Иреиҳаӡоу аӡбарҭа Анхәа ақыҭан иҟалаз ауаҩшьразы аус аиҭаҭҵаарахь инанашьҭит

27
(ирҿыцуп 09:48 30.07.2021)
65 шықәса зхыҵуаз Ҭимыр Ахба иԥсыбаҩ ԥшаан Гәдоуҭа араион Анхәа ақыҭан амҩахәасҭақәа руак аҟны, ажьырныҳәа 5 аҽны. Ашьра ҟаиҵеит ҳәа азыԥхьаӡан Роман Аргәын.

АҞӘА, ԥхынгәы 30 – Sputnik, Асмаҭ Ҵәыџьԥҳа. Аԥсны Иреиҳаӡоу аӡбарҭа ахашшааратә коллегиа Аҟәатәи ақалақьтә ӡбарҭа Ҭимыр Ахба ишьраҿы хара идым ҳәа Роман Аргәын иазхаҵаразы ахарадҵара аган ашшыԥхьыӡ иақәшаҳаҭны аиҭаусҭҵаарахь инанашьҭит.

Ахарадҵаратә ган ргәаанагарала Аҟәатәи ақалақьтә ӡбарҭа азхьамԥшит Ҭимыр Ахба иԥсыбаҩ Роман Аргәын иашьа Рауль Аргәын Анаҟәаԥиа ашьапаҿы иахьиԥшааз. Уи аҭыԥ идыруан иашьа иажәақәа рыла. Уи адагьы аус ашаҳаҭцәа ражәақәа рыла, зус рыӡбои ишьуи рыбжьара аизыҟазаашьақәа бааԥсын аԥсшьарҭатә база "КбГу" аҭира иахҟьаны. Абри аимак ауп ауаҩшьрагьы зхылҿиааз.

Ҭимыр Ахба абаза адиректорс дыҟан, ихаҭыԥуаҩыс дыҟан иахьазы зыԥсҭазаара иалҵхьоу Гыд Аргәын. Апансионат аҳәынҭқарра иамазаран, аха қьырала игеит афирма "Новейший Афон" ахатәтәҩы Агрба Беслан. Ахарадҵаратә ган иаԥхьаӡоит Роман Аргәын Гыд Аргәын дишьҭрақәлаҩны ихы иԥхьаӡон ҳәа. Уи ауп аганқәа иреимакыраз. Агрба Беслани егьырҭ ахаҿқәеи рыбжьара ахатәтәразы аофициалтә еиқәшаҳаҭра ыҟазу иҟамзу, Ахба алаӡаразы аԥара иоуу имоуу шьақәыргылам.

"Аӡбарҭа ахәшьара анамҭеит ашаҳаҭцәа Керсилиани Петикиани рҿахәы, зус рыӡбо иԥҳәыс Петикиан ҭелла 10 000 мааҭ лиҭарц дышиҳәаз, лхаҵа ауаҩы дшишьыз шылҳәаз. Ари ауаҩшьра адырҩаҽноуп ианыҟалаз. Анаҩс ашаҳаҭцәа ирҳәахьаз мап ацәыркит. Дара рҿахәы азхьаԥшра аҭамызт",- рҳәоит ахарадҵаҩцәа.

Иара убасгьы аус  аматериалқәа рыла Аргәынаа рхаҭарнакцәа Ахаа аԥсыжрахь инарышьҭырц ирыҳәеит, аҭамзаара шьҭарҵеит.

"Аӡбарҭа азхьамԥшит Аргәын иаанкылара аҭагылазаашьагьы. Иара даанкылан Аԥсни Қырҭтәылеи рҳәаа ажьырныҳәа 6 азы иахысраан", - азгәарҭоит ахарадҵаратә ганаа.

Арыцҳара иақәшәаз аган адукат Мадина Лазаревагьы ахарадҵаратә ган дадгылан илҳәоит аӡбарҭа иашамкәа ахәшьара ҟанаҵеит ҳәа.

Ахара здырҵо идукат Инга Габилаиаԥҳа илҳәоит ақалақьтә еизара аӡбамҭа иашоуп, илыхьчо ахаҿы хара идым ҳәа.
Габилаиаԥҳа илҳәеит Гыд Аргәын иԥҳәыс ианлазҵаауаз ишылҳәаз Роман Аргәын асанаториа "КбГу" аҭира ахәԥсахәҭа шлыдимгалацыз, иҭаацәа рҟынтәгьы аӡәгьы ахбра аҭира ишалахәымыз.

"Дыҟам аӡәгьы Роман Аргәын асанаториа акала дадҳәалан ҳәа зҳәо", - азгәалҭоит адукат.

Аҟәа ақалақьтә ӡбарҭа аӡбамҭала Роман Аргәын ихара шьақәырӷәӷәам, ажьырныҳәа 5 рзы, Анхәа ақыҭан зыԥсыбаҩ ԥшааз Ҭимыр Ахба дишьит ҳәа агәҩарала.

Иара убас аӡбарҭа Аргәын -Аԥсны аҳәынҭқарратә ҳәаа Егры аӡиас ала изакәанымкәа дахыҵит ҳәа идырҵоз ахара шьақәырӷәӷәам ҳәа ахнаҳәааит.

Аргәын арҭ ацәгьоурақәа рзы ахара ихырхит, аха абџьар закәаншьаҭада аахәара, аҭира, аҵәахра, амҩангара, аныҟәгареи рзы ахәҭаҷ ала хышықәса ҭакрала ихгазарц иқәнаҵеит. Роман Аргәын ихы дақәиҭтәын Аԥсны Аиааиреи Ахьыԥшымреи рымш 27 шықәса ахыҵра ахьӡала ирылаҳәаз амнистиа дахьаҵанакыз иабзоураны.

Ҭимыр Ахба ишьразы ашьауӷатә ус Апрокуратура хадахьы иргьежьуп ауаҩшьра ҟазҵаз ишьақәыргыларазы.

27

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10