COVID-19 аҟынтәи агәыр: Аԥсны алаҵаҟаҵара шымҩаԥысуа

13
(ирҿыцуп 15:59 06.07.2021)
Аԥсны COVID-19 аҟынтәи алаҵаҟаҵара иалагеит лаҵара 11 рзы. Атәыла араионқәеи ақалақьқәеи рҟны еиҿкаан алаҵаҟаҵарҭатә ҭыԥқәа. Шаҟаҩы алаҵа ҟарҵази, "Спутник V" шаҟа доза аанхази ртәы Sputnik аматериал аҟны.

Аԥсныҟа урыстәылатәи алаҵа "Спутник V" 6500 доза иҟоу актәи апартиа ааган мшаԥы 30 рзы. Дозак шьақәгылоуп ҩ-компонентк рыла.

Бадраҟ Аҩӡба, Sputnik

Алаҵеи аамҭеи

Аԥсны COVID-19 аҟынтәи алаҵаҟаҵара ишаҿыц иаҿуп. Аԥсны агәабзиарахьчара аминистрра адыррақәа рыла, акоронавирус аҟынтәи алаҵа рзыҟарҵахьеит 5609-ҩык ауааԥсыра.

Агәабзиарахьчара аминистрраҟны ирҳәеит, амчыбжь анҵәамҭазы иаагоу алаҵа шнырхуа. Иара убас иазгәарҭеит, ачымазараҿкы аҟынтәи алаҵа аҩбатәи апартиа аагаразы Урыстәылаҟа аҳәара шынарышьҭыз.

Алаҵа ҟазҵар зҭаху рацәаҩхеит

Алаҵаҟаҵара атәы дазаҭгыло Аҟәа ақалақь ахадара агәабзиарахьчара аусбарҭа аиҳабы иазгәалҭеит, иахьала даара ибзиан ишымҩаԥысуа.

"Алаҵа анҵәара ианалага аамҭазы ирацәаҩны ауаа асиа рҽанырҵоит. Ақьаадқәа еиқәыршәаны иҳамоуп, аха ҩымш рыла иара нҵәоит. Актәи ахәҭа ҳалгоит. Аҩбатәи макьана аҟаҵара ҳаҿуп. Актәи ҟазҵахьоу зегьы аҩбатәи ирызхартә еиқәыршәоуп", -лҳәеит Воуԥҳа.

Уажәы ачымазҩцәа рацәаҩхеит, иара ачымазара ахаҭагьы бааԥсхеит, лҳәеит лара.

"Ауаа алшара рымаӡам аҩны аҽыхәышәтәра, убри аҟынтә ирҭахуп астационар ахь. Аҟәа макьана ҳаизхоит, аха ашьҭаҵарҭатә ҭыԥқәа ирыцаҳҵо ҳалагар, рымаҵ аура ҳахьӡаӡом. Иҟоуп амедицина аусзуҩцәа ачымазара зҽадызҳәалар зҭахымгьы", - азгәалҭеит Воупҳа.

Аоперштаб арбагақәа рыла иумбарц залшом аҿкычымазара акыр аҽарӷәӷәеит, уи амедусҳәарҭақәа ирнымԥшырц залшом.

Агәабзиарахьчара аминистр Едуард Быҭәба иажәақәа рыла, Аԥсны Урыстәылаҟа аҳәара нанашьҭхьеит COVID-19 аҟынтәи алаҵа ҩаԥхьа иаарышьҭырц, иара убас иаҭаххар, цхыраара аҳақьымцәагьы аарц ирыҳәеит.

Аԥсны агәабзиарахьчара аминистрра атерапевт хада Анжела Арҷелиаԥҳа арадио Sputnik илҳәеит акоронавирустә инфекциаҟынтә алаҵа "Спутник V" ауаа ишырхырго атәы. Алаҵа ҟазҵаз еиҳараҩык уи ныррак рнамҭеит. Ҩыџьа аллергиатә реакциа рызцәырнагеит, аха ирласны ирхыҵит. Иҟоуп зшоура халаз. Алаҵа ззыҟарҵаз рахьынтәи аӡәгьы ахәышәтәырҭахь днанамгеит ҳәа азгәалҭеит.

Ачымазара аҽарҭбаара иахҟьаны Аԥсны ахада Аслан Бжьаниа аковидҿагыларатә усқәа рырӷәӷәаразы аусдҵа инапы аҵеиҩит. Адокумент инақәыршәаны ԥхынгәы 5, 2021 шықәса инаркны рзин ҟаҵам ачарақәа, аныҳәақәа, аԥсхәратәи егьырҭ ауснагӡатәқәеи иарку ауаажәларратә крыфарачаратә хыбрақәа рҿы.

Ԥхынгәы 6 рзы иҟоу адыррақәа рыла, аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 17999-ҩык ыҟоуп, ргәы бзиахеит 15573-ҩык, рыԥсҭазаара иалҵит 254-ҩык.

13
Атемақәа:
Аҿкычымазара – акоронавирус Аԥсни адунеи аҿи: иалкаау (1379)

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау (1379)

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи