Иреиҳаӡоу аӡбарҭа Борис Ачба иус азы Ҳаџьымба ахьчара ашаҳаҭс иқәгылара мап ацәнакит

36
(ирҿыцуп 20:34 09.07.2021)
Аԥсны уаанӡатәи ахада Рауль Ҳаџьымба ахьчара аган аҟынтәи шаҳаҭс дықәгыларц даарыԥхьеит АУН "Аԥсныавтомҩа" уаанӡатәи адиректор хада Борис Ачба иус азы.

АҞӘА, ԥхынгәы 9 - Sputnik. Иреиҳаӡоу аӡбарҭа Ахашшааратә коллегиа адукат Инга Габилаиаԥҳа Рауль Ҳаџьымба ахьчара аганахьала шаҳаҭс дықәгыларазы иҟалҵаз азыҳәа мап ацәнакит.

Рауль Ҳаџьымба иҿахәҿыхразы азыҳәа даԥхьеит Борис Ачба идукат Инга Габилаиаԥҳа, лара иазгәалҭеит уаанӡатәи ахада ари аус ала ихадоу шаҳаҭс дшыҟоуп. Лара лажәақәа рыла, ахарадҵара аган агәаанагарала, Ачба Ҳаџьымба дижьеит уи ашьаусԥшаараан иҿахәы иҿырхаанӡа. Уи адагьы, Аҟәатәи аӡбарҭаҟны Ҳаџьымба иҿахәҿыхраан ииҳәаз иагьамыхәаԥшит ҳәа азгәалҭеит адукат.

Апрокуратура хада ахаҭарнак Ельвира Хазириши инаҵшьны иазгәалҭеит актәи аинстанциа аӡбарҭа изныкымкәа Ҳаџьымба иахь ашәҟәқәа шынанашьҭхьаз аӡбарҭахь днеирц азы. Иара зныкгьы дымнеит, убри аан ашәҟәқәа ааишьҭуан заанаҵтәи ашьаусԥшаараан ииҳәаз зегьы дшақәшаҳаҭу, урҭ ирыԥхьар азы мап шиимкуа.

"Ҳара Рауль Ҳаџьымба иҿахәҿыхра аматериалқәа аӡбарҭаҿы ҳрыԥхьахьеит, иара имҳәаӡеит Ачба Филимонов зыжәлаз аӡәи иареи аиқәшаҳаҭра рнапы аҵарҩырц шидимгалаз, аусурақәа шымҩаԥгаз, аусурақәа мҩаԥызгоз дышрыҿцәажәоз, хаҭалагьы ишибаз урҭ аусурақәа шымҩаԥыргоз. Уаҳа ҿыцс ҳәа акгьы ҳаиҳәаӡом", - лҳәеит лара.

Хазириши иара убас иазгәалҭеит ашаҳаҭ Ҳаџьымба аусӡбара ахьынӡацо азал аҿы дыштәаз, уигьы зинеилагароуп ҳәа.

Аӡбарҭа аҭыԥ аҟны иааилацәажәан, адукат Габилаиаԥҳа иҟалҵаз азыҳәа мап ацәнакит, избанзар "ахьчара уи азы иаанагаз аршаҳаҭгақәа ари аус аҟны ҿыцра ҳәа акгьы рыҵаӡам".

Абри азы Габилаиаԥҳа Ахашшааратә коллегиа зегьы аус иалхзарц азы азыҳәа ҟалҵеит.

"Абри аҩыза аӡбамҭа рыдрымкылар акәын, избанзар ашаҳаҭ аҭыԥ аҟны дааины дыҟан, сара исыхьчо ахаҿы иусқәа зегьы уаанӡатәи ахада идҳәалоуп. Сара сгәаанагарала уаанӡатәи ахада аӡбарҭахь дааганы дахьдмырцәажәаз азы Ахашшааратә коллегиа агәра ҳазгом. Аӡбарҭа обиективла иахәаԥшуам ари аус. Уи сара ибзианы избарҭоуп", - лҳәеит адукат.

Аҳәынҭқарратә харадҵаҩ ари азыҳәа ҵаҵӷәыдоуп ҳәа ахнаҳәааит, иагьазгәанаҭеит аконкреттә фактқәа шыҟам аколлегиа агәрамгаразы.

Ахашшааратә коллегиа аилазаара аус алгаразы азыҳәазы аӡбамҭа адикылоит Иреиҳаӡоу аӡбарҭа ахантәаҩы. Абри ала иахьатәи аилатәара хыркәшан.

Аусҭҵаара адыррақәа рыла, Ачба мцҳәарыла 19 471 162 мааҭ абиуџьеттә ԥарақәа еимиҵәеит, адокумент ԥаршеиқәа ихы иархәаны. Лаҵара 5 рзы Аҟәатәи ақалақьтә ӡбарҭа Борис Ачба абиуџьет ԥара хыԥхьаӡара рацәала еимиҵәеит ҳәа ахарадҵа ҟаҵаны азеиԥш режим иаҵанакуа ариашаратә колониаҿ быжьшықәса ҭакрыла ихигарци имазара имхзарци аӡбамҭа аднакылеит.

36

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи