Аӡбахә ҳәоуп Аԥсны аԥшьаразы иарбан мзоу иалкаау

9
(ирҿыцуп 16:27 06.07.2021)
Аԥсныҟа ԥсшьара ҳәа иаауа атуристцәа ПЦР-тест ма алаҵа шрымоу азы асертификат рҭахӡам.

АҞӘА, ԥхынгәы 6 – Sputnik. НанҳәамзаАԥсны аԥшьаразы зегь реиҳа иалыркаауеит ҳәа аанацҳауеит аԥсшьаразы анхарҭа ахьҿарҵо амаҵзура асаит TVIL.RU.

Нанҳәамзазы ахәыҷқәа рыцны зыԥсы зшьо рхыԥхьаӡара еиҳа еиҵоуп ԥхынгәы аасҭа, нанҳәа- 22%, ԥхынгәы- 34.

TVIL.RU астатистика инақәыршәаны, ԥхынгәымзазы аԥсшьаҩцәа анхарҭа ҭыԥқәа ҿарҵоит 2416 мааҭ ҳәа, нанҳәамзазы уахыки-ҽнаки 2784 мааҭ ҳәа. Аԥсшьаразы иаҿарҵоз аамҭагьы аҽеиҭанакит, бжьаратәла- 10 у/ҽ .

Амаҵзура адыррақәа рыла, Краснодартәи атәылаҿацә аҿы акоронавирус алаҵәара инадҳәаланы аԥкырацҵақәа ирхырҟьаны Урыстәыла атәылауаа Аԥсны аԥсшьараз змоу рҭаххара аинтерес иацлеит.

Урыстәылауаа еиҳа аԥсшьарҭа ҭыԥны Аԥсны иалыркаауа Гагра ақалақь ауп.

Асиа еиқәыршәоуп 2021 шықәса ԥхынгәымзазы аԥсшьаҩцәа иҿарҵо анхарҭа ҭыԥқәа рзы адыррақәа ҳасаб рзуны.

9

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи

Ермантәылеи Азербаиџьани реинышәара аилагаразы ахара рыдибаҵоит

1
(ирҿыцуп 09:30 29.07.2021)
Лаҵара 12 азы акраамҭатәи аҭышәынтәалара ашьҭахь Ермантәылеи Азербаиџьани реизыҟазаашьақәа рыҽдырцәгьеит.

АҞӘА, ԥхынгәы 29 - Sputnik. Ермантәыла атәылахьчара аминистрра аҳәамҭа ҟанаҵеит азербаиџьантәи ар аԥшьаша ауыха аерманцәа рпозициақәа ирылахысуан ҳәа. Абри атәы аанацҳауеит РИА Новости.

"Ԥхынгәы 29 асааҭ 03.00 (02.00 мск) азы аҳәаа гегаркунитәи аучасток аҿы азербаиџьантәи аруаа аиқәшаҳаҭра еилаганы апровокациақәа ирылагеит, аерманцәа рпозициақәа иреихсуан. Аерман ган аҭак ашьҭахь ахымца аанкылан. Асааҭ 07.00 (06.00 мск) рзы иҭынчроуп", - аҳәоит атәылахьчаратә усбарҭа адырраҿы.

Уаанӡа Азербаиџьан атәылахьчара аминистрра аҳәамҭа ҟанаҵахьан Ермантәыла аиқәшаҳаҭра еиланагеит ҳәа.

Ахаша Ереван адырра ҟанаҵеит аҳәааҿы аҭыԥ змаз аиҿахысраан хҩык ҭахеит хәҩык ахәрақәа роуит ҳәа.

Анаҩс Еревани Бақәеи ишьақәдырӷәӷәеит ахымца шааныркыло.

1