Аҭоурых аҿахәы зҳәо аҩнқәа: Саида Жьиԥҳа Sputnik аҿы лышәҟәы ӡырылгеит

93
(ирҿыцуп 19:40 15.07.2021)
Саида Жьиԥҳа лышәҟәы-альбом "Ицәажәо аҭыӡқәа" рызкуп иахьа уажәраанӡа иеиқәханы иҟоу ажәытә аԥсуа ҩнқәа.

АҞӘА, ԥхынгәы 15 – Sputnik, Асмаҭ Ҵәыџьԥҳа. Ажурналист, Sputnik автор Саида Жьиԥҳа лышәҟәы-альбом аӡыргара мҩаԥысит Sputnik Аԥсны апресс-центр аҿы ԥхынгәы 15 рзы.

Альбом иагәылоуп иахьа уажәраанӡа еиқәханы иҟоу ажәытә аԥсуа ҩнқәеи акәасқьақәеи рфотосахьақәа. Урҭ рахьтә иҟоуп еиҳа еиӷьны еиқәхази, аужәра зхыҵәои, аилаҳара иаҿуи.

Саида Жьиԥҳа лажәақәа рыла, ари ашәҟәы аԥҵара машәыршәа иҟамлеит. Ҵыԥх Ҭырқәтәыла даныҟаз Аԥсны ахаан иҟамыз аԥсуа бырг Аҳмеҭ Ашәымхәеи лареи еибадырит. Иара иҭоурыхтә ԥсадгьыл анхашьа-анҵышьа иазкыз азҵаарақәа лыҭо, амҳаџьырра ҟалаанӡа аԥсуаа рынхара-рынҵыра атәы уазҳәо акыр еиқәханы иҟоума ҳәагьы длазҵааит. Убри ашьҭахь ауп ларгьы аԥсуа ҩнқәеи акәасқьақәеи рҭагылазаашьеи рҭоурыхқәеи ҭылҵаарц ахшыҩҵак анлызцәырҵ. 

Шықәсыбжак иалагӡаны ашәҟәы автор еизылгеит аԥсуа шҭақәа 70 рфотосахьақәа, аха альбом иагәылалеит зыԥшәмацәа рҭоурыхи ианыргылаз арыцхәқәеи лзеилкааз 52 ҩны, егьырҭ аҩнқәа амаӡа шырхаԥаз иаанхеит, урҭ рыԥшәмацәа акыр шықәса раԥхьа рыԥсҭазаарақәа ирылҵит, рҭынхацәа азусҭцәоу ҳәа аӡәгьы дылзымԥшааит.

© Sputnik / Леон Адлейба
Аҭоурых аҿахәы зҳәо аҩнқәа: Саида Жьиԥҳа Sputnik аҿы лышәҟәы ӡырылгеит

Реиҳарак аҩнқәа 100 шықәса ирҭысхьеит, 200 шықәса рҟынӡа зхыҵуагьы ыҟоуп. Саида лажәақәа рыла, урҭ реиҳарак акыр иажәуп, аха аԥшәмацәа еиқәдырхарц иаҿуп, иахьа уажәраанӡагьы изыҩнақәоугьы ыҟоуп. 

"Ари альбом ала сара исҳәар сҭахуп аԥсуаа аҩныргылараҿы агьама ҳаракы шрымаз. Уи азы ахаҳә, амҿы рхархәашьа рдыруан, иаашьаӡомызт", - лҳәеит автор.

Жьиԥҳа альбом ахьӡ "Ицәажәо аҭыӡқәа" ҳәа алҭеит, избанзар ҩныцыԥхьаӡа иамоуп иара ахатәы ҭоурых, уи анкьа изтәыз аԥшәмацәа реиҳараҩык агәаҟра дуқәа рхыргахьан, амҳаџьырра зхыганы ихынҳәыз, 1930-тәи ашықәсқәа раан иахыгаз, Аџьынџьтәылатәи еибашьра Ду аан иҭахазгьы.

"Уажәы аӡәгьы дызхым арҭ ажәытә ҩнқәа уанрыхәаԥшуа, угәы хьаак ыҵалоит. Снапы аҭӡы ианадыскылалак, уи агәынқьбжьы саҳауазшәа сгәы иабон, уи иахнагахьаз ахьаа сныруан", - лҳәеит автор.

Альбом ҩуп аԥсышәала, урысшәала, ҭырқәшәала. Аҭырқәшәахь еиҭеигеит Октаи Ҷкотуа. Иара иазгәеиҭеит иахьа еиқәханы иҟоу ажәытә аԥсуа ҩнқәа культуратә ҭынхақәак раҳасабала ишрызнеитәу, ишреиҷаҳатәу, аха уажәазы урҭ иақәнагоу ахылаԥшра шрымам.

Альбом редакторс дамоуп ажурналист Елеонора Коӷониаԥҳа. Лара лажәақәа рыла, арҭ рҩызцәа аргыларақәа рыла Аԥсны жәытәаахыс изызҿлымҳаз архитектуратә стильқәа ҭуҵаар ауеит. 

"Арҭ аҩнқәа ҳҵасқәа-ҳқьабзқәа, ҳкультура, ҳасасдкылашьа зегь аадырԥшуеит, оумашәа иубартә иҟоуп аԥсуаа рыҩнқәа рҿы асасцәа ҷыдала ауадақәа шырзалырхуаз", - лҳәеит лара.

Коӷониаԥҳа лгәаанагарала, ажәытә ҩнқәа атуристцәагьы зҭааша ҭыԥқәаны иҟалар ауан.

93

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи

Ермантәылеи Азербаиџьани реинышәара аилагаразы ахара рыдибаҵоит

1
(ирҿыцуп 09:30 29.07.2021)
Лаҵара 12 азы акраамҭатәи аҭышәынтәалара ашьҭахь Ермантәылеи Азербаиџьани реизыҟазаашьақәа рыҽдырцәгьеит.

АҞӘА, ԥхынгәы 29 - Sputnik. Ермантәыла атәылахьчара аминистрра аҳәамҭа ҟанаҵеит азербаиџьантәи ар аԥшьаша ауыха аерманцәа рпозициақәа ирылахысуан ҳәа. Абри атәы аанацҳауеит РИА Новости.

"Ԥхынгәы 29 асааҭ 03.00 (02.00 мск) азы аҳәаа гегаркунитәи аучасток аҿы азербаиџьантәи аруаа аиқәшаҳаҭра еилаганы апровокациақәа ирылагеит, аерманцәа рпозициақәа иреихсуан. Аерман ган аҭак ашьҭахь ахымца аанкылан. Асааҭ 07.00 (06.00 мск) рзы иҭынчроуп", - аҳәоит атәылахьчаратә усбарҭа адырраҿы.

Уаанӡа Азербаиџьан атәылахьчара аминистрра аҳәамҭа ҟанаҵахьан Ермантәыла аиқәшаҳаҭра еиланагеит ҳәа.

Ахаша Ереван адырра ҟанаҵеит аҳәааҿы аҭыԥ змаз аиҿахысраан хҩык ҭахеит хәҩык ахәрақәа роуит ҳәа.

Анаҩс Еревани Бақәеи ишьақәдырӷәӷәеит ахымца шааныркыло.

1