Аԥсны Адәныҟатәи аусқәа рминистрра Agile Spirit аҽазыҟаҵарақәа рзы ахҳәаа ҟанаҵеит

17
Есышықәса НАТО имҩаԥнаго арратә ҽазыҟаҵарақәа Agile Spirit 2021 Қырҭтәыла иалагеит сынтәа ԥхынгәы 26 азы. Аҽазыҟаҵарақәа ирылахәуп 2,5 нызқьҩык рҟынӡа аррамаҵзурауаа алианс иалахәу 15 тәыла рҟынтәи.

АҞӘА, ԥхынгәы 29 - Sputnik. Аҟәа агәҭынчымра азцәырнагоит Қырҭтәылеи мраҭашәаратәи аҩызцәеи еицымҩаԥырго рырратә ҽазыҟаҵарақәа Agile Spirit 2021, абас аҳәамҭа ҟанаҵеит Аԥсны Адәныҟатәи аусқәа рминистрра.

Аахыҵ Кавкази Амшын еиқәеи рҟны НАТО аҟазаареи, Қырҭтәыла арратә лшара аизырҳареи иарбанызаалак арратә ҭахызаарак иақәшәом, аилкаара аҳәаақәагь ирҭысуеит, ҳәа азгәарҭуеит аминистрраҿы.

Арҭ аҽазыҟаҵарақәа арегион аҿы аибарххара иацрымҵозар акала ихәарҭам, рҳәоит ААР.

"Қырҭтәыла ЕААи НАТОи рахь иаанырԥшуа аизыҟазаашьа бзиала зегьы еилызырбго амҩа иануп, убри алагьы Аԥсны Аҳәынҭқарра аганахь ала амч ахамырхәаразгьы ҭакԥхықәрак иаҵагылар рҭахым", - ҳәа азгәаҭоуп аминистрра ахҳәааҿы.

Аԥсны Қырҭтәылеи НАТОи рырратә ҽазыҟаҵарақәа ирышьклаԥшуеит, Қырҭтәылеи аҩызцәеи рганахь ала иарбанызаалак аичырчарак ҟалар аҭакҟаҵара иазыхиоуп рҳәоит аусбарҭаҿы. Аԥсны ААР аҟны иазгәарҭеит 2008 шықәсазы Қарҭ мраҭашәаратәи арратә алианс алахәхара аҭахны Аахыҵ Уаԥстәыла аганахь ала аибашьра ианалага иҟалаз рхадмыршҭырц.

"Уи аус иахҟьаз ахаршҭра иаԥсам", - рҳәеит Аԥсны ААР аҿы.

Agile Spirit ("Проворный дух") Қырҭтәыла имҩаԥыргоит 2011 шықәса раахыс, сынтәа жәантәуп. 2018 шықәса раахыс ҩышықәса рахь знык имҩаԥысуеит.

17

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10