Аслан Бжьаниа Борис Адлеиба иҳаҭгәын аҿы днеит

32
(ирҿыцуп 13:30 15.07.2021)
Асоветтә ҳәынҭқарратә усзуҩ, Аԥснытәи АССР апартиа аобком актәи амаӡаныҟәгаҩ Борис Адлеиба диижьҭеи иахьа 90 шықәса ҵит. Иара игәалашәара иазкны зеиҿкаара иаҿыз аусмҩаԥгатәқәа ахыргеит акоронавирус азы аепидҭагылазаашьа иахҟьаны.

АҞӘА, ԥхынгәы 15 - Sputnik. Аԥсны ахада Аслан Бжьаниа ашәҭшьыҵәрақәа шьҭеиҵеит еицырдыруа аҳәынҭқарратә усзуҩ, Аԥснытәи АССР апартиа аобком актәи амаӡаныҟәгаҩ Борис Адлеиба Очамчыра араион Ҷлоу ақыҭан анышә дахьамадоу аҳаҭгәын аҟны, абри атәы аанацҳауеит ахада ипресс-маҵзура.

© Foto / пресс-служба Президента Республики Абхазия
Борис Адлеиба иҳаҭгәын

Борис Адлеиба Аԥснытәи АССР апартиа аобком актәи амаӡаныҟәгаҩс дыҟан, иахьа иԥсы ҭазҭгьы 90 шықәса ихыҵуазаарын. Иара ареспублика напхгара азиуан 1978 шықәса инаркны 1989 шықәсанӡа. Борис Адлеиба жәа-шықәса рыҩнуҵаҟа анапхгараҿ дыҟанаҵы ихы ааирԥшит ддипломат иашаҵәҟьаны, Қарҭынтәи ақәыӷәӷәара шимазгьы уи илиршон иԥсадгьыл аинтересқәа рыхьчара. Борис Адлеиба зегь раԥхьаӡа инапы аҵаиҩуеит Аԥсны аҳәынҭқарра аиҭашьақәыргыларазы 1989 шықәсазы, СССР Акомпартиа ацентртә комитет амаӡаныҟәгаҩ хада иахь ишьҭыз  Лыхнытәи ааԥхьара ашәҟәы. Абри ашьҭахь хара имгакәан Борис Адлеиба инапынҵақәа шьҭеиҵар акәхеит.

Борис Адлеиба диижьҭеи 90 шықәса аҵра иазкыз аусмҩаԥгатәқәа мҩаԥысран иҟан ԥхынгәы 15 рзы, аха Аԥсны аепидемиологиатә ҭагылазаашьа иахҟьаны иахыргеит.

Иара убас Борис Адлеиба иҳаҭгәын аҟны ашәҭшьыҵәрақәа шьҭарҵеит Жәлар Реизара аиҳабы Валери Кәарҷиа, Аҳәынҭқарра ахада иусбарҭа аиҳабы  Алхас Кәыҵниа, Аԥсны ашәарҭадаратә хеилак амаӡаныҟәгаҩ Сергеи Шамба, Аҟәа ақалақь ахада Беслан Ешба, Очамчыра араион ахада Беслан Бигәаа, Аԥсны аиҳабыра рхаҭарнакцәа, ауаажәларра, Ҷлоу ақыҭа ауааԥсыра.

Иара убас шәаԥхьар ҟалоит:

 

 

32

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

9
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

9

Аԥсны ААР "ампыҵахалара ахыхраз" Қырҭтәыла арезолиуциа апроект ахҳәаа анаҭеит

6
Ампыҵахалара ахыхрази аурыс-ақырҭуа еимак ҭынчмҩала аҭышәныртәаларази арезолиуциа уаанӡа, нанҳәа 2 рзы иалацәажәеит Қырҭтәыла Апарламент азинтә зҵаарақәа реилак аҿы.

АҞӘА, нанҳәа 3 - Sputnik. Аԥсны Адәныҟатәи аусқәа рминистрра "ампыҵахалара ахыхрази" аурыс-ақырҭуа еимак ҭынчмҩала аҭышәныртәаларази арезолиуциа "аԥсҭазаара иаҟәыгоу, аԥсуа-ақырҭуа еиҿагылара амзыз еиҭазкуа" акоуп ҳәа азгәанаҭеит. Абри атәы кьыԥхьуп аусбарҭа асаит аҿы.

Аԥсны ААР адырра ала, Қырҭтәыла иаднакылаз адокумент аҿы Урыстәылатәи Афедерациахь ааԥхьара ҟанаҵоит Аԥсни Аахыҵ Уаԥстәылеи "ампыҵахалара рхыхраз", иазхаҵоу рхьыԥшымра мап ацәнакырц, иара убасгьы аетникатә ҟазшьала ауаа еилырымхларц, Женеватәи аиҿцәажәарақәа рҟны аконструктивтә ҟазшьала ахы мҩаԥнагаларц азы ҳәа.

Аусбарҭаҿ иазгәарҭеит 1992 шықәсазы Аԥсны аибашьра алагаразы аҭакԥхықәра зду Қырҭтәыла шакәу, иара убас, Аахыҵ Уаԥстәыла 2008 шықәсазы аҭыԥ змаз ахҭысқәа рызгьы ахара дара ишрыду.

"Иазгәаҭатәуп Қырҭтәыла амчрақәа ишырҭаху аԥсуа-ақырҭуа еимак аурыс-ақырҭуа еимак акәушәа ауаа дырбара, аха уи изаҟаразаалак ҵаҵӷәык амам. Иззыҟарҵогьы аҭакԥхықәра рҽацәхьакны ахара ирыду мап ацәыркырц ауп", - ҳәа аҳәоит ареспублика адәныҟаполитикатә усбарҭа ахҳәааҿы.

Аԥсны адәныҟатәи аусқәа рминистрра Женеватәи аиҿцәажәарақәа ирлахәылоу жәларбжьаратәи абжьаҟазацәа рахь ааԥхьара ҟанаҵоит 1992–1993 шықәсқәеи 2008 шықәсеи рзы Қырҭтәыла ахымҩаԥгашьа цәгьоуроуп ҳәа иршьарц, Аԥсни Қырҭтәылеи рыбжьара амч ахамырхәаразы аиқәшаҳаҭра анапаҵаҩра иацхраарц.

Аусбарҭа иара убасгьы ааԥхьара ҟанаҵоит Аҟәеи Қарҭи рыбжьара еиҟароу аҳәынҭқаррабжьаратә еиҿцәажәарақәа рышьақәыргылара иацхраарц Аахыҵ Кавказ акраамҭатәи аҭынчреи аҭышәынтәалареи реиҿкаара хықәкыс иҟаҵаны.

Аԥсуа дипломатцәа иазгәарҭоит ақырҭуа ган Женеватәи аиҿцәажәарақәа рҳәаақәа ирҭагӡаны аполитикатә ҭахра аарԥшны рконструктивтә позициа иқәныҟәар шрыхәҭоу. Избанзар аиҿцәажәарақәа рлахәылацәа зегьы ззыԥшу Қырҭтәыла аконструктивтә хымҩаԥгашьа ауп.

6