Аԥсны акоронавирус змоу рхыԥхьаӡара ашықәсбжа аҩныҵҟала 100 процентк еиҳахеит

39
(ирҿыцуп 20:20 18.08.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21417-ҩык ыҟоуп, ргәы бзиахеит 17235-ҩык, рыԥсҭазаара иалҵит 299-ҩык.

АҞӘА, ԥхынгәы 28 – Sputnik. Аԥсны акоронавирус змоу рхыԥхьаӡара ажьырныҳәа инаркны ԥхынгәымзанӡа, 117 процент еиҳахеит. Абри атәы ателеканал "Абаза ТВ" иазеиҭеиҳәеит Агәабзиарахьчара аминистр Едуард Быҭәба.

Аминистр иажәақәа рыла ԥхынгәы 21-26 азы мацара ачымазара 24,5% еиҳахеит.

Амедусҳәарҭақәа рҿы астационартә хәышәтәра иахысуеит 323-ҩык. Иара иҳәеит апациентцәа реиҳараҩык аҵәыҵәри иаҵаиазар шакәу.

Аминистр дазааҭгылеит аҳақьымцәа еиԥҟьарада аус шыруа. Иара иажәақәа рыла аковидтә центр аҿы аҳақьымцәа ԥсшьарада аус руеит.

"Уаанӡа урыстәылатәи аҳақьымцәа ҳацхраауан. Уажәы ҳамчқәа еизаҳкыр ауп. Амедусзуҩцәа ракәзар, акыр иааԥсоит. Урҭгьы аҭаацәа рымоуп, ахәыҷқәа рымоуп", - иҳәеит иара.

Быҭәба иазгәеиҭеит амедусҳәарҭақәа рахь иадҵаало зегьы шрыдыркыло, иазгәеиҭеит аԥсшьаҩцәа ракәзар, Аԥсны анҭыҵҟа ҽыхәшәтәра ацара еиҳа ишеиӷьаршьо.

Быҭәба еиҭеиҳәеит аамҭак ала зыхә ҳараку ахәшәқәа апациентцәа ианырзылырҩаауа амшқәа шыҟоу.

"Зыхә ҳараку ахәшәқәа рзылҩаарагьы акритерии амоуп. Уи азҵаара аконсилиум ирыӡбоит. Арҭ ахәшәқәа зауа рсиа ҳамоуп. Астационартә чымазцәа реиԥш амбулатортә пациентцәагьы ҳамоуп. Есыҽны амбулатортә центрқәа ҳаҽрымаадоит. Уаанӡа уахыки-ҽнаки ала 80-ҩык рымаҵ руазар, уажәы урҭ рхыԥхьаӡара  120 инаӡоит", - иҳәеит иара.

Аминистр ахҳәаа аиҭеит акомпиутортә томограф аиԥҟьарагьы. Иҳәеит уи афымцамчхара аиҭакра ишахҟьаз. Уажәазы астабилизаторқәа ықәыргылоуп, урыстәылатәи аҟазауаа агоспиталь аҿы иҟоуп.

Аминистр игәаанагарала ачымазараҿкы аламырҵәаразы акультура-массатә уснагӡатәқәа аанкылатәуп, аџьармыкьақәа русура ԥктәуп, асабрадатә режим алагалатәуп аныҟәымгаразы ахараԥса ацҵаны, 60 шықәса еиҳаны изхыҵуа адистанциаиә усурахь ииагатәуп.

39
Атемақәа:
Аҿкычымазара – акоронавирус Аԥсни адунеи аҿи: иалкаау (1453)

Аԥсны аиҳабыра анхарҭаз аҳәынҭқарратә программа еиҭахәаԥшраны иҟоуп

5
2020 шықәсазы аекономикатә ҭагылазаашьа иахҟьаны ареспубликаҿы аамҭала иаанкылан аҳәынҭпрограммақәа ҩба: "Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәара ", "Анхарҭа-2021".

АҞӘА, цәыббра 23 - Sputnik. Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәараҿ ацхыраара аҟаҵаразы аҳәынҭқарратә программа аформа ҿыц апроект изаамҭанытәиу Аминистрцәа реилазаара аилатәараҿы иахәаԥшраны иҟоуп. Абри атәы аанацҳауеит Аминистрцәа реилазаара асаит.

Цәыббра 22 азы аԥыза-министр Александр Анқәаб аусутә еилацәажәара мҩаԥигеит социалла ихьчам атәылауаа аҳәынҭқарратә цхыраара рыҭара азҵаарақәа рзы.

