Гәдоуҭатәи аковидтә госпиталь аҟны аҿкы змоу рзы даҽа ҟәшак аартхоит

74
(ирҿыцуп 13:08 17.07.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 19778-ҩык ыҟоуп, ргәы бзиахеит 16078-ҩык, рыԥсҭазаара иалҵит 275-ҩык.

АҞӘА, ԥхынгәы 17 – Sputnik. COVID-19 змоу апациентцәа рзы Гәдоуҭатәи аковидтә госпиталь аҟны даҽа ҟәшак аартхоит, абри аҩыза аӡбамҭа рыдыркылеит Аԥсны агәабзиарахьчара аминистр Едуард Быҭәбеи ахәшәтәырҭа аҳақьым хада Ҳаџьараҭ Шамбеи реилацәажәара ашьҭахь. Абри атәы аанацҳауеит аминистрра апресс-маҵзура.

Иазгәаҭоуп, Гәдоуҭатәи ахәшәтәырҭахь ишынашьҭу ихарҭәаау амедицинатә гәыԥқәа, ахәшәтәырҭатә палатақәеи апроцедуратә уадақәеи рҟны иаарласны аҳауаҭышәныртәалагақәа (кондиционер-аред.) ықәыргылахоит.

Агәабзиарахьчара аминистр иажәақәа рыла, Гәудоуҭатәи аковид госпиталь ҭәыр, аҿкы зыдбалоу рзы аҟәшақәа аартхоит Аҟәатәи амедусҳәарҭақәа рҟны.

Быҭәба иҳәеит, есҽны аепидҭагылазаашьа зеиԥшроу Атәыла ахадеи, аԥыза-министри рахь ишынаицҳауа.

"Акоординациатә штаб аус ауеит, иаарласны еиуеиԥшым азҵаарақәа рыӡбоит", - иҳәеит Быҭәба.

Аԥсны акоронавирустә инфекциа аизҳара шыҟало убартә иҟан, избанзар ауааԥсыра аҽыхьчаратә ԥҟарақәа ирықәныҟәомызт иҳәеит Аԥсны агәабзиарахьчара аминистр Едуард Быҭәба.

Быҭәба иара убас иазгәеиҭеит, ахәшәтәырҭақәа ирыдҵаало аԥсшьаҩцәа рхыԥхьаӡара ишазҳауа. Аԥсны агәабзиарахьчара аминистрреи Краснодартәи атәылаҿацә агәабзиарахьчара аминистрреи реиқәшаҳаҭрала, арҭ апациентцәа рыхәшәтәразы Урыстәылаҟа рышьҭразы аҭагылазаашьа аԥырҵеит.

Быҭәба иҳәеит аҵәыҵәри астанциа Очамчыратәи араионтә хәшәтәырҭа аҿы ишьақәдыргылеит, иара убас иаартхоит Гагратәи ахәшәтәырҭаҿгьы ҳәа.

74

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи