Бжьаниа араионқәа рхадацәа амаининг азы аҭагылазаашьазы аҭакԥхықәра шрыдло иҳәеит

31
(ирҿыцуп 09:10 13.07.2021)
Аԥсны ахада Аслан Бжьаниа аусутә еилатәара мҩаԥигеит Аиҳабыра рхаҭарнакцәеи ақалақьқәеи араионқәеи рхадацәеи алархәны. 

АҞӘА, ԥхынгәы 13 - Sputnik. Аԥсны ахада Аслан Бжьаниа амаинингқәа раарԥшразы аусура ацҵазарц адҵа ҟаиҵеит, иара убас араионқәа рхадацәа зегьы ргәырҽаниҵеит хаҭала аҭакԥхықәра шрыдло изакәанымкәа акриптовалиута аиуразы иҟоу аҭагылазаашьазы. Абри атәы аанацҳауеит аинформациатә маҵзура Аԥсныпресс.

"Аҭыԥ аҟны ахара зду ирыхәҭоу иақәшәмыршәалар, шәара хаҭала аҭакԥхыра шәхахьы ижәгалар акәхоит", - иҳәеит Бжьаниа.

Аҳәынҭқарра ахада иара убас иазгәеиҭеит АШәМ-гьы амаининг аҿагылараҟны ишрывагылаз.

"Мызк ҵуеит адҵа роухьеижьҭеи, аматериалгьы маҷымкәа еизыргахьеит", - иҳәеит иара.

АШәМ ахантәаҩы актәи ихаҭыԥуаҩ Ҭемыр Ахьиба еиҭеиҳәеит ԥхынгәы 4-12 рзы ишаарԥшыз иагьшықәгаз акриптовалиута аиуразы 2450 аппарат, ААР ашьҭаҵарҭаҿы урҭ рахьтә 1816 цыра ыҟоуп.

Ахьиба иара убас рационцыԥхьаӡа адыррақәа ааигеит:

  • Гал араион Алакәымҳара ақыҭан иаарԥшын 668 аппарат, иара убас акрипторгыларҭа, уа иԥшаан быжь-цырак. 
  • Аберқыҭ - 43 аппарат. В селе Абыркыт обнаружено 43 аппарата.
  • Риаԥ  – 40.
  • Гал – 42.
  • Тҟәарчал уаанӡатәи амҿыԥҟарҭаҿы иаарԥшын 331 аппарат ахьықәгылаз аферма.
  • Атәылахьчара аминистрра уаанӡатәи ашьҭаҵарҭаҿы - 311 аппарат ахьықәгылаз аферма.
  • Пицунда уаанӡатәи аракетатә хәҭаҿы - 327 аппарат ахьықәгылаз аферма.
  • Алаҳаӡы ақыҭан – 245.
  • Бармышь ақыҭан – 11 аппарат.
  • Дәрыԥшь – 60 цыра.
  • Хыԥсҭа – 50.
  • Лыхны – 50.
  • Аҟәа Март 4 амҩаҿы игылоу ачазауад аҵакыраҿы - 27 аппарат. 
  • Аҟәатәи аӡлагаракомбинат аҿы - 94 цыра, уаанӡатәи ақьырмыт зауад аҿы – 26.
  • Шыцкәара ақыҭан рықәгара иаҿуп 25 аппарат.
  • Тамшь ақыҭан - 28 аппарат.
  • Ԥақәашь ақыҭан – 25.

Гал араион ахада Константин Ԥлиа иажәақәа рыла, Алакәымҳара иԥшааз аппаратқәа уаанӡа Хәымышькәыр ақыҭан ишаҿыхыз. Анаҩс урҭ Алакәымҳараҟа ииаргеит. Уа урҭ ахыбра анрыздыргыла, аиҳабыра иаразнак иахәҭаз аусмҩаԥгатәқәа нарыгӡеит.

Ахада иазгәеиҭеит иара имоу адыррала уи аферма ЕгрыГЕС атоннель аусура алзыршо афымцацәаҳәа иаҿаԥыршьит ҳәа, адҵагьы риҭеит АШәМ ари аинформациа ҭырҵаарц.

Бжьаниа иара убас "Амшынеиқәафымцамч" аиҳабы адҵа ииҭеит Тҟәарчалтәи РЕС анапхгаҩы имаҵура дамихырц, избанзар аҵыхәтәантәи аамҭазы уа иаарԥшын 600 аппарат инареиҳаны.

Бжьаниа иара убас ахада иусбарҭа аиҳабы Алхас Кәыҵниеи аԥыза-министр Александр Анқәаби адҵа риҭеит амчыбжь нҵәаанӡа изакәанымкәа амаининг ахархәара азҵаарақәа ирызку аилацәажәара мҩаԥыргарц, хаҭала ахара зду рыӡбахә рҳәарц.

"Аусура иамхтәу ыҟазар, шәааи иамҳхып. Ахәаша шәажәалагалақәа ҳарзыԥшуп. Аус еицыжәу, азинхьчаратә усбарҭақәа шәыцхраауеит. Анапхгаҩцәа зегьы рҵыхәала аӡбамҭақәа сырзыԥшуп, сара нас адокументқәа снапы рыҵазыҩуеит", - иҳәеит ахада.

Иара иазгәеиҭеит уаҵәы инаркны амаинингтә маругақәа ахьырԥшаауа араионқәа рхадацәа рхала русура шынрыжьуа азы арзаҳалқәа рыҩлар рылшоит.

Аҩнуҵҟатәи аусқәа рминистр адҵа иҭан иқәгаз акриптофермақәа ахьырҵәахуа ахыбрақәа рыхьчара алдыршарц, иара убас даҽа хыбракгьы абри аус азы еиқәдыршәарц.

Аԥсны Ашәарҭадаратә хеилак амаӡаныҟәгаҩ Сергеи Шамба ахада идигалеит уахынла сааҭқәак аинтернет дырцәаларц, усҟан акриптовалиута аиура алшом.

31
Атемақәа:
Аԥсны амаинингтә фермақәа раҿыхра (93)

Аԥсны ААР "ампыҵахалара ахыхраз" Қырҭтәыла арезолиуциа апроект ахҳәаа анаҭеит

2
Ампыҵахалара ахыхрази аурыс-ақырҭуа еимак ҭынчмҩала аҭышәныртәаларази арезолиуциа уаанӡа, нанҳәа 2 рзы иалацәажәеит Қырҭтәыла Апарламент азинтә зҵаарақәа реилак аҿы.

АҞӘА, нанҳәа 3 - Sputnik. Аԥсны Адәныҟатәи аусқәа рминистрра "ампыҵахалара ахыхрази" аурыс-ақырҭуа еимак ҭынчмҩала аҭышәныртәаларази арезолиуциа "аԥсҭазаара иаҟәыгоу, аԥсуа-ақырҭуа еиҿагылара амзыз еиҭазкуа" акоуп ҳәа азгәанаҭеит. Абри атәы кьыԥхьуп аусбарҭа асаит аҿы.

Аԥсны ААР адырра ала, Қырҭтәыла иаднакылаз адокумент аҿы Урыстәылатәи Афедерациахь ааԥхьара ҟанаҵоит Аԥсни Аахыҵ Уаԥстәылеи "ампыҵахалара рхыхраз", иазхаҵоу рхьыԥшымра мап ацәнакырц, иара убасгьы аетникатә ҟазшьала ауаа еилырымхларц, Женеватәи аиҿцәажәарақәа рҟны аконструктивтә ҟазшьала ахы мҩаԥнагаларц азы ҳәа.

Аусбарҭаҿ иазгәарҭеит 1992 шықәсазы Аԥсны аибашьра алагаразы аҭакԥхықәра зду Қырҭтәыла шакәу, иара убас, Аахыҵ Уаԥстәыла 2008 шықәсазы аҭыԥ змаз ахҭысқәа рызгьы ахара дара ишрыду.

"Иазгәаҭатәуп Қырҭтәыла амчрақәа ишырҭаху аԥсуа-ақырҭуа еимак аурыс-ақырҭуа еимак акәушәа ауаа дырбара, аха уи изаҟаразаалак ҵаҵӷәык амам. Иззыҟарҵогьы аҭакԥхықәра рҽацәхьакны ахара ирыду мап ацәыркырц ауп", - ҳәа аҳәоит ареспублика адәныҟаполитикатә усбарҭа ахҳәааҿы.

Аԥсны адәныҟатәи аусқәа рминистрра Женеватәи аиҿцәажәарақәа ирлахәылоу жәларбжьаратәи абжьаҟазацәа рахь ааԥхьара ҟанаҵоит 1992–1993 шықәсқәеи 2008 шықәсеи рзы Қырҭтәыла ахымҩаԥгашьа цәгьоуроуп ҳәа иршьарц, Аԥсни Қырҭтәылеи рыбжьара амч ахамырхәаразы аиқәшаҳаҭра анапаҵаҩра иацхраарц.

Аусбарҭа иара убасгьы ааԥхьара ҟанаҵоит Аҟәеи Қарҭи рыбжьара еиҟароу аҳәынҭқаррабжьаратә еиҿцәажәарақәа рышьақәыргылара иацхраарц Аахыҵ Кавказ акраамҭатәи аҭынчреи аҭышәынтәалареи реиҿкаара хықәкыс иҟаҵаны.

Аԥсуа дипломатцәа иазгәарҭоит ақырҭуа ган Женеватәи аиҿцәажәарақәа рҳәаақәа ирҭагӡаны аполитикатә ҭахра аарԥшны рконструктивтә позициа иқәныҟәар шрыхәҭоу. Избанзар аиҿцәажәарақәа рлахәылацәа зегьы ззыԥшу Қырҭтәыла аконструктивтә хымҩаԥгашьа ауп.

2

Аԥснытәи ақалақь "акадифаамҭаз" аԥсшьара ахьалырхуа аҭыԥқәа ирхыԥхьаӡалоуп

5
Аԥсшьаразы анхарҭа ахьҿарҵо амаҵзура TVIL.RU иалнакааит "акадифаамҭаз" ҩыџьаны аԥсшьараз еиҳа иалырхуа аҭыԥқәа.

АҞӘА, нанҳәа 3 - Sputnik. Афон ҿыц "акадифаамҭаз" ҩыџьа рыԥсшьараз еиҳа иахьалыркаауа аҭыԥқәа иреиуоуп ҳәа аанацҳауеит TVIL.RU.

Амаҵзура астатистикала атуристцәа ари аамҭазы аиҳарак 1 - 10 уахы рзы аҭыԥқәа ҿарҵоит, ари аамҭала уахыки-ҽнаки рыҩнуҵҟа 1,5 - 6 нызқь мааҭ рныхра иазыхиоуп.

Аԥсшьараз зегь раасҭа ахәқәа мариоуп Афон ҿыц, иҳаракуп — Лахденпохьиа. Аромантикатә ԥсшьараз иалырхуеит Иалтеи Шәачеи.

Ахырхарҭақәа жәаба рсиа:

  • Иалта - 3 559 мааҭ 8 уахык
  • Шәача - 2 195 мааҭ 9 уахык
  • Санкт-Петербург - 2 944 мааҭ 5 уахык
  • Афон ҿыц - 1 456 мааҭ 10 уахык
  • Лахденпохьиа - 6 019 мааҭ 7 уахык
  • Ростов-на-Дону - 2 165 мааҭ 1 уахык
  • Калининград - 1 955 мааҭ 6,5 уахы
  • Казань - 2 062 мааҭ 4 уахык
  • Кисловодск - 1 691 мааҭ 10 уахык
  • Воронеж - 1 912 мааҭ 6 уахык.

Асиа шьақәыргылоуп 2021 шықәса нанҳәа-цәыббра рзтәи аҿаҵарақәа рыла.

Иара убас шәаԥхьар ҟалоит:

 

5