа Аҟәа иахыҵит 2505 шықәса.

16

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи