Ашәахтәқәа рминистррахь адекларациа ианаамҭаз назышьҭыз аҳәынҭмаҵзурауаа рхыԥхьаӡара ҳәоуп

28
(ирҿыцуп 18:22 04.08.2021)
"Амаҵурауааи адепутатцәеи рхашәалақәеи, рныхрақәеи, рмазареи, амазаратә ҟазшьа змоу рхыдҵақәеи ашәҟәы рҭагаларазы" аҵыхәтәантәи ариашарақәа злагалоу азакәан амчра аиуит 2021 шықәса ԥхынгәы 1 инаркны.

АҞӘА, нанҳәа 4 - Sputnik. Аԥсны ашәахтәқәеи аизгақәеи рминистрра аелектронтә базахь инашьҭуп 774 декларант рдыррақәа. Абри атәы аанацҳауеит аусбарҭа аминистрра.

Аелектронтә база апрограмма  аккаунт аҭалараз алогини апарольи ирыҳәеит 101 ҳәынҭқарратә еиҿкаара.

Азакәан инақәыршәаны адекларант аминистррахь аинформациа нанҳәа 1 аҟынӡа инеишьҭыр акәын.

"Акадырқәа рыҟәшақәа азин раҳҭеит ҳапрограмматә еиқәыршәара ахәҭак алахәхара, Ашәахтәқәеи аизгақәеи рминистрра адыррақәа рбазахь адекларациаз адыррақәа аларгаларц", - ҳәа уаанӡа ателеканал Абаза-ТВ иазеиҭеиҳәахьан аминистрра апресс-маӡаныҟәгаҩ Гьаргь Габуниа.

Иара иҳәеит иахьазы мзызқәак ирхырҟьаны заҟаҩ адекларациа хадырҭәааз дырым ҳәа. Идыру аиҿкаарақәа заҟа ыҟоу ауп.

Аминистррахь адекларациа назышьҭыз иреиуоуп: Аԥсны аԥыза-министр, Аминистрцәа реилазаара Аппарат аусуҩцәеи амаҵзурауааи, Апрокурор хада, апрокуратуратә усбарҭақәа рмаҵзурауаа, акультура аминистр, акультура аминистрра  аппарат аусзуҩцәеи амаҵзурауааи, аҩныҵҟатәи аусқәа рминистр, аминистрра амаҵзурауааи аусзуҩцәеи.

Арадио Sputnik аҟны азиндырыҩ Олег Басариа иҳәеит "Амаҵурауааи адепутатцәеи рхашәалақәеи, рныхрақәеи, рмазареи, амазаратә ҟазшьа змоу рхыдҵақәеи ашәҟәы рҭагаларазы" азакәан  анагӡара апроблемақәа амоуп, ԥхьаҟагьы иамазаауеит ҳәа.

Иара иажәақәа рыла еилкаам адекларациа аиашара шышьақәыргылатәу, уи апроцедура азакәан аҿы иахьарбам азы.

"Иуадаҩуп аҳәара аҭакԥхықәра зду аусбарҭақәа иарбан шьаҿақәоу иҟарҵараны иҟоуп, маругас рхы иадырхәаша аҳәара. Сара аханатә исҳәон Ашәахтәқәа рминистрра ариаҟара ашәҟәқәа аус адулара алшом ҳәа. Еилых-еилыхны игәаҭахоит. Уи адагьы агәаҭара ахаҭабзиара зеиԥшрахарызеи. Уи ауп изыдҳәалахо ԥхьаҟа адекларациа ҟазҵаз риашара", -  иҳәеит иара.

"Амаҵурауааи адепутатцәеи рхашәалақәеи, рныхрақәеи, рмазареи, амазаратә ҟазшьа змоу рхыдҵақәеи ашәҟәы рҭагаларазы" аҵыхәтәантәи ариашарақәа злагалоу азакәан амчра аиуит 2021 шықәса ԥхынгәы 1 инаркны.

Амаҵзурауаа ҳәа иԥхьаӡоуп аҳәынҭқарартә усзуҩцәа аиҿкаара-еихшаратә усурақәа, административ-нхамҩатә, ахылаԥшра-гәаҭаратә усурақәа мҩаԥызго.

Нанҳәа 1 аҟынӡа амаҵзуратә хаҿқәеи адепутатцәеи аинформациа нарышьҭыроуп Ашәахтәеи аизгақәеи рминистррахь рхашәалазы. Усеиԥш ҟазымҵаз ма ииашам аинформациа назышьҭыз ачынуаҩ азакәан инақәыршәаны иусура дамхзароуп мамзаргьы лахь иҭазароуп.

28

Аԥсны аиҳабыра анхарҭаз аҳәынҭқарратә программа еиҭахәаԥшраны иҟоуп

5
2020 шықәсазы аекономикатә ҭагылазаашьа иахҟьаны ареспубликаҿы аамҭала иаанкылан аҳәынҭпрограммақәа ҩба: "Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәара ", "Анхарҭа-2021".

АҞӘА, цәыббра 23 - Sputnik. Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәараҿ ацхыраара аҟаҵаразы аҳәынҭқарратә программа аформа ҿыц апроект изаамҭанытәиу Аминистрцәа реилазаара аилатәараҿы иахәаԥшраны иҟоуп. Абри атәы аанацҳауеит Аминистрцәа реилазаара асаит.

Цәыббра 22 азы аԥыза-министр Александр Анқәаб аусутә еилацәажәара мҩаԥигеит социалла ихьчам атәылауаа аҳәынҭқарратә цхыраара рыҭара азҵаарақәа рзы.

2019 шықәсазы Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" ирыбзоураны 50 ҭаацәара ацхыраара рыҭан.

Аҳәынҭпрограмма иалахәу акандидатцәа рҟынтә азыҳәақәеи адокументқәеи рыдыркылон 2020, 2021 шықәсқәа рызгьы, аха абиуџьет аԥарақәа аҿкчымазара аԥырҟәҟәара иазырхахеит.

Аусутә еилацәажәараҿы апрограммақәа рыструктуратә модификациагьы иалацәажәан. Аԥыза-министр инапынҵала азиндырыҩцәа, асоциалтә усхк аекспертцәа апрограмма иалахәхар зылшо акатегориақәа ҭырҵааит.

Иахьазы иазыԥхьагәаҭоуп апрограммақәа еидҵаны акны иҟарҵарц. Еидҵоу аресурсқәа 40 миллион мааҭ рҟынӡа ҟалоит, уи есышықәса 50 ҭаацәара ацхыраара рыҭара алнаршоит. Апрограмма ҩышықәса ҿҳәарас иаҭахоит.

Александр Анқәаб иҳәеит апрограммақәа рҳәаақәа ирҭагӡаны анхарҭаҭыԥ роур шалшо, I агәыԥ аинвалидцәа, 1992-1993 шықәсазтәи аибашьраан иҭахаз рҭаацәарақәа, зҭаацәа ҭахаз ахәыҷқәа, ԥшьҩык инареиҳани ахшара змоу аҭаацәарақәа.

Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" рзы акомиссиа аусура аанкылан 2020 шықәса хәажәкырамзазы акоронавирус алаҵәара инадҳәаланы.

5

Гагратәи аконсултә ҟәша аҳәаанырцәтәи атәылауаҩшәҟәқәа рыҭара иалагоит

5
Ацҳаражәҳәарҭа аконсултә ҟәша Гагра аус ауеит аԥхынтәи аамҭазы аҳәаанырцәтәи атәылауаҩшәҟәқәа рыдкылареи рыҭареи иара убасгьы атуристцәа ацхыраара рыҭареи рзы.

АҞӘА, цәыббра 23 - Sputnik. Аԥсны иҟоу Урыстәыла Ацҳаражәҳәарҭа Гагра иҟоу аконсултә ҟәша аҿы аҳәаанырцәтәи атәылауаҩшәҟәқәа рырҭоит цәыббра 24 асааҭ  10:00 - 17:00 рзы. Абри атәы аҳәоит Ацҳаражәҳәарҭа Facebook ахатәы даҟьаҿы.

Аконсултә ҟәша Гагра амилициа араионтә ҟәшаҿы иҟоуп. Иазгәарҭуеит, ишхымԥадатәиу уаанӡатәи атәылауаҩ ишәҟәы уцзар шакәу.

Гагратәи аконсултә ҟәша аԥҵан 2009 шықәсазы Сергеи Лавров  Аҟәа дааны даныҟаз Аԥсны адәныҟатәи аусқәа рминистри иареи реицәажәарала. Анаҩс аҟәша аадыртит 2010 шықәсазы.

5

Ачемпионат ConIFA Африка Занзибар имҩаԥгахоит

1
(ирҿыцуп 14:14 23.09.2021)
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам акомандақәа, зынӡа – 25 команда.

АҞӘА, цәыббра 23 - Sputnik. ConIFA Africa аҳәаақәа ирҭагӡаны ашьапылампыл ачемпионат абҵара 13- 25 рзы Занзибар имҩаԥысраны иҟоуп, ҳәа аанацҳауеит аиҿкаара Twitter аҿтәи адаҟьаҿы.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда. Аамҭақәак раԥхьа аҽа хырхарҭакгьы аусура иалагеит – Африкатәи аконтинент аҿы ачемпионат амҩаԥгара.

Уаанӡа аԥхынразы ачемпионат азыԥхьагәаҭан аха акоронавирус иахырҟьаны аамҭа еиҭакын.

Рашәарамзазы ашьапылампыл азы Европа ачемпионат ConIFA-2021, Франциатәи ақалақь Ницца имҩаԥысраны иҟаз ахыган атурнир, аепидемиологиатә ҭагылазаашьа Франциа иахьыуадаҩуи анапхгара ауснагӡатә ашәарҭадара иахьзадымгылои азы. Ашьапылампыл азы Аԥсны еизгоу акоманда ConIFA-2021 Европа ачемпионат иалахәхараны иҟан.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

1