"Opera Viva": амузыкатә фестиваль мҩаԥысит Аԥсны

20
(ирҿыцуп 09:47 10.07.2021)
Сынтәатәи афестиваль изкын еицырдыруа италиатәи акомпозитор Џьоаккино Россини, амузыкантцәа иадырҳәон ԥсра зқәым иара иаԥҵамҭақәа.

АҞӘА, ԥхынгәы 10 - Sputnik, Асмаҭ Ҵәыџьԥҳа. Жәларбжьаратәи афестиваль "Opera Viva" мҩаԥысит ԥхынгәы 9 рзы, Аҟәа.

Аԥхьанатә афестиваль аиҿкааҩцәа аконцерт мҩаԥыргарц ргәы иҭан С. Ҷанба ихьӡ зху Аԥсуа ҳәынҭқарратә драматә театр асценаҿы, аха атәылаҿы ишьақәгылаз аепидемиологиатә ҭагылазаашьа иахҟьаны, аконцерт уи ашҭаҿы имҩаԥыргеит.

Аконцерт адәахьы амҩаԥысра ауаа рацәа адныԥхьалеит, аконцерт иаҭаарц згәы иҭамызгьы аклассикатә музыка гәахәарыла ирыдыркылеит. Адраматә театр ашҭа ҭәын ауаа рыла, уи иадеизалеит амузыка абзиабаҩцәа.

Аконцерт иаҭааз асасцәа рхыԥхьаӡараҿы иҟан аԥсшьаҩцәа.

"Аепидемиа иахҟьаны акультуратә усҳәарҭақәа аркхоит ҳәа анҳарҳәа, ҳгәы иалсит, аха иахьа амшын аԥшаҳәаҿы ҳшынеиааиуаз ари аконцерт ҳақәшәеит, уи гәахәарыла ҳахәаԥшит", - лҳәеит Воронежынтәи иааны Аҟәа зыԥсы зшьо Ирина.

Аконцерт аҿы аамҭак азы асцена еицықәгылан шәҩык амузыкантцәа. Апрограмма иалан Аԥсни Урыстәылеи рмузыкантцәа. Урҭ рхыԥхьаӡараҿы: Аԥсны Аҳәынҭқарратә камертә оркестр, Аԥсны Аҳәынҭқарратә хортә капелла, Адыгеиатәи Ареспублика Аҳәынҭқарратә симфониатә оркестр, Вадим Судаков ихьӡ зху Москватәи Аҳәынҭқарратә капелла ахкынагӡаҩцәа, иара убас еицырдыруа ахкынагӡаҩцәа Нана Черқьезиаԥҳа, Алхас Ферзба, Екатерина Богачева, Иулиа Почкалова, Иури Ростоцки, Владимир Казаков.

  • "Opera Viva": амузыкатә фестиваль мҩаԥысит Аԥсны
    © Sputnik / Томас Тхайцук
  • "Opera Viva": амузыкатә фестиваль мҩаԥысит Аԥсны
    © Sputnik / Томас Тхайцук
  • "Opera Viva": амузыкатә фестиваль мҩаԥысит Аԥсны
    © Sputnik / Томас Тхайцук
  • "Opera Viva": амузыкатә фестиваль мҩаԥысит Аԥсны
    © Sputnik / Томас Тхайцук
  • "Opera Viva": амузыкатә фестиваль мҩаԥысит Аԥсны
    © Sputnik / Томас Тхайцук
  • "Opera Viva": амузыкатә фестиваль мҩаԥысит Аԥсны
    © Sputnik / Томас Тхайцук
1 / 6
© Sputnik / Томас Тхайцук
"Opera Viva": амузыкатә фестиваль мҩаԥысит Аԥсны

"Афестиваль иаҭааз зегьы иҭабуп ҳәа шәасҳәоит. Сақәгәыӷуеит афестиваль аҳәаақәа аҽарҭбаап ҳәа. Арҿиаратә мҩаду ҳанылеит ҳәа азысыԥхьаӡоит", - ҳәа лҳәеит апроект аиҿкааҩ Нинель Бжьаниа.

Афестиваль гәахәарыла ирыдыркылеит Аԥсны асасцәа реиԥш аҳҭнықалақь ауааԥсырагьы.

Афестиваль аиҿкааҩцәа ргәы иҭоуп ари аконцерт есышықәса, мышқәак инеиԥынкыланы имҩаԥыргаларц.

20

Аԥснытәи ақалақь "акадифаамҭаз" аԥсшьара ахьалырхуа аҭыԥқәа ирхыԥхьаӡалоуп

4
Аԥсшьаразы анхарҭа ахьҿарҵо амаҵзура TVIL.RU иалнакааит "акадифаамҭаз" ҩыџьаны аԥсшьараз еиҳа иалырхуа аҭыԥқәа.

АҞӘА, нанҳәа 3 - Sputnik. Афон ҿыц "акадифаамҭаз" ҩыџьа рыԥсшьараз еиҳа иахьалыркаауа аҭыԥқәа иреиуоуп ҳәа аанацҳауеит TVIL.RU.

Амаҵзура астатистикала атуристцәа ари аамҭазы аиҳарак 1 - 10 уахы рзы аҭыԥқәа ҿарҵоит, ари аамҭала уахыки-ҽнаки рыҩнуҵҟа 1,5 - 6 нызқь мааҭ рныхра иазыхиоуп.

Аԥсшьараз зегь раасҭа ахәқәа мариоуп Афон ҿыц, иҳаракуп — Лахденпохьиа. Аромантикатә ԥсшьараз иалырхуеит Иалтеи Шәачеи.

Ахырхарҭақәа жәаба рсиа:

  • Иалта - 3 559 мааҭ 8 уахык
  • Шәача - 2 195 мааҭ 9 уахык
  • Санкт-Петербург - 2 944 мааҭ 5 уахык
  • Афон ҿыц - 1 456 мааҭ 10 уахык
  • Лахденпохьиа - 6 019 мааҭ 7 уахык
  • Ростов-на-Дону - 2 165 мааҭ 1 уахык
  • Калининград - 1 955 мааҭ 6,5 уахы
  • Казань - 2 062 мааҭ 4 уахык
  • Кисловодск - 1 691 мааҭ 10 уахык
  • Воронеж - 1 912 мааҭ 6 уахык.

Асиа шьақәыргылоуп 2021 шықәса нанҳәа-цәыббра рзтәи аҿаҵарақәа рыла.

Иара убас шәаԥхьар ҟалоит:

 

4
Сурам Сакания

Сақаниа Маркәыла иԥшааз ажәытә ҳаԥшьақәа рзы: еиҳагьы сеигәырӷьон урҭ сахьақәак рнызҭгьы

6
(ирҿыцуп 14:32 03.08.2021)
Аԥсни Урыстәылеи рархеологцәа Маркәылатәи анхарҭаҟны еицымҩаԥыргоз сынтәатәи ажрақәа раан анышәаԥшь иалху хә-ҳаԥшьак рыԥшааит. Археологиатә експедициа аԥсуа ган напхгара азызуа, аҵарауаҩ Сурам Сақаниа арадиоефир аҿы еиҭеиҳәеит аԥшаахқәа ртәы.
Сақаниа Маркәыла иԥшааз ажәытә ҳаԥшьақәа рзы: еиҳагьы сеигәырӷьон урҭ сахьақәак рнызҭгьы

"Археологцәа ҳанеицу есымша акы ҳазыԥшуп. Абаҳа аҿы аныҵаҳҵо абри акыр аанарԥшуама ҳәа ҳаԥшуеит. Аҳаԥшьақәа анаҳба, ҳаигәырӷьеит, аха еиҳагьы сеигәырӷьон урҭ сахьақәак рнызар, аԥсышәала жәақәак рнызар, ианамуӡах, ма латын бызшәала, ма бырзен бызшәала, аха уи аҩыза анасыԥ макьана иаҳмоуцт. Ҳазыԥшуп, ҳахьӡар ҟалоит", – ҳәа еиҭеиҳәеит Сақаниа.

Очамчыра араион Маркәыла ақыҭан 2013 шықәсазы иԥшаан антикатә аамҭа иаҵанакуа, абжьарашәышықәсагьы здызкыло ижәытәӡатәиу анхарҭа. Урыстәылеи Аԥсни рархеологцәа ари аҭыԥ аҭҵаара рнапы алакуп. Аҭҵаарақәа аурыс ган напхгара алҭоит Урыстәыла аҭҵаарадыррақәа Ракадемиа Археологиа аинститут аклассикатә археологиа аҟәша аиҳабы, аҭоурыхтә ҭҵаарадыррақәа ркандидат Галина Требелева, аԥсуа ган - Сурам Сақаниа.

Маркәылатәи аиланхарҭа жәытә – Аԥсуа ҭӡеибаркыра ду аҩнуҵҟа иҟоу, ажәытәтәи ауааԥсыра рыбзазареи рҭоурыхи зныԥшуа ҭыԥуп.

Инеиҵыху аиҿцәажәара шәазыӡырҩыр шәылшоит аудиофаил аҿы.

6