Риҵатәи амилаҭтә парк адиректор еиҭеиҳәеит ԥхынгәымзазы атуристцәа заҟаҩ рҭааз

20
(ирҿыцуп 16:27 24.07.2021)
Риҵатәи амилаҭтә парк 2021 шықәса актәи азыбжазы 1996 шықәса абри аамҭа иаҿырԥшны арекорд шьақәнаргылеит ҭаарала.

АҞӘА, ԥхынгәы 23 – Sputnik, Бадри Есиава. Риҵатәи амилаҭтә парк аҭаара еиҳа-еиҳа еиҳахоит, ԥхынгәы иалагазар, 100 000 билеҭ ҭиуп адуцәа рзы, 7000 билеҭ – ахәыҷқәа рзы. Иааидкыланы 35,4 миллион мааҭ рыхәԥсала ҳәа Sputnik иазеиҭеиҳәеит апарк адиректор Адамыр Багаҭелиа.

Иара иажәақәа рыла, 2021 шықәса ажьырныҳәа-ԥхынгәы ирылагӡаны абилеҭқәа рыман апарк иҭалеит 328 000-ҩык адуцәеи 19 000-ҩык ахәыҷқәеи (116,9 миллион мааҭ).

2020 шықәса аковидтә ԥкрақәа ирхырҟьаны асезон ахьыркьаҿыз азы 2019 шықәса иаҿырԥшуп.

Багаҭелиа иажәақәа рыла, 2019 шықәса абри аамҭазы иҭиин адуцәа рзы 150 000 билеҭ, ахәыҷқәа рзы 18 000 билеҭ (54,3 миллион мааҭ).

Риҵатәи амилаҭтә парк 2021 шықәса актәи азыбжазы 1996 шықәса абри аамҭа иаҿырԥшны арекорд шьақәнаргылеит ауаа рҭаарала.

Иара убас шәаԥхьар ҟалоит:

20

Аԥсны асанитартә ҳақьым хада: Қырҭтәылантә аковид Аԥсныҟа иҭаргалоит ҳәа аҳәара ҵаҵӷәыдоуп

7
(ирҿыцуп 19:37 24.09.2021)
Аҵыхәтәантәи адыррақәа рыла Аԥсны акоронавирус зцәа иаланы иаадырԥшыз ауаа рхыԥхьаӡара 27 нызқь иахысуеит. Ргәы бзиахахьеит 22107-ҩык ауааԥсыра, амедицинатә усбарҭақәа рыҟны рыԥсҭазаара иалҵхьеит 410-ҩык.

АҞӘА, цәыббра 24 – Sputnik. Қырҭтәылантә аҿкчымазара Аԥсныҟа иҭаргалоит ҳәа аҳәара ҵаҵӷәыдоуп, лҳәеит арадио Sputnik аинтервиу азҭаз Аԥсны асанитартә ҳақьым хада Лиудмила Скорик.

"Аԥсны мрагыларатәи аҳәааҟны асанитар-карантинтә ҟәша еиҿкааны иҳамоуп. Иара иахәҭоу амедицинатә гәаҭаратә мыругақәа зегь рыла еиқәыршәоуп. Аус ауеит аԥхынра зегьы, аусуҩцәа еиқәыршәоуп антиген азы аекспресс-тестқәа рыла. Хымш инреиҳаны Апсны анҭыҵ иҟаз, аковид шрымам ала ашәҟәы зцым зегьы атестқәа ҟарҵоит", - лҳәеит Скорик.

Иара убасгьы иазгәалҭеит, Қырҭтәылеи Аԥсни рҳәааҟны ауаа рацәа шахысуа, аха уи ишаанамго аҭагылазаашьа цәгьоуп ҳәа.

Аҵыхәтәантәи амзақәа рзы Гал араион аҿкчымазара зыхьуа рхыԥхьаӡара шыҟац иаанхоит иацымлаӡацт, ҳәа азгәалҭоит аҳақьым хада.

"Гал араион иаланхо егьырҭ араионқәа руааԥсыра реиԥш, ауаа рацәа злахәу аԥсрақәа, аиныхрақәа, аҭацаагара зҳәаз реиԥш аусмҩаԥгатәқәа мҩаԥыргоит. Ари иаҳа Аԥсны аепидемиологиатә ҭагылазаашьа ашәарҭара иҭанаргылоит, Гал араион ауааԥсыра Жәыргьыҭ араион раҭаара аасҭа",- лҳәеит Скорик.

Убри аан иазгәалҭеит, Аԥсны ауааԥсыра иҷыдоу амедицинатә цхыраараз Қырҭтәылаҟа ицо рхыԥхьаӡара ишазҳаз.

"COVID-19 аҟынтә зҽацәыхьчатәу Қырҭтәыла аҽыхәшәтәра аҟынтәи ихынхәыз роуп, урҭ ачымазара ахьыҟоу иҟан аҟынтәи иаҳа ашәарҭара рыцзар ауеит", -  лҳәеит лара.

Уаанӡа, Гал араион асанитартә ҳақьым хада инапынҵақәа назыгӡо Георги Қобалиа Sputnik иеиҭаз аинтервиу аҟны иҳәахьан Аԥсни Қырҭтәылеи рҳәааҿ аԥкрақәа рырӷәӷәара шхымԥадатәиу.

7

Қәҭелиа еиҭеиҳәеит раионцыԥхьаӡа шаҟа класс ҽыԥхьакра ишьҭу

4
(ирҿыцуп 18:21 24.09.2021)
Аҿкчымазара иахҟьаны ашколқәа рҟны аҭагылазаашьа зеиԥшроу, раионцыԥхьаӡа заҟа класс хыԥхьакра ишьҭу, абарҭқәа ртәы арадио Sputnik аефир аҟны еиҭеиҳәеит Аҵара аминистрра ауаажәларра рымадараз аинформациатә маҵзура аиҳабы Аслан Қәҭелиа.

Қәҭелиа еиҭеиҳәеит раионцыԥхьаӡа шаҟа класс акарантин ахь ишьҭу атәы
"…Раионла иаҳгозар, Очамчыра -12 класс рынӡа ахьыхьчарахь ишьҭуп, Гал - аҭагылазаашьа иаҳа иҭышәынтәалоуп, акарантинахь ишьҭу аклассқәа ыҟаӡам, Тҟәарчал-9 класск, Гәдоуҭа- школк аркуп, убасгьы араион аҟны хә-класск акарантин ахь ишьҭуп, Аҟәа араион - аҭагылазаашьа ҭышәынтәалоуп, акарантин ахь ишьҭу ҳамаӡам, Гагра араион - х-класск шьҭуп ахыхьчарахь, Аҟәа ақалақь - 11 класс 300 –ҩык инареиҳаны ахыхьчара ишьҭуп, 40-ҩык инареиҳаны иахьазы аковид рыдбалоуп", - иҳәеит Қәҭелиа.

Иаҳа инарҭбааны аицәажәара аудиофаил аҟны.

4