Капельницы

Акоронавирус "дельта" штамм зыхьны қарҭтәи ахәшәтәырҭаҿы ишьҭаз аӡҟы иԥсҭазаара далҵит

59
(ирҿыцуп 15:57 20.07.2021)
Очамчыра араион Мықә ақыҭантәи аӡҟы Костров Лукиан акоронавирус аҽкчымазара "дельта" штамм шихьыз шьақәдырӷәӷәеит аҳақьымцәа.

АҞӘА, ԥхынгәы 20 - Sputnik, Бадри Есиава. Акоронавирус "дельта" штамм зыхьны қарҭтәи ахәшәтәырҭаҿы ишьҭаз Аԥснынтәи аӡҟы иԥсҭазаара далҵит, абри атәы Sputnik акорреспондент изеиҭалҳәеит агәыҳалалратә фонд "Кьараз" амедицинатә программақәа ирхылаԥшуа Алиса Ҭыҩба.

Лара ишьақәларӷәӷәеит ахәыҷы иан Олесиа Гочарук Мықә ақыҭа дшеиуоу, афонд "Кьараз" хылаԥшра шырнаҭо. Ҩымз раԥхьа ииз Лукиан аҭаацәараҿы  ахԥатәи хәыҷуп, аԥсуа ҳақьымцәа игәарҭеит ахәыҷы инервқәа ирыдҳәалан ауадаҩра шимаз.

"Ахәыҷы аханатә игәабзиара уашәшәыран. Дхәаҽуан, иҟан данҷыркәалкхозгьы. Дышиизашәа шәачатәи ахәшәҭәырҭахь дышьҭын. Шәачантәи дылҩҩан Аԥсныҟа ианыхынҳә аухацәҟьа, имцашоура халеит. Ахәыҷы иаразнак ахәыҷтәы ареспубликатә хәшәтәырҭа дышьҭаҵан, аҳақьымцәа ирылшоз зегь ҟарҵеит Лукиан еиқәырхараз. Аха ахәыҷы еиҳа-еиҳа аицәахара даҿын", - лҳәеит Ҭыҩба.

Лара лажәақәа рыла, Лукиан ирыԥҳақәа анҭырх ашьҭахь ирбеит ахәыҷы ирԥҳақәа ааха ӷәӷәаны ишроухьаз. Анаҩс ахәыҷы иангьы иаргьы акоронавирус азын ПЦР- атестқәа иргаз ишьақәдырӷәӷәеит ачымазараҿкы шрымз. Ареспубликатә хәыҷтәы хәшәтәырҭаҿы аинфекциатә ҟәша злаҟым ала, азҵаара шьҭыҵит иаарласны даҽаџьара диагатәуп ацхыраара ахьиоуа ҳәа.

Ҭыҩба ишазгәалҭаз ала, зегь еицхыраан ахәыҷы дрышьҭит Цицишвили ихьӡ зху қарҭтәи ахәыҷтәы клиникахь.

"Ахәыҷы иан аҭел дасны исалҳәеит, лхәыҷы иҭагылазаашьа шеицәахаз. Иаха игәы аусура иаҟәыҵит. Аҳақьымцәа ирылшеит игәы аус арура, аха изҷаҷак аангылеит, уи иахҟьаны ахәыҷы иԥсҭазаара далҵит", - лҳәеит Ҭыҩба.

Уажә азын ахәыҷы иан ашәҟәқәа реизгара даҿуп Аԥсныҟа ахынҳәразы, Ҭыҩба ишазгәалҭаз ала, дара уаха Егры иҟалоит 21:00 сааҭ рзы аҳәаа анарку аамҭаз. АШәМ аҟны Ҭыҩба дақәдыргәыӷит ицәырҵыз ауадаҩрақәа рыӡбараҿ ацхыраара шлырҭо.

59

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

3
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

3

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10