2019 шықәсазы Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" ирыбзоураны 50 ҭаацәара ацхыраара рыҭан.

Аҳәынҭпрограмма иалахәу акандидатцәа рҟынтә азыҳәақәеи адокументқәеи рыдыркылон 2020, 2021 шықәсқәа рызгьы, аха абиуџьет аԥарақәа аҿкчымазара аԥырҟәҟәара иазырхахеит.

Аусутә еилацәажәараҿы апрограммақәа рыструктуратә модификациагьы иалацәажәан. Аԥыза-министр инапынҵала азиндырыҩцәа, асоциалтә усхк аекспертцәа апрограмма иалахәхар зылшо акатегориақәа ҭырҵааит.

Иахьазы иазыԥхьагәаҭоуп апрограммақәа еидҵаны акны иҟарҵарц. Еидҵоу аресурсқәа 40 миллион мааҭ рҟынӡа ҟалоит, уи есышықәса 50 ҭаацәара ацхыраара рыҭара алнаршоит. Апрограмма ҩышықәса ҿҳәарас иаҭахоит.

Александр Анқәаб иҳәеит апрограммақәа рҳәаақәа ирҭагӡаны анхарҭаҭыԥ роур шалшо, I агәыԥ аинвалидцәа, 1992-1993 шықәсазтәи аибашьраан иҭахаз рҭаацәарақәа, зҭаацәа ҭахаз ахәыҷқәа, ԥшьҩык инареиҳани ахшара змоу аҭаацәарақәа.

Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" рзы акомиссиа аусура аанкылан 2020 шықәса хәажәкырамзазы акоронавирус алаҵәара инадҳәаланы.

5

Гагратәи аконсултә ҟәша аҳәаанырцәтәи атәылауаҩшәҟәқәа рыҭара иалагоит

5
Ацҳаражәҳәарҭа аконсултә ҟәша Гагра аус ауеит аԥхынтәи аамҭазы аҳәаанырцәтәи атәылауаҩшәҟәқәа рыдкылареи рыҭареи иара убасгьы атуристцәа ацхыраара рыҭареи рзы.

АҞӘА, цәыббра 23 - Sputnik. Аԥсны иҟоу Урыстәыла Ацҳаражәҳәарҭа Гагра иҟоу аконсултә ҟәша аҿы аҳәаанырцәтәи атәылауаҩшәҟәқәа рырҭоит цәыббра 24 асааҭ  10:00 - 17:00 рзы. Абри атәы аҳәоит Ацҳаражәҳәарҭа Facebook ахатәы даҟьаҿы.

Аконсултә ҟәша Гагра амилициа араионтә ҟәшаҿы иҟоуп. Иазгәарҭуеит, ишхымԥадатәиу уаанӡатәи атәылауаҩ ишәҟәы уцзар шакәу.

Гагратәи аконсултә ҟәша аԥҵан 2009 шықәсазы Сергеи Лавров  Аҟәа дааны даныҟаз Аԥсны адәныҟатәи аусқәа рминистри иареи реицәажәарала. Анаҩс аҟәша аадыртит 2010 шықәсазы.

5

Ачемпионат ConIFA Африка Занзибар имҩаԥгахоит

3
(ирҿыцуп 14:14 23.09.2021)
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам акомандақәа, зынӡа – 25 команда.

АҞӘА, цәыббра 23 - Sputnik. ConIFA Africa аҳәаақәа ирҭагӡаны ашьапылампыл ачемпионат абҵара 13- 25 рзы Занзибар имҩаԥысраны иҟоуп, ҳәа аанацҳауеит аиҿкаара Twitter аҿтәи адаҟьаҿы.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда. Аамҭақәак раԥхьа аҽа хырхарҭакгьы аусура иалагеит – Африкатәи аконтинент аҿы ачемпионат амҩаԥгара.

Уаанӡа аԥхынразы ачемпионат азыԥхьагәаҭан аха акоронавирус иахырҟьаны аамҭа еиҭакын.

Рашәарамзазы ашьапылампыл азы Европа ачемпионат ConIFA-2021, Франциатәи ақалақь Ницца имҩаԥысраны иҟаз ахыган атурнир, аепидемиологиатә ҭагылазаашьа Франциа иахьыуадаҩуи анапхгара ауснагӡатә ашәарҭадара иахьзадымгылои азы. Ашьапылампыл азы Аԥсны еизгоу акоманда ConIFA-2021 Европа ачемпионат иалахәхараны иҟан.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

3