Аҟәа араион "Амшынеиқәафымцамч" аҿаԥхьа иақәу ауал 40 миллион еиҳауп

15
(ирҿыцуп 09:21 17.07.2021)
Аслан Бжьаниа идҵала ахада иусбарҭа аиҳабы Алхас Кәыҵниа изакәанымкәа амаининг ахархәара азҵаарақәа ирызку аилацәажәара мҩаԥигеит Аҟәа араион аҿы.

АҞӘА, ԥхынгәы 17 – Sputnik. Аҵыхәтәантәи ԥшьышықәса рзы Аҟәа араион афымцамч ахә азы иақәу ауал 40 миллион еиҳауп, абри атәы иҳәеит "Амшынеиқәафымцамч" араионтә ҟәша аиҳабы Даур Ҷыҭанаа. Абри атәы аанацҳауеит аинформациатә маҵзура Аԥсныпресс.

Иара иажәақәа рыла, арҭ арбагақәа аҵыхәтәанӡа иҭҵаам, избанзар афымца ахархәаҩцәа реиҳараҩык афымцамчԥхьаӡагақәа рзықәгылам, уи иахҟьаны ирзыԥхьаӡом шаҟа афымцамч нырхызи, атрансформаторқәа ироуз ақәыӷәӷәареи, иара убас закәаншьаҭада афымцацәаҳәақәа ирҿаԥшьу амаинингқәа шаҟа рхы иадырхәази.

Ҷыҭанаа иазгәеиҭеит, Аҟәа ӡыла еиқәзыршәо аӡыҭгагақәа рахь ишынашьҭу Аҟәа араион иахыԥхьаӡалоу афидер. Уи ахархәара еизҳаит - 2019 шықәсазы аӡыҭгага 2,5-3 мегаватт-сааҭ ахархәара амазҭгьы, иахьазы иннахуеит 5 мегаватт-сааҭ.

Аҟәа араион ахада Алхас Ҷыҭанаа иажәақәа рыла, араион иақәу ауал еиҳарак зыхҟьаз закәаншьаҭада акриптовалиута арҳаразы амаининг-хархәагақәа афымцацәаҳәақәа иахьырԥыршьыз шакәу. Иҳәеит, изакәанымкәа акриптовалиута амаининг ахылаԥшра азҵаара иазкны иаԥҵаз аоперативтә штаб аусура аамҭазы иԥшааны иаҿыхын 75 маининг-ферма ҳәа. Дара реиҳарак ықәгоуп. Уи аамҭазы дара ирылшеит араион аҟны афымца ахәархәара аиҵатәра.

"Иаҳҭаху арбагақәа ҳаурц азы есҽны аус ааулароуп. Ас ианца, иаарласны афымцамч азымхара ҳныԥшуеит", - иҳәеит Ҷыҭанаа.

Аилатәара иалахәын аԥыза-министр актәи ихаҭыԥуаҩ, ақыҭанхамҩа аминистр Беслан Џьопуеи ашәахтәқәеи аизгақәеи рминистр Џьансыхә Нанбеи.

Иара убас шәаԥхьар ҟалоит:

15

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

9
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

9

Аԥсны ААР "ампыҵахалара ахыхраз" Қырҭтәыла арезолиуциа апроект ахҳәаа анаҭеит

5
Ампыҵахалара ахыхрази аурыс-ақырҭуа еимак ҭынчмҩала аҭышәныртәаларази арезолиуциа уаанӡа, нанҳәа 2 рзы иалацәажәеит Қырҭтәыла Апарламент азинтә зҵаарақәа реилак аҿы.

АҞӘА, нанҳәа 3 - Sputnik. Аԥсны Адәныҟатәи аусқәа рминистрра "ампыҵахалара ахыхрази" аурыс-ақырҭуа еимак ҭынчмҩала аҭышәныртәаларази арезолиуциа "аԥсҭазаара иаҟәыгоу, аԥсуа-ақырҭуа еиҿагылара амзыз еиҭазкуа" акоуп ҳәа азгәанаҭеит. Абри атәы кьыԥхьуп аусбарҭа асаит аҿы.

Аԥсны ААР адырра ала, Қырҭтәыла иаднакылаз адокумент аҿы Урыстәылатәи Афедерациахь ааԥхьара ҟанаҵоит Аԥсни Аахыҵ Уаԥстәылеи "ампыҵахалара рхыхраз", иазхаҵоу рхьыԥшымра мап ацәнакырц, иара убасгьы аетникатә ҟазшьала ауаа еилырымхларц, Женеватәи аиҿцәажәарақәа рҟны аконструктивтә ҟазшьала ахы мҩаԥнагаларц азы ҳәа.

Аусбарҭаҿ иазгәарҭеит 1992 шықәсазы Аԥсны аибашьра алагаразы аҭакԥхықәра зду Қырҭтәыла шакәу, иара убас, Аахыҵ Уаԥстәыла 2008 шықәсазы аҭыԥ змаз ахҭысқәа рызгьы ахара дара ишрыду.

"Иазгәаҭатәуп Қырҭтәыла амчрақәа ишырҭаху аԥсуа-ақырҭуа еимак аурыс-ақырҭуа еимак акәушәа ауаа дырбара, аха уи изаҟаразаалак ҵаҵӷәык амам. Иззыҟарҵогьы аҭакԥхықәра рҽацәхьакны ахара ирыду мап ацәыркырц ауп", - ҳәа аҳәоит ареспублика адәныҟаполитикатә усбарҭа ахҳәааҿы.

Аԥсны адәныҟатәи аусқәа рминистрра Женеватәи аиҿцәажәарақәа ирлахәылоу жәларбжьаратәи абжьаҟазацәа рахь ааԥхьара ҟанаҵоит 1992–1993 шықәсқәеи 2008 шықәсеи рзы Қырҭтәыла ахымҩаԥгашьа цәгьоуроуп ҳәа иршьарц, Аԥсни Қырҭтәылеи рыбжьара амч ахамырхәаразы аиқәшаҳаҭра анапаҵаҩра иацхраарц.

Аусбарҭа иара убасгьы ааԥхьара ҟанаҵоит Аҟәеи Қарҭи рыбжьара еиҟароу аҳәынҭқаррабжьаратә еиҿцәажәарақәа рышьақәыргылара иацхраарц Аахыҵ Кавказ акраамҭатәи аҭынчреи аҭышәынтәалареи реиҿкаара хықәкыс иҟаҵаны.

Аԥсуа дипломатцәа иазгәарҭоит ақырҭуа ган Женеватәи аиҿцәажәарақәа рҳәаақәа ирҭагӡаны аполитикатә ҭахра аарԥшны рконструктивтә позициа иқәныҟәар шрыхәҭоу. Избанзар аиҿцәажәарақәа рлахәылацәа зегьы ззыԥшу Қырҭтәыла аконструктивтә хымҩаԥгашьа ауп.

5