Аслан Бжьаниа аԥсылманцәа Кәырбан-Баирам ныҳәа рыдиныҳәалеит

16
(ирҿыцуп 11:13 20.07.2021)
Кәырбанныҳәа, мамзаргьы Ид аль-Адха — аԥсылманцәа рныҳәақәа ируакуп, аҳаџьныҟәара хнаркәшоит. Сынтәа аныҳәамш ақәшәеит ԥхынгәы 20, ҳтәылаҟны иԥсшьарамшны ирылаҳәоуп.

АҞӘА, ԥхынгәы 20- Sputnik. Аслан Бжьаниа Аԥсны иқәынхо аԥсылманцәа Кәырбан-Баирам ныҳәа рыдиныҳәалеит. Абри атәы аанацҳауеит атәыла ахада ипресс-маҵзура.

Атәыла ахада иазгәеиҭеит Аԥсны Аҳәынҭқарраҟны иҟоу аԥсылман уаажәларра агәыҳалалратә усура ду шымҩаԥнаго, ҳтәыла асоциалтә, аҵараиуратә, арккаратә аԥшьгарақәа рынагӡара хшыҩзышьҭра шарҭо.

"Ареспубликаҟны ачымазараҿкы COVID-19 алаҵәара ианалага, ҳџьынџьуаа-аԥсылманцәа аиашьаратә цхыраара ду ҟарҵеит хыԥхьаӡара рацәала ахәшәқәа, хаҭалатәи ахыхьчагатә хархәагақәа рыла. Ас еиԥш ацхыраара аҳәынҭқарратәи ауаажәларратәи еиҿкаарақәа русеицура, амилаҭбжьаратә, адинбжьаратә еизыҟазаашьақәа рыҿиара иацхраауеит, иара убас адинтә еинымшәареи аекстремизми ирҿагылоит", - аҳәоит адныҳәалараҟны.

Аслан Бжьаниа Аԥсны аԥсылманцәа, иара убас аԥсылман тәылақәа рыҟнеиԥш, иахьакәзаалак адунеи иқәынхо ҳџьынџьуаа зегьы ирзеиӷьеишьеит агәабзиара, ахирра, аныҳәа лаша алԥха.

Кәырбанныҳәа, мамзаргьы Ид аль-Адха — аԥсылманцәа рныҳәақәа ируакуп, аҳаџьныҟәара хнаркәшоит. Аҳаџь - аԥсылманра ахәбатәи ашьаҭоуп. Кәырбан-Баирам аныҳәа акәзар, зуль-хиджа амза а-10-тәи амш (аԥсылманцәа рымзар ала а-12-тәи амза) ауп иаанаго.

16

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

5
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

5

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10