ЛЭП

Кристина Озган "Аҽгәара" аремонт аамҭа изахыгоу лҳәеит

12
(ирҿыцуп 09:46 22.07.2021)
Авольтҳарак цәаҳәа "Аҽгәара" аремонт азы иреиӷьыз аамҭан ЕгрыГЕС анаанкылаз, аусурақәа лаҵара 1 азы ихыркәшазар акәын.

АҞӘА, ԥхынгәы 22 – Sputnik, Асмаҭ Ҵәыџьԥҳа. Авольтҳарак цәаҳәа "Аҽгәара" аремонт иалагам аиҭашьақәыргыларатә усурақәа рысхема ахьеиҭаку азы, абри атәы лҳәеит аԥыза-министр ихаҭыԥуаҩ, аекономика аминистр Кристина Озган абрифинг аҿы.

Лара лажәаәқа рыла 2020 шықәсазы аԥсуа ган Урыстәылантә афинанстә цхыраара иаҳәеит.

Авольтҳарак цәаҳәа "Аҽгәара" аремонт азы иреиӷьыз аамҭан ЕгрыГЕС анаанкылаз, аусурақәа лаҵара 1 азыихыркәшазар акәын.

"Мҽхакы ҭбаала ашьаҟақәа реиҭашьақәыргылара азыԥхьагәанаҭом иарбоу акапиталтә ремонт. Ацәаҳәақәа аазышьҭуаз иҵәахырҭақәа рҿы ишьҭаз ҳҭахрақәа ирықәшәомызт. Урыстәылатәи аҟазауаагьы ааны иҟан, дара иҳабжьрымгеит арҭ ацәаҳәақәа рхархәара. Апроблемақәа рҽырцәыхьчаразы азеиԥш схема аус адуылан. Уи инақәыршәаны ҩымз аамҭа ҳҭахын. Уажәы амыругақәа зегьы аагоуп уҳәар ауеит. Жәамш рыҩныҵҟала аремонттә усурақәа ҳрылагоит. Аусурақәа зегьы ахылаԥшреи абжьгарақәеи рнапы иануп урыстәылатәи аган", - лҳәеит аминистр.

Аремонт аԥаразоужьра ахыҵхырҭа – Аинвестпрограмма ауп. Аматериал аахәара 106 миллион мааҭ агеит. "Амшынеиқәафымцамч" ахарџьқәа идыртәеит 16 миллион мааҭ. Аԥарақәа арахь ииагоуп Дранда идыргылараны иҟоу абахҭа апроект-сметатә шәҟәқәа реиқәыршәара иазырхаз аҟынтә.

"Дранда идыргылараны иҟоу апенитенциартә усҳәарҭа апроект-сметатә шәҟәқәа реиқәыршәара аан иарбамызт аргыларатә усурақәа рԥаразоужьра ахыҵхырҭа (2,5 миллиард мааҭ). Афинанстә хыҵхырҭа ыҟамкәа ари апроект лҵшәадан. Убри азы аԥарақәа еихаҳшеит. Аԥара ахыҵхырҭа шышьақәыргылахалак аҩахҭа аргыларазы аплан Аинвестпрограмма иазырхынҳәхоит", -  лҳәеит Озган.

Аҽгәаратәи ацәаҳәа ргылан 1956 шықәсазы, аушьҭратә лшара 240 мегаватт ыҟоуп. Ажәытә цәаҳәақәа аҿыцқәа рыла аԥсахра ашьҭахь 320 мегаватт ихалартә иҟалоит.

12
Атемақәа:
Аԥсны аенергетика апроблемақәа (271)

Урыстәылатәи аспелеологцәа Веревкин иҳаԥаҿы ахаҵа иԥсыбаҩ рбеит

3
(ирҿыцуп 09:32 05.08.2021)
Урыстәылатәи аспелеологцәа ргәаанагарала Веревкин иҳаԥаҿыарыцҳара ҟалазар ҟалоит 2020 шықәса аԥхын ма ҭагалан.

АҞӘА, нанҳәа 5 – Sputnik, Бадри Есиава. Урыстәылатәи аспелеологцәа Аԥсны иҟоу Веревкин иҳаԥаҿы ахаҵа иԥсыбаҩ рбеит 1100 метра алаҟәыраҿы, абри атәы Sputnik иазеиҭеиҳәеит Урыстәыла аспелеологцәа Реидгыла анапхгара алахәыла Евгени Снедков.

