Аҟәа асанитартә ҳақьым хада илҳәеит амшын уахьҭалашеи ӡыс ижәтәуи

185
(ирҿыцуп 13:35 13.07.2021)
Аҟәа асанитартә ҳақьым хада Алла Белиаева лдыррала, иҳаҩсыз амчыбжь азы Аԥсны иҟалаз амшцәгьа иахҟьаны амшынӡы мҟьашьӡеит.

АҞӘА, ԥхынгәы 13 – Sputnik. Аҟәа иахьаҵанакуа амшынӡы аҭагылазаашьа бзиоуп, аха иҟоуп аҭыԥқәа уҽуумкәабар ахьеиӷьу ҳәа арадио Sputnik Аԥсны аҿы еиҭалҳәеит аҳҭнықалақь асанитартә ҳақьым хада Алла Белиаева. 

"Аҟәа иахьаҵанакуа аҽыкәабара ахьыҟало амшынӡы аҭагылазаашьа, егьырҭ ашықәсқәа раан еиԥш, хар амам. Уаанӡеиԥш, уҽуумкәабар еиӷьуп аӡиасқәа Баслаҭеи Аӡаԥшьи амшын иахьалало аҭыԥқәа рҿы. Имҩаԥгаз аҭҵаарақәа рыла, зегь реиҳа аӡы цқьоуп Алашарбага аҳаблаҿы. Егьырҭ аҭыԥқәа рҿы арекреациатә зонақәа ирышьашәало иҟоуп", - ҳәа азгәалҭеит лара. 

Белиаева иара убас илҳәеит аротавирустә инфекциа алшықәсанык ауаа ишрыдырбало. Зегь реиҳа ирыхьуеи хԥа-фба шықәса зхыҵуа ахәыҷқәа, еиҳараӡак алаҵа ззыҟаҵам. Иара убас ирыдырбалоит ахатәы ҩнқәа рҿы иаангыло аԥсшьаҩцәа рыбжьара.

Иара убас аротавирустә инфекциа аҽышьҭнахуеит нанҳәамза ианазааигәахо, уи зыхҟьо аӡы мацара акәым, ауаа рнапы мыӡәӡәаӡакәа ашәыр ахьырфогьы ауп.

Аинфекциа асимптом хадақәа иреиуоуп ашоура 37 градус ианеиҳахо, амгәа хьаа рызцәырҵуеит, ирҿырхуеит. Адуцәа усҟак ибааԥсны ирхыргом, аха ахәыҷқәа рзы ишәарҭахар ҟалоит.

Белиаева арҭ рҩызцәа асимптомқәа здызбалаз Аҟәатәи аинфекциатә хәшәтәырҭа иадҵааларц рабжьылгоит.

"Уажәы реиҳараҩык ахәыҷтәы хәшәтәырҭа иадҵаалоит, избанзар Аҟәатәи аинфекциатә хәшәтәырҭаҿы уажәы акоронавирус зыдбалоу адҵаалоит, аҭып аҿы ирхәшәтәуеит. Сгәанала, хара имгакәа ахәыҷқәа рзы аҟәша аадыртып ҳәа", - лҳәеит лара.

Иара убас Аҟәа аӡрыжәтә ҟьашьӡам, избанзар уи ахлор ала идрыцқьоит лҳәеит Белиаева.

Иагьа ус иҟазаргьы, лара аҳҭнықалақь асасцәеи анхаҩцәеи акран аҟынтәи аӡы рымжәларц рабжьылгоит, аӡымҩангагақәа ахьажәу азы.

Аӡиасқәа рҿы акәзар аҽыкәабара ҟалоит, аха уантәи аӡыжәра рҽацәхьаркыр еиӷьуп лҳәеит аҳақьым. 

Иҳаҩсыз амчыбжь азы Аԥсны аԥшаҳәа зегы иахысит аԥшатлакә, амшын аҿы ацәқәырԥеисра ӷәӷәа ыҟан. Белиаева ишылҳәаз ала, уи аахижьҭеи аӡы аҭагылазаашьа еиӷьхара иаҿуп.

Лара лажәақәа рыла, аӡы ҵаҟатәи ахәҭаҿы иҟоу аӡы хьшәашәеи хыхьтәи аӡы ԥхеи анеилалакгьы, аӡы ахала аҽарыцқьара иалагоит, уи азы ҩба-хԥа мшы роуп иаҭаху. 

185

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

3
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

3

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10