ААУ аҟны аԥышәарақәа дыркьаҿит аепидемиологиатә ҭагылазаашьа иахҟьаны

85
(ирҿыцуп 18:44 29.07.2021)
Аԥснытәи аҳәынҭқарратә университет аҟны биуџьеттә ҭыԥк аҿы 1,3 ықгылан, зынӡа иҟаз 294 биуџьет ҭыԥ ахь инеиит 397 абитуриентцәа.

АҞӘА, ԥхынгәы 29 – Sputnik, Бадраҟ Аҩӡба. Атәылаҿ аепидемиологиатә ҭагылазаашьа ауадаҩра иахҟьаны  аԥсуа бызшәеи аурыс бызшәеи рзы аиҭаҳәа аҩра ихадарам азанааҭқәа рҿы  иаԥыхын ҳәа  Sputnik иазеиҭалҳәеит  ААУ адкыларатә комиссиа аҭакзыԥхықәу амаӡаныҟәгаҩ Инга Арӡынԥҳа.

"Адкыларатә комиссиа аӡбра аднакылеит  аҭаларатә ԥышәарақәа  рҿы аиҭакрақәа мҩаԥгазарц. Ахырхарҭақәа зегьы рҿы актәи аԥышәара  азанааҭтә маҭәар акны иҟаҳҵеит. Уи ашьҭахь егьырҭ  аԥышәарақәа мҩаԥаагеит", - лҳәеит лара.

Инга Арӡынԥҳа иазгәалҭеит аԥхьатәи аԥышәарақәа ҩба ишзанааҭтәыз, анаҩс аурыс ма аԥсуа бызшәазы аиҭаҳәа шырыҩуаз.

"Афакультетқәа, зыҟны  аурыс ма аԥсуа бызшәа азанааҭ маҭәарны иахьыҟам ахԥатәи аԥышәар аиҭаҳәа рыҩуан. Уи лкаа ҟанаҵом ареитинг азы абиуџьеттә ҭыԥқәа рҿы", - лҳәеит лара.

Ахырхарҭа иақәымшәо аԥышәараз азшьа ықәдыргылоит, ма иқәдыргылом.

"Азшьа змауыз абитуриент дҭамлеит ахьӡуп.  Азшьа зауыз изшьа аԥхьатәи аԥышәарақәа рылҵшәақәа ирныруам. Афилологиатә факультет аҿы акәзар  аиҭаҳәа  рыҩуан:  "аԥсуа бызшәеи алитературеи", "аԥсуа бызшәа иаԥсыуам ашколқәа рҿы", "ажурналистика", "алингвистика", "анемец бызшәа", "англыз бызшәа" ахырхарҭақәа зегьы рҿы, ҳәа лҳәоит лара.

Атәылаҿ аепидемиологиатә ҭагылазаашьа ауадаҩра иахҟьаны  аԥсуа бызшәеи аурыс бызшәеи рзы аиҭаҳәа аҩра ихадарам азанааҭқәа рҿы  иаԥыхын. Асеиԥш аӡбамҭа аднакылеит  ауниверситет аректор Алеко Гәарамиа зхадараҿы дыҟаз адкыларатә комиссиа.

Сынтәа Аԥснытәи ашколқәа ирылгеит 1975-ҩык, Аԥснытәи аҳәынҭқарартә  университет ахь рдокументқәа наргеит 638 абитуриентцәа, - лҳәеит Инга Арӡынԥҳа.

Еиҳа адокументқәа нашьҭын абарҭ ахырхарҭақәа рахь: "аекономика" (аурыс сектор), "азиндырра", "прикладнаиа математика", "аҭоурых" (аурыс сектор), "жәларбжьаратәи аизыҟазаашьақәа".

85

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10