"Нанҳәа 3, асааҭ 4:00 азы Москва, Перовсктәи аклуб аспелеологцәа ргәыԥ, 30 шықәса инарзынаԥшуа Веревкин иҳаԥаҿы аусурақәа мҩаԥызго, атурист иԥсыбаҩ рбеит. Аԥхьа аҭаларҭатә ҵеиџь ахықәаҿ ашаха рбеит, маҭәақәакгьы. Анаҩс 1100 метра алаҟәыраҿ ауаҩы иԥсыбаҩ кнаҳан", - иҳәеит иара.

Снедков иажәақәа рыла иҭахаз дыштуристыз еилкаахеит, избанзар аҳаԥы амаршрут ауадаҩра иақәшәомызт ихархәагақәа. Иҟалоит иара аԥышәеи амчи изымхазар. Уи адагьы асеиԥш иҟоу аҳаԥқәа аӡәы ихала аҭалара ашәарҭадара атехника еиланагоит. Иара ихаҭара шьықәзыргылаша ҳәа аспелеологцәа акгьы рзымԥшааит.

Урыстәылатәи аспелеологцәа ргәаанагарала Веревкин иҳаԥаҿы арыцҳара ҟалазар ҟалоит 2020 шықәса аԥхын ма ҭагалан.

Аспелеологцәа реидгыла Аԥсны АҶА ахь адырра ҟарҵеит.

"Идокументқәеи игәакьацәеи ԥшаатәуп. Иҟаҵатәу дара ирҳәароуп. Асеиԥш аан аԥсыбаҩ аҭгара рҽазыршәоит аха ариаҟара аҵаҟынтә уи уадаҩуп. 50 – 100-ҩык рҟынӡа аспелеологцәа аҭахуп. Аҳаԥаҿы ишәарҭоу аҭыԥқәа ыҟоуп",- иҳәоит Снедков.

Иара иҳәеит Аԥсныҟа амҩа ишықәло аспелеологцәа Реидгылаҟынтә уи азы аҳәара ҟаҵахар.

2020 шықәса нанҳәамзазы Арбаика аҳаԥаҿы дҭахеит аспелеолог Павел Демидов. Иԥсыбаҩ 300 метра рҟынтә ихагалан.
Веревкин иҳаԥы адунеи аҿы реиҳа иҵаулоу ҳәа иԥхьаӡоуп. 2018 шықәсазы урыстәылатәи аспелеологцәа 2212 метра илбааит.

3

Аԥсны акоронавирус зланы зыԥсҭазаара иалҵыз 320-ҩык рҟынӡа инаӡеит

16
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22642-ҩык ыҟоуп, ргәы бзиахеит 18189-ҩык, рыԥсҭазаара иалҵит 320-ҩык.

АҞӘА, нанҳәа 4 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 392-ҩык атестқәа рзыҟаҵан, урҭ рахьтә 98-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы рыԥсҭазаара иалҵит ԥшьҩык: 76 шықәсеи 80 шықәсеи зхыҵуаз ҩыџьа аҳәсеи,  42 шықәсеи 83 шықәсеи зхыҵуаз ҩыџьа ахацәеи.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 178-ҩык, рҭагылазаашьа бааԥсуп 41-ы, ибжьаратәуп - 51-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 44-ҩык апациентцәа, урҭ рахьтә 17-ҩык рҭагылазаашьа уадаҩуп. Очамчыра ирхәшәтәуеит 24-ҩык. Гагратәи ахәшәтәырҭаҿы - 47-ҩык, урҭ рахьтә 12-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 13-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

16
Атемақәа:
Аҿкычымазара – акоронавирус Аԥсни адунеи аҿи: иалкаау

WhatsApp афункциа ҿыц аусура иалагоит

2
(ирҿыцуп 10:10 05.08.2021)
Аопциа ҿыц асмартфонқәа рҿы ахархәара алшо иҟалоит WhatsApp амессенџьер шааиҭарыцхалак.

АҞӘА, нанҳәа 5 - Sputnik. WhatsApp зҽызҵәахуа афотоқәеи авидеоқәеи рынашьҭра афункциа аартхоит ҳәа рҳәеит аилахәыра ахаҭарнакцәа.

Ахархәаҩцәа рфотосахьақәеи авидеоқәеи рышьҭлар алшоит аопциа "Знык ахәаԥшра" ацхыраарала. Афотосахьақәеи авидеоқәеи знык урыхәаԥшуеит нас ианыҵуеит.

Ари аҩыза афункциа аус ауеит Instagram аҿы: изауа акнопка дақәыӷәӷәоит, асахьа ма авидео ибоит, уи анаҩс урҭ ықәҵуеит.

WhatsApp аҿы ирҳәом ари ишаанамго изауыз скринрекордер ала аҭаҩра илшом ҳәа.

2