Гагра амшын иагаз аԥсшьаҩы иԥсыбаҩ рыԥшааит

17
(ирҿыцуп 13:18 09.07.2021)
Пиатигорск инхоз 2000 шықәса рзы ииз Ростислав Петров Гагра амшынеисра бааԥс иахҟьаны дӡааҟәрылеит ԥхынгәы 5 рзы.

АҞӘА, ԥхынгәы 9 - Sputnik. Гагра амшын иагаз аԥсшьаҩы Ростислав Петров иԥсыбаҩ рыԥшааит. Абри атәы аанацҳауеит АҶА апресс-маҵзура.

Аԥсыбаҩ ԥшаауп ҳәа АҶА ахь адырра ҟаҵан ԥхынгәы 9 асааҭ 08:40 рзы. Аиқәырхаҩцәа амшын иҭыргаз аԥсыбаҩ Гагратәи араионтә хәышәтәырҭа  аԥсышьҭаҵарҭахь инаргеит.

Ԥхынгәы 5 рзы иҟаз амшынеисра иахҟьаны иӡааҟәрылаз аҷкәын Аԥсныҟа ԥсшьара дааит Пиатигорскынтәи. Петров иеиқәырхаразы аӡы дҭалеит даҽа ԥсшьаҩык, уи дӡааҟәрыларц акгьы игымхеит, аха уи иалгара рылшеит.

Ԥхынгәы 8 рзы АҶА аусзуҩцәа иԥсыбаҩ рыԥшааит Гагра амшын иаанахәаз 1979 шықәса рзы ииз саратовтәи аԥсшьаҩы Павел Даньков.

Макьаназы лыԥшаара иаҿуп Бзыԥ аҿы зхәыҷқәеи лареи аӡы иагаз Санкт-петербургтәи аԥсшьаҩы Тамара Молчанова.

Аԥсны АҶА адыррақәа рыла, 2021 шықәса аԥхын аамҭазы ашәҟәы иҭагалоуп аӡы аҟны иҟалаз жәаба рҟынӡа амашәырқәа.

 

17

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи