Аԥсны Апарламент актәи аԥхьарала иаднакылеит абаҩрҵәыразы азакәан

© Sputnik / Томас ТхайцукOchamchira Run - забег в Очамчыре
Ochamchira Run - забег в Очамчыре - Sputnik Аҧсны, 1920, 13.07.2021
Анапаҵаҩра
"Абаҩрҵәыреи аспорти рзы Аԥсны азакәан" адгылара арҭеит Жәлар Реизара азинтәи аналитикатәи аҟәшақәа. 

АҞӘА, ԥхынгәы 13 – Sputnik, Асмаҭ Ҵәыџьԥҳа. Аԥсны Апарламент актәи аԥхьарала иаднакылеит абаҩрҵәыразы азакәан.

Азакәан апроект рыдигалеит адепутат Вианор Бебиа. Иазгәеиҭеит, азакәан адкылара шхымԥадатәиу, Аԥсны абаҩрҵәыреи аспорти ҳәаақәызҵо азинтә акт ҳәа акгьы ахьыҟам азы. 

Марина Ласурия - Sputnik Аҧсны, 1920, 31.03.2019
Арадио
Ҳазлацәажәаша ҳамоуп: Лашәриаԥҳа абаҩрҵәыра иазкны

Азакәан иҳәаақәнаҵоит абаҩрҵәыратә усбарҭақәа русура, ишьақәнарӷәӷәоит аспорттә хьыӡқәа, азыҟаҵаҩцәеи аҟазацәеи рԥышәатә категориа, иалкаауп аспортсменцәа рзинқәеи ирыду рмаҵуратә ҭакԥхықәреи. 

Азакәан аҟны иарбоуп аспортсменцәа аетикатә ԥҟарақәа ишрықәныҟәаша, дара азин рымаӡам еиуеиԥшым алашыҩкратә хәмаррақәа рыҽрылархәра, иара убас аспортсменцәа азин рымаӡам аицлабраҟны аисара рыбжьаҵара. Асанитар-гигиенатә ԥҟарақәа ирықәныҟәалароуп, амедицинатә гәаҭарақәа ирхыслароуп.  

Адепутат Баҭал Табаӷәуа иазгәеиҭеит, Аԥсны еиуеиԥшым аспорт хкқәа рзы ахеилакқәа шаԥҵоу, аха дара аҳәынҭкарраҟынтәи ацхыраара ҳәа акгьы шырмоуа. Азакәан аҟны ари апроблема аӡбаразы иҟаҵатәу ашьаҿақәа арбаӡам, уи аҟнытә иара ажәалагала ҟаиҵеит, хшыҩзышьҭра арҭарц аолимпиатә спорт хкқәа. 

Ажәабжьқәа зегьы
0