Аԥсны афымцалашара закәаншьаҭада ахархәараз ахараԥса ҩ-миллионк иреиҳахеит

23
(ирҿыцуп 16:38 21.07.2021)
Сынтәа, хәажәкырамзазы апарламентарицәа идырӷәӷәеит ареспублика аҵакыраҿы закәаншьаҭада афымцалашара ахархәаразы ахара.

АҞӘА, ԥхынгәы 21 – Sputnik, Асмаҭ Ҵәыџьԥҳа. Иахьатәи аамҭазы илҩаау ахараԥса ахышәаҵышәа 2 400 000 мааҭ артәоит ҳәа еиҭалҳәеит абрифинг аҿы аԥыза-министр ихаҭыԥуаҩ, аекономика аминистр Кристина Озган.

Озган иазгәалҭеит Аҳазалхратә еилакы адыррақәа рыла акриптовалиута аиураз ахархәагақәа атәыла алагалара азин ааныркылаанӡа атәылахь ишааргахьаз 66 852 аппарат, ареспублика ишалго 23 314 цыра, ауаа ишрылго – 3 300 цыра, аӡбарҭахь 87 нашьҭуп, ирыдыркылахьеит 20 ӡбамҭа.

Аус зуа аԥсуа закәанԥҵара инақәыршәаны закәаншьаҭада афымцалашара ахархәаразы административтә хараԥса рықәырҵоит атәылауаа, анаплакыҩцәа, аиурист хаҿқәа киловат сааҭк азы иреиҵоу 20 улафахәы рынаӡарала. Амаҵзурауаа – киловат сааҭк азы иреиҵоу 1000 улафахәы рынаӡарала. (МРОТ 60 мааҭ артәоит– аред.)

Аԥыза-министр ихаҭыԥуаҩ, аекономика аминистр Кристина Озган иазгәалҭеит ииасыз ашықәс иаҿырԥшны бжьаратәла ҩ-миллион киловатт сааҭ рыла ахархәара шеиҳау. Аминистр илҳәеит ахархәара 1,5 миллион киловатт сааҭ рыла ишыларҟәтәу.

"Иуадаҩу аҿагыларатә усурақәа мҩаԥаагоит. Ахада ҷыдала аус хылаԥшра аиҭоит. Ԥхынгәы 4 аахыс алаҟәра иаҿуп. Ф-миллионк рҟынтәи миллион киловатт-сааҭ рҟны ҳнеиит. Аҭагылазаашьа зны ихалоит, зны илаҟәуеит", - лҳәоит лара.

Аԥсны акриптовалиута арҳареи уи азы ахархәагақәа ралагалареи рзин аанкылоуп 2022 шықәса хәажәкыра 31 рҟынӡа. Аӡбамҭа рыдкылан Аԥсны афымцамч ахархәара ахьацлацәаз иахҟьаны.

23
Атемақәа:
Аԥсны аенергетика апроблемақәа (271)

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

5
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

5

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

10
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

10