Аекономика аминистр Аинвестпрограмма 2020-2022 шымҩаԥысуа атәы далацәажәеит

13
(ирҿыцуп 11:25 22.07.2021)
Аԥсны асоциал-економикатә цхырааразы Аинвестициатә программа 2020-2022 азеиԥш ԥаразоужьра 4 миллиард мааҭк артәоит.

АҞӘА, ԥхынгәы 22 – Sputnik, Асмаҭ Ҵәыџьԥҳа. Аԥсны асоциал-економикатә цхырааразы Аинвестициатә программа 2020-2022 аҳәаақәа ирҭагӡоу 2021 шықәсазтәи аԥаразоужьра алимит 1 350 000 мааҭ ыҟоуп, лҳәеит аԥыза-министр ихаҭыԥуаҩ, аекономика аминистр Кристина Озган.

Озган лажәақәа рыла арҭ аԥарақәа рҟынтәи ахархәара рырҭахьеит 226 миллион мааҭ. 2021 шықәсазы  44 уснагӡатә азыԥхьагәаҭоуп, урҭ рҟынтәи быжь-хыбрак егьырҭ ашықәсқәа рҟынтәи ииасыз роуп, 37 уснагӡатә аҳәынҭқарратә експертиза иахыгоуп, 35 хбра рганахь ала аҳәынҭқарратә еилаӡара еиҿкаауп, ҩба рзы аилаӡара анапаҵаҩразы ашәҟәқәа азырхиоуп.

"Апрограмма-2021 аус адулара ҳалагоит. Ҳақәгәыӷуеит ԥхьаҟа акы аиагара ҳақәшәарым ҳәа, избанзар Аиҳабырабжьаратә комиссиа аӡбрала, ацәынхақәа ыҟҟазар, нас урыстәылатәи аган аихшара азин амоуп", - лҳәеит аминистр.

Аминистр иазгәалҭеит аматериалқәа рыхәԥсақәа реиҭакра азҵаара ҵарны иқәгылоуп.

"Иныҭкаау анализ ҟаҳҵеит, Акапиталтә ргыларазы аусбарҭа рысметатә хәыԥса аиҭакраз аԥхьаӡарақәа мҩаԥнагеит. Урыстәылатәи аган азинмчра змоу аусбарҭақәеи ҳареи абжьгара еилацәажәарақәа мҩаԥаагеит. Иҟалоит аусурақәа рымҩаԥгараан аекспертизақәа еиҭамҩаԥгатәхар. Уи азыԥхьагәаҳҭоит избанзар аҵыхәтәантәи аамҭазы иҟалаз ахәқәа рышьҭыҵра ахәԥса еиҭанакыр алшоит", - лҳәеит лара.

Озган Аинвестпрограммала зыргылара иаҿу обиектқәак рҟны аусурақәа шцо азы ахҳәаа ҟалҵеит. Аминистр лажәақәа рыла Тҟәарчалтәи ахәышәтәырҭаҿ аусурақәа ахыркәшарахь инеиит.

Кристина Озган илҳәеит авольтҳарак цәаҳәа "Аҽгәара" аремонт азы аԥарақәа реихыԥсаҟьараан иаанхо Аԥсны газла аиқәыршәара асхема хада (2021-2022 шш.) аиҿкаарахь ииагахар ҟалоит.

""Газпроми"  Миненергои  рахь аҳәара ҟаҳҵеит азинмчра змоу аусбарҭақәа алыркаарц атехникатә дҵа анапаҵаҩразы", - лҳәеит лара.

Аилацәажәарақәа мҩаԥысуеит аҳаирбаӷәаза аԥаразоужьра ахыҵхырҭа ашьақәыргыларазы ҳәа азгәалҭеит аминистр.

"Сынтәа апроект-сметатә шәҟәқәа аиқәыршәаразы аилаӡара ҳадаҳкыларц иҳалшо зегь ҟаҳҵеит. Еиҿкаауп Минтранси Росавиациеи злахәу аусутә гәыԥ. Амҩатә хсаалага еиқәыршәоуп. Уа иарбоуп ихымԥадатәиу аусқәеи аҿҳәарақәеи, аусуразы аҭакԥхықәра здуи", - лҳәеит лара.

Озган лажәақәа рыла аус адулара мҩаԥысуеит Аинвестициатә программа- 2023-2025 аиҿкаашьа, альготатә кредитҭара апрограмма аиҭахацыркра. Аминистр илҳәеит дшақәгәыӷуа ашықәс анҵәамҭазы иалкаау ахырхарҭақәеи урҭ рынагӡашьеи шьақәыргылахап ҳәа.

13
Атемақәа:
Аԥсны аенергетика апроблемақәа (271)

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсуа инхашьа-инҵышьа: иблахкыгоу аетнографиатә парк

9
(ирҿыцуп 21:43 28.07.2021)
Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

Гәдоуҭа араион Мгәыӡырхәа ақыҭан иаарту аетнографиатә парк аҵакырадгьыл аа-гектарк рҟынӡа инаӡоит. Аҭааҩцәа ирбарц рылшоит ажәытәан аԥсуаа рынхашьа-рынҵышьа зеиԥшраз, иахьынхоз рыҩнқәа шеиҿкааз, рхы иадырхәоз амаҭәарқәеи аҩнымаҭәеи, афатә ахьыҟарҵоз.

Апарк аҵакырадгьыл аҟны иҭагылоуп аԥацха, амҳара, акәасқьа, ара аекскурсиақәа мҩаԥыргоит.

Амилаҭтә парк "Аԥсны" аргыларазы мҽхакы ҭбаала аусурақәа хышықәса ицон. Апроект авторс дамоуп анаплакҩы Мзауҷ Ԥлиа, ацхыраара ирҭеит аҵарауаҩ Адгәыр Какоба, асахьаҭыхҩы Баҭал Џьапуа, Аԥсны абџьарҟаҵаҩцәа рхеилак аиҳабы Ҭемыр Ӡиӡариа.

Аԥсны ауааԥсыреи урыстәылтәи аррамаҵзурауааи рзы апарк аҭалара хәыдаԥсадоуп.

Иара убас шәаԥхьар ҟалоит:

 

9
  • © Sputnik / Акоп Кущян

    Ԥхынгәы 27 рзы Гәдоуҭа араион Мгәыӡырхәа ақыҭан иаатит аԥсуа инхашьа -инҵышьа, иԥсҭазаашьа атәы аазырԥшуа амилаҭтә парк "Аԥсны".

  • © Sputnik / Томас Тхайцук

    Аҭааҩцәа араҟа ирбарц рылшоит ажәытәан аԥсуаа рынхарҭақәа зеиԥшрази, рыҩныи-рашҭеи, рхы иадырхәоз амаҭәарқәеи

  • © Sputnik / Томас Тхайцук

    Апарк аҵакырадгьыл аҟны иҭагылоу ахыбрақәа амузеи ҳасабла иҟоуп

  • © Sputnik / Томас Тхайцук

    Аԥсуа милаҭтә маҭәа. Автор Елена Лабахәуа.

  • © Sputnik / Томас Тхайцук

    Ари агара Тҟәарчал амҩаду аҟны иангылан иԥшааит асахьаҭыхҩы Баҭал Џьапуа.

  • © Sputnik / Томас Тхайцук

    Амузеи иҩнагылоу амаҭәарқәа еидкылан шықәсқәак рыла.

  • © Sputnik / Томас Тхайцук

    еиҳарак анхацәа ҳамҭас ирырҭеит

  • © Sputnik / Томас Тхайцук

    Ахыбрақәа рҟны аекскурсиақәа мҩаԥыргоит. Амҩаԥгаҩцәа еиҭарҳәоит аԥсуаа рҵасқәеи, рқьабзқәеи зеиԥшроу

  • © Sputnik / Томас Тхайцук

    Амҳара – ҿыц еибагаз рыҩноуп

  • © Sputnik / Томас Тхайцук

    "Амҳара – ҩны хәыҷуп, иаабац аԥацхеиԥш ишышны аҭыӡқәа шьҭхуп. Уи аҩнду ашьҭахь идыргылон, жәабаҟа-ҩажәаҟа метра иаацәыхараны", – ҳәа иҩуан аҵарауаҩ Шьалуа Инал-иԥа.

  • © Sputnik / Томас Тхайцук

    Амҳара иҩнагылаз аҩнымаҭәа

  • © Sputnik / Томас Тхайцук

    Апарк аҵакырадгьыл аа-гектарк рҟынӡа инаӡоит

  • © Sputnik / Томас Тхайцук

    Аԥсуа иашҭа иаакәыршаны аанда абыц ала ишшуп.

  • © Sputnik / Томас Тхайцук

    Аԥш зҭарыԥсо- аца

  • © Sputnik / Томас Тхайцук

    Мҷышьҭа ахықәаҿы иаарту апарк аҵакырадгьыл иҭагылоу ахыбрақәеи, ирыҩнагылоу амаҭәарқәеи аԥсуареи, ақабзқәеи, аҵасқәеи бзиа избо зегьы азҿлымҳара рзаҵалар алшоит.

  • © Sputnik / Томас Тхайцук

    Аԥсуа иԥацха аиҿкаашьа

  • © Sputnik / Томас Тхайцук

    Апарк аҟны ахыци-ахәымпали рыла ахысшьеи, аҽы ақәтәашьеи ддырҵоит

  • © Sputnik / Томас Тхайцук

    Апарк аҟны аус руеит ажьирҭеи аҳаԥшьаӡратә аҟазарҭеи